Maltodextrin : ఎనర్జీ డ్రింక్స్, స్పోర్ట్స్ డ్రింక్స్ ఆధారిత పానీయంలో కనిపించే మాల్టోడెక్స్ట్రిన్ అంటే ఏమిటి ? దీని వల్ల ఎలాంటి ప్రయోజనాలు కలుగుతాయంటే ?

యునైటెడ్ స్టేట్స్లో ఉత్పత్తి చేయబడిన మాల్టోడెక్స్ట్రిన్ మొక్కజొన్న ఆధారితమైనవి కాగా యూరోపియన్ ఉత్పత్తులు సాధారణంగా గోధుమ ఆధారితమైన మాల్టోడెక్స్ట్రిన్. అధ్యయనాల ప్రకారం, మాల్టోడెక్స్ట్రిన్లు మొక్కజొన్న సిరప్ ఘనపదార్థాలకు చాలా దగ్గరి సంబంధం కలిగి ఉంటాయి.

Maltodextrin

Maltodextrin : మాల్టోడెక్స్ట్రిన్ అనేది ప్రాసెస్ చేయబడిన , ప్యాక్ చేయబడిన ఆహారాలలో కనిపించే ఒక సాధారణ పదార్ధం. మాల్ట్ ఆధారిత పానీయంలో కనిపించే ప్రధాన పదార్ధాలలో ఇది ఒకటి. బోర్న్‌విటాకు సంబంధించి తాజా వివాదంతో మాల్టోడెక్స్ట్రిన్ చర్చనీయాంశంగా మారింది. మొక్కజొన్న, బంగాళాదుంప, బియ్యం లేదా గోధుమలతో సహా ఇతర వనరుల నుండి మాల్టోడెక్స్ట్రిన్ ను తయారు చేయవచ్చు.ఇది మొక్కల నుండి తయారైనప్పటికీ, మాల్టోడెక్స్ట్రిన్ ప్రాసెస్ చేయబడుతుంది. ఒకరకమైన తీపి రుచిని కలిగి ఉంటుంది.

READ ALSO : మానసిక ఆరోగ్యం కోసం

యునైటెడ్ స్టేట్స్లో ఉత్పత్తి చేయబడిన మాల్టోడెక్స్ట్రిన్ మొక్కజొన్న ఆధారితమైనవి కాగా యూరోపియన్ ఉత్పత్తులు సాధారణంగా గోధుమ ఆధారితమైన మాల్టోడెక్స్ట్రిన్. అధ్యయనాల ప్రకారం, మాల్టోడెక్స్ట్రిన్లు మొక్కజొన్న సిరప్ ఘనపదార్థాలకు చాలా దగ్గరి సంబంధం కలిగి ఉంటాయి. చక్కెర, తేనె లేదా మాపుల్ సిరప్ లు సాధారణంగా చక్కెర కు ప్రత్యామ్నాయాలుగా ఆహారాలలో ఉపయోగించే ప్రాధమిక స్వీటెనర్లుగా భావించవచ్చు. స్వచ్ఛమైన మొక్కజొన్న కార్బోహైడ్రేట్-ఆధారిత స్వీటెనర్లకు మూలంగా మారింది.

మాల్టోడెక్స్ట్రిన్ , కార్న్ సిరప్ రెండూ జలవిశ్లేషణకు లోనవుతున్నప్పటికీ, రసాయన ప్రక్రియలో విచ్ఛిన్నానికి నీటిని జోడిస్తారు. ఈ ప్రక్రియ పూర్తయిన తర్వాత, మొక్కజొన్న సిరప్ ఘనపదార్థాలు కనీసం 20 శాతం చక్కెరను కలిగి ఉంటే, మాల్టోడెక్స్ట్రిన్ చక్కెర 20 శాతం కంటే తక్కువగా ఉంటుంది.

READ ALSO : Children Heart Health : మీ పిల్లల గుండె ఆరోగ్యం పట్ల ఎలాంటి జాగ్రత్తలు పాటించాలంటే ?

మాల్టోడెక్స్ట్రిన్ వివిధ రకాల ఆహారాల్లో వినియోగిస్తారు. బరువును పెంచే సప్లిమెంట్లు, పెరుగు, న్యూట్రిషన్ బార్లు, చిప్స్, సాస్‌లు, మసాలా మిశ్రమాలు, ధాన్యాలు, బేకరీ వస్తువులు, బీరు వంటి వాటిలో దీనిని వినియోగిస్తారు.

మాల్టోడెక్స్ట్రిన్ ఎలా తయారవుతుంది?

మాల్టోడెక్స్ట్రిన్ అనేది ఒక రకమైన కార్బోహైడ్రేట్. మాల్టోడెక్స్ట్రిన్ తయారీ సందర్భంలో అధిక ప్రాసెసింగ్‌కు లోనవుతుంది. ఇది యాసిడ్లు, ఎంజైమ్‌లతో తయారవుతుంది. ప్రాసింగ్ ప్రక్రియలు మరింత విచ్ఛిన్నం చేయడంలో ఇవి సహాయపడతాయి. తటస్థ రుచితో నీటిలో కరిగే తెల్లటి పొడిగా మారుతుంది. ఇది ఒక రకంగా చెప్పాలంటే చక్కెర లోటును భర్తీ చేస్తుంది. వివిధ ఆహారాల నిల్వతోపాటు, రుచిని మెరుగుపరుస్తుంది.

READ ALSO : Meal Maker : చెడు కొలెస్ట్రాల్ స్థాయిలు త‌గ్గించి గుండెను ఆరోగ్యంగా ఉంచే మీల్ మేకర్ !

