ALLU Family Cutout From Allu Ramalingaiah to Allu Ayan Photo viral
ఐకాన్ స్టార్ అల్లు అర్జున్ న‌టిస్తున్న మూవీ పుష్ప 2. సుకుమార్ ద‌ర్శ‌క‌త్వంలో తెర‌కెక్కుతున్న ఈ మూవీ డిసెంబర్ 5న విడుద‌ల కానుంది. తెలుగుతో పాటు త‌మిళ, హింది, క‌న్న‌డ, మ‌ల‌యాళ బాష‌ల్లో ఈ మూవీ ప్రేక్ష‌కుల ముందుకు రానుంది. ర‌ష్మిక క‌థానాయిక. పుష్ప మూవీకి సీక్వెల్‌గా వ‌స్తున్న ఈ చిత్రంపై అభిమానుల్లో భారీ అంచ‌నాలే ఉన్నాయి. ఈ చిత్ర, టీజ‌ర్‌, ట్రైల‌ర్‌, పాట‌ల‌ను ఇప్ప‌టికే విడుద‌ల చేయ‌గా అవ‌న్నీ సినిమా పై ఉన్న అంచ‌నాల‌ను అమాంతం పెంచేశాయి.
ఇక థియేట‌ర్ల వ‌ద్ద ఇప్ప‌టి నుంచే ఈ చిత్ర సంద‌డి మొద‌లైంది. ఫ్యాన్స్ పెద్ద ఎత్తున క‌టౌట్లు, బ్యాన‌ర్లు ఏర్పాటు చేస్తున్నారు. కాగా.. ఓ సినిమా థియేట‌ర్ వ‌ద్ద ఏర్పాటు చేసిన కటౌట్ ప్ర‌స్తుతం సోష‌ల్ మీడియాలో వైరల్ అవుతోంది.
ఈ క‌టౌట్‌లో అల్లు వారి కుటుంబం మొత్తం ఉండ‌డం విశేషం. అల్లు అయాన్, అల్లు శిరీష్‌, అల్లు బాబీ, అల్లు అర‌వింద్, అల్లు అర్జున్, అల్లు రామ‌లింగ‌య్య ల‌తో కూడిన ఈ కటౌట్ అంద‌రిని ఆక‌ట్టుకుంటోంది.
Movie Shootings : మెగాస్టార్ నుంచి నాని వ‌ర‌కు.. ఏ హీరో సినిమా షూట్ ఎక్కడ జరుగుతుందో తెలుసా?
ఇదిలా ఉంటే.. ప్ర‌మోష‌న్స్‌లో భాగంగా హైద‌రాబాద్‌లో సోమ‌వారం ఈ చిత్ర ప్రీరిలీజ్ ఈవెంట్‌ను ఘ‌నంగా నిర్వ‌హించారు. తెలుగు రాష్ట్రాల్లో డిసెంబర్ 4న రాత్రి 9.30 గంటలకు ప్రీమియ‌ర్ షోల‌తో పాటు అర్థ‌రాత్రి 1 గంట‌కు, డిసెంబర్ 5న ఉద‌యం 4 గంటలకు బెనిఫిట్ షోలు ప‌డ‌నున్నాయి. ఆరు భాష‌ల్లో 12 వేల‌కి పైగా థియేట‌ర్ల‌లో ఈ చిత్రం విడుద‌ల కానుంది.
