Adipurush : ఆదిపురుష్ సినిమాలో ఆక్వామ్యాన్ అంటూ నెటిజెన్స్ ట్రోల్స్.. మీరు గమనించారా..?

ఆదిపురుష్ సినిమాలో హాలీవుడ్ సూపర్ హీరో ఆక్వామ్యాన్ ఉన్నాడు అంటూ కొందరు సోషల్ మీడియాలో పోస్టులు చేస్తున్నారు. మీరు గమనించారా..?

Adipurush : ఆదిపురుష్ సినిమాలో ఆక్వామ్యాన్ అంటూ నెటిజెన్స్ ట్రోల్స్.. మీరు గమనించారా..?

Aquaman in Prabhas Adipurush movie trolls gone viral

Prabhas Adipurush : ప్రభాస్ ఆదిపురుష్ సినిమా జూన్ 16న భారీ అంచనాలు మధ్య రిలీజ్ అయిన సంగతి తెలిసిందే. బాలీవుడ్ దర్శకుడు ఓం రౌత్ డైరెక్షన్ లో రామాయణ కథాంశంతో వచ్చిన ఈ సినిమా బాక్స్ ఆఫీస్ వద్ద తీవ్ర వ్యతిరేకతను ఎదురుకుంటుంది. ట్రోలింగ్స్, విమర్శలు, నిషేధాలు అంటూ చిత్ర యూనిట్ తీవ్ర ఇబ్బందులు ఎదురుకుంటున్నారు. ఈ సినిమాలోని పాత్రల వేషధారణ, డైలాగ్స్, స్క్రీన్ ప్లే అభ్యంతరకరంగా ఉన్నాయి అంటూ పలువురు ఆగ్రహం వ్యక్తం చేస్తున్నారు.

Adipurush : ఆదిపురుష్ పై కేంద్రమంత్రి అనురాగ్‌ ఠాకూర్‌ కామెంట్స్.. ప్రజల విశ్వాసాలను దెబ్బతియ్యడం..

ఇక ఈ సినిమాలో హాలీవుడ్ సూపర్ హీరో ఆక్వామ్యాన్ ఉన్నాడు అంటూ కొందరు సోషల్ మీడియాలో పోస్టులు చేస్తున్నారు. మూవీలో రావణాసురిడి కుమారుడు అయిన ‘ఇంద్రజిత్’ శరీరం నిండా టాటూ (Tattoo) లతో చూపించారు. ఆ వేషధారణ ఆక్వామ్యాన్ లా ఉందంటూ పలువురు రెండు ఫోటోలను పక్క పక్కన పెట్టి ట్రోల్ చేస్తున్నారు. ప్రస్తుతం ఆ ఫోటోలు నెట్టింట వైరల్ అవుతున్నాయి. అలాగే మూవీలోని VFX పై కూడా భారీ ట్రోలింగ్స్ జరుగుతున్నాయి. ఈ సినిమాలో రావణుడు వాహనం గ్రాఫిక్స్ ని పోలుస్తూ.. ఒక వీడియోని ని షేర్ చేస్తున్నారు.

కాగా ఈ సినిమాలోని డైలాగ్స్ తీవ్ర దుమారాన్ని లేపుతున్నాయి. దేవుళ్లతో ఇప్పటి ట్రెండ్ డైలాగ్స్ చెప్పించడం ఏంటని ప్రజలు నుంచి పాలకులు వరకు ఆగ్రహం వ్యక్తం చేస్తున్నారు. ఇక దీని పై రైటర్ మనోజ్ ముంతాషీర్ స్పందించి.. డైలాగ్స్ మారుస్తున్నట్లు చెప్పుకొచ్చాడు. ఈ మూవీ తెలుగు డిస్ట్రిబ్యూటర్స్ అయిన పీపుల్ మీడియా ఫ్యాక్టరీ నిర్మాతలు.. తాజాగా రామ కోటి ఉత్సవం అనే ఈవెంట్ ని నిర్వహించారు. ఈ ఈవెంట్ లో నిర్మాత మాట్లాడుతూ.. ఇప్పటి జనరేషన్ పిల్లలకి అర్ధమయ్యేలా సినిమా తీసినట్లు చెప్పుకొచ్చారు. హాలీవుడ్ సూపర్ హీరోలను త్వరగా గుర్తుపెట్టుకుని నేటి పిల్లలు.. మన దేవుళ్లను కూడా గుర్తుపెట్టుకునేలా ఆదిపురుష్ ని తెరకెక్కించినట్లు వెల్లడించారు.