మాల్టోడెక్స్ట్రిన్ సురక్షితమేనా?

FDA ప్రకారం, మాల్టోడెక్స్ట్రిన్ సురక్షితమైన ఆహారలలో ఒకటి, అయితే పరిమితమోతాదులో మాత్రమే వినియోగించాలి. మాల్టోడెక్స్ట్రిన్ ఉన్న ఆహారాన్ని ఎక్కువగా తినడం వల్ల అనేక ఆరోగ్య సమస్యలు వస్తాయని వైద్యులు చెబుతున్నారు. ఇది చక్కెరతో నిండి ఉండి ఫైబర్ కలిగి ఉండదు కాబట్టి, మాల్టోడెక్స్ట్రిన్ అధికంగా ఉండే ఆహారం టైప్-2 మధుమేహం, బరువు పెరగడం, అధిక కొలెస్ట్రాల్ ప్రమాదాన్ని పెంచుతుంది.

అలాగే, మాల్టోడెక్స్ట్రిన్ అధిక గ్లైసెమిక్ సూచికను కలిగి ఉంటుంది. బ్లడ్ షుగర్‌లో హెచ్చుతగ్గులకు దారితీస్తుంది. వైద్యులు దీనిని చాలా తక్కువ మొత్తంలో తీసుకోవాలని సిఫార్సు చేస్తున్నారు. మాల్టోడెక్స్ట్రిన్ వినియోగాన్ని పరిమితం చేయడం వల్ల పేగుల్లో బ్యాక్టీరియాను ఆరోగ్యంగా ఉంచడంలో కూడా సహాయపడుతుంది. పోల్స్ జర్నల్‌లోని ఒక అధ్యయనం ప్రకారం, ఈ మాల్టోడెక్స్ట్రిన్ గట్ బాక్టీరియా స్వరూపాన్ని మార్చగలదని, ఇది వ్యాధులకు ఎక్కువ అవకాశం కలిగిస్తుందని సూచిస్తుంది.

READ ALSO : Sapota Fruits : వేసవి కాలంలో రోజుకు రెండు సపోటా పండ్లు తింటే చాలు…మంచి ఆరోగ్యం మీ సొంతం!

మాల్టోడెక్స్ట్రిన్ యొక్క ప్రయోజనాలు ;

తక్షణ శక్తికి మూలం ; మాల్టోడెక్స్ట్రిను తక్షణ శక్తి వనరుగా వైద్యులు చెబుతున్నారు. ఒక గ్రాము పదార్ధంలో 4 కేలరీలు ఉంటాయి. ఒక టేబుల్ స్పూన్ చక్కెరలో అదే మొత్తం ఉంటాయి.ఇది జీర్ణక్రియను తీవ్రతరం చేస్తుంది. కాబట్టి మాల్టోడెక్స్ట్రిన్ కండరాలకు ఇంధనాన్ని అందిస్తుంది. అందువల్ల ఎనర్జీ డ్రింక్స్, స్పోర్ట్స్ డ్రింక్స్ తయారు చేయడానికి పెద్ద పరిమాణంలో ఉపయోగించబడుతుంది.

బరువు తగ్గకుండా చూసేందుకు ; మాల్టోడెక్స్ట్రిన్ చక్కెరను కలిగి ఉన్నప్పటికీ, మాల్టోడెక్స్ట్రిన్ తీసుకోవటం వల్ల శక్తి పెరగాలంటే క్రమం తప్పకుండా వ్యాయామం చేయాలి. తద్వారా బరువును అదుపులో ఉంచడానికి ఒక గొప్ప పదార్ధంగా ఉపయోగపడుతుంది. ఇది వేగంగా జీర్ణమయ్యే కార్బోహైడ్రేట్, క్రీడా పానీయాలు, స్నాక్స్‌లో చేర్చబడుతుంది. అయితే బాడీబిల్డర్లు, ఇతర అథ్లెట్లు దీనిని బరువు పెరగడానికి తీసుకుంటున్నారు. మాల్టోడెక్స్ట్రిన్ వ్యాయామాలు చేసేవారికి త్వరగా కేలరీలను శరీరంలో నింపేందుకు గొప్ప మూలం.

READ ALSO : Stay Healthy : ఆరోగ్యంగా ఉండాలంటే ఈ 5 డైట్ చిట్కాలను అనుసరించండి చాలు!

కొలొరెక్టల్ క్యాన్సర్‌తో పోరాడటానికి సహాయపడుతుంది ; ఫైబ్రెసోల్-2 అని పిలువబడే మాల్టోడెక్స్ట్రిన్ యొక్క రూపం, మానవ కొలొరెక్టల్ ట్యూమర్ కణాల పెరుగుదలను నిరోధించడంలో చాలా ప్రభావవంతంగా పనిచేస్తుంది. ఇది బ్యాక్టీరియా కిణ్వ ప్రక్రియను ప్రోత్సహిస్తుంది. జీర్ణక్రియను మెరుగుపరుస్తుంది.

గమనిక ; అందుబాటులో ఉన్న వివిధ మార్గాల ద్వారా ఈ సమాచారం సేకరించి అందించటమైనది. కేవలం అవగాహన కోసం మాత్రమే. ఏదైనా ఫిట్‌నెస్ ప్రోగ్రామ్‌ను ప్రారంభించే ముందు ,ఆహారంలో ఏవైనా మార్పులు చేసే ముందు వైద్యుడి సూచనలు, సలహాలు పాటించటం మంచిది.