Unstoppable Season 4 : యానిమేషన్ తో సిరీస్ ప్రోమో చేసి సరికొత్త చరిత్ర సృష్టించిన ఆహా.. బాలయ్య అన్‌స్టాపబుల్..

Unstoppable Season 4 : ఆహా ఓటీటీలో బాలకృష్ణ హోస్ట్ గా చేసిన అన్‌స్టాపబుల్ టాక్ షో సీజన్ 1, సీజన్ 2, సీజన్ 3 మూడు పెద్ద హిట్ అయిన సంగతి తెలిసిందే. నిన్న అన్‌స్టాపబుల్ సీజన్ 4 అనౌన్స్ చేసి దానికి సంబంధించిన ప్రోమో కూడా రిలీజ్ చేసారు. ఇన్నాళ్లు ప్రోమోలు అంటే ఆ షోని, షోలో జరిగే వాటిని చూపిస్తారు.

కానీ అన్‌స్టాపబుల్ షో కోసం ఆహా కొత్తగా ఆలోచించి బాలయ్య పండుగ అంటూ యానిమేషన్ తో సరికొత్త ప్రోమో చేసారు. దీంతో ఈ ప్రోమో వైరల్ గా మారింది. ఇలా ఒక టాక్ షో కోసం యానిమేషన్ ప్రోమో చేసి ఆహా సరికొత్త చరిత్ర సృష్టించింది. బాలయ్య అభిమానులు అయితే తమ హీరోని యానిమేషన్ లో మాస్ సూపర్ హీరోగా చూసుకొని మురిసిపోయారు.

Also Read : Chandrababu Naidu : కొడుకు నిశ్చితార్థంలో సీఎం చంద్రబాబు నాయుడు.. ఫోటో వైరల్..

ప్రోమోని ఇలా కొత్తగా యానిమేషన్ తో చేసి ప్రమోట్ చేస్తున్నారు ఆహా టీమ్. మరి మున్ముందు బాలయ్య అన్‌స్టాపబుల్ సీజన్ 4 ని ఇంకే రేంజ్ లో ప్రమోట్ చేస్తారో చూడాలి. ఇప్పటికే అన్‌స్టాపబుల్ సీజ్ 4 లో పలు ఎపిసోడ్స్ కూడా షూట్ చేసేశారంట. దీంతో ఈసారి ఏ సెలబ్రిటీలను బాలయ్య తెస్తారో అని ఎదురుచూస్తున్నారు ప్రేక్షకులు. అన్‌స్టాపబుల్ సీజన్ 4 అక్టోబర్ 24 నుంచి ఆహాలో స్ట్రీమింగ్ కానుంది. అన్‌స్టాపబుల్ షో సీజన్ 4 ప్రోమో చూసేయండి..