Covid New Drug : కరోనా చికిత్సకు కొత్త మందు.. ఐదు రోజులిస్తే చాలు.. వైరస్ ఖతమే!
కరోనా చికిత్సకు కొత్త మందు కనుగొన్నారు ఆస్ట్రేలియన్ పరిశోధకులు. ఈ మందును ఐదురోజుల పాటు ఇంజెక్షన్ రూపంలో ఇస్తే చాలు.. వైరస్ కణాలు వెంటనే చచ్చిపోతాయని అంటున్నారు.
- Published By: 10TV Digital Team ,Published On : May 20, 2021 / 02:15 PM IST
New Drug Effective Covid 19 Treatment
New Drug effective COVID-19 treatment : కరోనా చికిత్సకు కొత్త మందు కనుగొన్నారు ఆస్ట్రేలియన్ పరిశోధకులు. ఈ మందును ఐదురోజుల పాటు ఇంజెక్షన్ రూపంలో ఇస్తే చాలు.. వైరస్ కణాలు వెంటనే చచ్చిపోతాయని అంటున్నారు. ఆస్ట్రేలియా-అమెరికా శాస్త్రవేత్తల బృందం ఈ కొత్త మందును కనుగొంది.గ్రిఫిత్‌ యూనివర్సీటీకి చెందిన మెంజీస్‌ హెల్త్‌ ఇన్‌స్టిట్యూట్‌ నేతృత్వంలో ఈ కొత్త ఔషధాన్నిఅభివృద్ధి చేశారు. పరిశోధనలో భాగంగా ముందుగా ఎలుకలపై ప్రయోగం చేశారు. ఈ ప్రయోగంలో మంచి ఫలితాలు వచ్చాయి. జీవ కణాల్లోకి ప్రవేశించిన వైరస్ అభివృద్ధి చెందకుండా ఈ కొత్త ఔషధం అడ్డుకుంటుంది.
ఎలుకలపై చేసిన ప్రయోగాల్లో మంచి ఫలితాలు వచ్చాయి. కరోనా వైరస్ పార్టికల్స్‌ 99.9శాతం క్షీణించినట్టు పరిశోధకులు వెల్లడించారు. ఎలుకల్లో మాదిరిగానే మనుషుల్లోనూ ఇదే ఫలితం వచ్చే అవకాశముందని అంటున్నారు. కరోనా బాధితులకు 5 రోజులపాటు ప్రతిరోజు ఇంజెక్షన్ రూపంలో ఇవ్వడం ద్వారా కొవిడ్‌ను కంట్రోల్ చేయొచ్చునని అంటున్నారు. మనుషులపై ట్రయల్స్ పూర్తికావడానికి సమయం పడుతుందని పరిశోధక వర్గాలు వెల్లడించాయి.
Some very positive news to wake up to this morning! Also, how good is Australian research and researchers?
New #COVID19 Rx therapy #auspol@WHO https://t.co/89B1TEvq1N
— Adam Kamradt-Scott (@adamkams) May 17, 2021
కరోనాలో ఆర్‌ఎన్‌ఏ, డీఎన్‌ఏ రహస్యాలను ఈ పార్టికల్స్‌ మనిషిలోని జీవకణాలకు చేరవేస్తాయి. అన్ని కణాలను వైరస్‌గా మార్చేందుకు సహకరిస్తుంటాయి. ఈ కొత్త ఔషధం వైరస్ అభివృద్ధిచెందకుండా అడ్డుకుంటుంది. వైరస్ కణాలపై దాడిచేసి ఆర్‌ఎన్‌ఏ సమాచారాన్ని మారకుండా అడ్డుకుంటుంది. దాంతో వైరస్ కాపీలు పెరగకుండా అడ్డుకుంటుందని నిపుణులు అంటున్నారు. కరోనా జాతుల్లో అన్ని వైరస్‌లపై ఈ దివ్యాషధం అద్భుతంగా పనిచేస్తుందని పరిశోధకులు అభిప్రాయపడుతున్నారు.
