విష్ణుప్రియ బికిని వేసింది.. ‘చెక్ మేట్’లో హాట్‌గా స్టార్ యాంకర్..
- Published By: sekhar ,Published On : July 29, 2020 / 05:56 PM IST
చిన్ని కృష్ణ ప్రొడక్షన్స్ పతాకంపై ప్రసాద్ వెలంపల్లి దర్శక నిర్మాతగా తెరకెక్కించిన చిత్రం ‘చెక్ మేట్’.. నటకిరీటి డాక్టర్ రాజేంద్రప్రసాద్, సందీప్, విష్ణుప్రియ, దీక్షా పంత్, బ్రహ్మనందం, రఘుబాబు షకలక శంకర్ కీలక పాత్రల్లో నటించారు. ఈ సినిమా ట్రైలర్ ప్రముఖ దర్శకుడు వివి వినాయక్ ఆవిష్కరించారు.
ఈ సందర్భంగా దర్శకులు వివి.వినాయక్ మాట్లాడుతూ: ‘సినిమా ట్రైలర్ చాలా బాగుంది .నేటి యువత అభిరుచులకు అద్దం పడుతూ అందరికీ కనెక్ట్ అయ్యే అంశాలతో సినిమా వుంటుందని ట్రైలర్ ద్వారా తెలుస్తుంది. రాజేంద్రప్రసాద్, బ్రహ్మానందం, రఘుబాబు, కృష్ణ భగవాన్ వంటి సీనియర్స్ ఈ సినిమాకి ప్లస్ పాయింట్. దర్శకుడు ప్రసాద్ నాకు మంచి మిత్రుడు.అతను చేసిన ఈ సినిమా సూపర్ హిట్ కావాలని కోరుకుంటున్నాను’.. అన్నారు.
దర్శక నిర్మాత ప్రసాద్ వెలం పల్లి మాట్లాడుతూ: ‘నేటి సమాజంలో యూత్ ముఖ్యంగా లేడీస్ వాళ్లకు ఏదైనా సమస్య వస్తే ధైర్యంగా ఆ సమస్యను పరి ష్కరించుకొలేక, ఎవరికి చెప్పుకోలేక ఆత్మహత్యలు చేసుకుంటున్నారు. అలా కాకుండా సమస్యను ధైర్యంగా పరిష్కరించుకోవాలి అనే పాయింట్‌తో నలుగురు వ్యక్తులు వాళ్లకు వచ్చిన సమస్యలను ధైర్యంగా ఎలా ఎదుర్కొన్నారు అనే కథాంశంతో ఈ సినిమాను తెరకెక్కించాము. రాజేంద్ర ప్రసాద్ గారు, బ్రహ్మానందం గారు రఘుబాబు మిగతా అందరూ నటీనటులు, టెక్నీషియన్స్ మాకు పూర్తిగా సపోర్ట్ చేశారు. సినిమా అందరికీ నచ్చే విధంగా భారీ స్టార్ కాస్ట్‌తో, మలేషియా, సింగపూర్‌లోని బ్యూటిఫుల్ లోకేషన్స్‌లో తెరకెక్కించాం.
అన్ని కార్యక్రమాలు పూర్తయ్యాయి. త్వరలో రిలీజ్ డేట్ ప్రకటిస్తాం. ట్రైలర్ రిలీజ్ చేసి మా చిత్రాన్ని తన సినిమాగా భావించి మాకు అన్ని విధాలా సపోర్ట్ చేస్తున్న వినాయక్ గారికి ధన్యవాదములు’.. అన్నారు.
విష్ణుప్రియ, దీక్షా పంత్, బ్రహ్మానందం, రఘుబాబు, సంపూర్ణేష్ బాబు, షకలక శంకర్, పూర్ణిమ, కృష్ణ భగవాన్, ఆర్కే మల్లిడి, సుడిగాలి సుధీర్, అదుర్స్ రఘు, తాగుబోతు రమేష్, సత్యకృష్ణ తదితరులు నటించిన ఈ చిత్రానికి సినిమాటోగ్రఫీ: గరుడ వేగ అంజి, మ్యూజిక్: మహతి, ఎడిటర్: క్రాంతి, లిరిసిస్ట్: రెహమాన్, కో ప్రొడ్యూసర్: కే.కామేశ్వర్, నిర్మాత, దర్శకత్వం: ప్రసాద్ వెలంపల్లి.
CHECK MATE Movie Trailer pic.twitter.com/m2tS0z5l4q
— Y.Chandra Sekhar (@chandra99997) July 29, 2020
