Boat accident during the shooting of Suhas Mandadi's movie
Suhas: తమిళ, తెలుగులో తెరకెక్కుతున్న ‘మండాడి’ సినిమా షూటింగ్ లో ప్రమాదం చోటుచేసుకుంది. సముద్ర ప్రాంతాల్లో కీలక సన్నివేశాలు చిత్రీకరిస్తుండగా, సాంకేతిక నిపుణులు ప్రయాణిస్తున్న పడవ బోల్తా పడింది. ఈ ప్రమాదంలో కోటి రూపాయల విలువ (Suhas)చేసే కెమెరాలు, ఇద్దరు వ్యక్తులు నీటిలో మునిగిపోయారు. రామనాథ పురం జిల్లా తొండి సముద్రతీర ప్రాంతంలో ఈ ప్రమాదం చోటుచేసుకుంది. అయితే, నీటిలో మునిగిన యూనిట్ సభ్యులను రక్షించడంతో ప్రాణనష్టం తప్పింది. కానీ, కోటి రూపాయల విలువ చేసే సామాగ్రి మాత్రం పూర్తిగా పాడైపోయింది.
ఇక ‘మండాడి’ సినిమా విషయానికి వస్తే.. తమిళ నటుడు సూరి హీరోగా న‌టిస్తున్న ఈ సినిమాలో తెలుగు నటుడు సుహాస్ విలన్ గా నటిస్తున్నాడు. ఇదే సినిమా తెలుగులో సుహాస్ హీరోగా సూరి విల‌న్‌గా క‌నిపించ‌నున్నాడు. ప్రముఖ దర్శకుడు వెట్రిమారన్ ఈ సినిమాను నిర్మిస్తుండటంతో అంచనాలు బాగానే ఉన్నాయి.
