Allu Arjun emotional moment with mother
Allu Arjun : ఐకాన్ స్టార్ అల్లు అర్జున్ నటించిన లేటెస్ట్ బ్లాక్ బస్టర్ సినిమా పుష్ప 2. తాజాగా ఈ సినిమా వెయ్యి కోట్ల క్లబ్ లోకి చేరింది. విడుదలైన ఆరు రోజల్లోనే 1002 కోట్ల వసూళ్లు రాబట్టి సంచలనం సృష్టిస్తుంది పుష్ప 2. డిసెంబర్ 5న ప్రపంచ వ్యాప్తంగా విడుదలైన ఈ సినిమా మొదటి రోజు నుండే కాసుల వర్షం కురిపిస్తుంది. కేవలం తెలుగులోనే కాకుండా అన్ని భాషల్లో భారీ కలెక్షన్స్ తో దూసుకుపోతుంది.
Also Read : Rashmika Mandanna : అల్లు అర్జున్ దమ్మున్న హీరో.. ఆ సీన్ మరే హీరో చెయ్యలేడు.. బన్నీ పై రష్మిక కామెంట్స్..
కాగా వెయ్యి కోట్ల వసూళ్లు అందుకున్న నేపథ్యంలో పుష్ప 2 మూవీ టీమ్ తాజాగా ఢిల్లీలో సక్సెస్ ప్రెస్ మీట్ నిర్వహిస్తున్నారు. ఇక ఈ ఈవెంట్ కి పుష్ప మూవీ టీమ్ తో పాటు అల్లు అర్జున్ కూడా హాజరు కానున్నారు. ఇప్పటికే అల్లు అర్జున్ ఢిల్లీ కూడా చేరుకున్నారు. ఢిల్లీ చేరుకున్నట్టు తన సోషల్ మీడియా వేదికగా ఒక ఫోటో సైతం పెట్టాడు. అయితే ఈ ఫోటోతో పాటు తన తల్లి నిర్మలతో ఉన్న ఒక క్యూట్ ఫోటో కూడా షేర్ చేసాడు. పుష్ప సక్సెస్ మీట్ లో భాగంగా ఢిల్లీ వెళ్లే ముందు కాసేపు తన తల్లి తో కలిసి కాసేపు ముచ్చటించాడు బన్నీ.
What a beautiful morning . Big Day … beautiful start 🖤 pic.twitter.com/NCqYHexVSB
— Allu Arjun (@alluarjun) December 12, 2024
అల్లు అర్జున్ తన తల్లితో కలిసి ఉన్న ఫోటో షేర్ చెయ్యడంతో వైరల్ గా మారింది. ఇక ఇప్పటికే హైదరాబాద్ లో పుష్ప 2 సినిమా సక్సెస్ మీట్ నిర్వహించగా ఇప్పుడు ఢిల్లీలో చేస్తున్నారు. ఢిల్లీలో సక్సెస్ మీట్ చెయ్యడానికి.. అక్కడ పుష్ప 2 వసూలు చేస్తున్న కలెక్షన్స్ అని చెప్పొచ్చు. తెలుగు రాష్ట్రాల తర్వాత అంత మొత్తంలో వసూలు చేస్తుంది హిందీలోనే. ఇప్పటికే హిందీలో 375 కోట్లకు పైగా వసూలు చేసింది పుష్ప 2.
