Chiranjeevi Venkatesh
Chiranjeevi Venkatesh : మన హీరోలు కలిసి ఒకే ఫ్రేమ్ లో కనిపిస్తే ఫ్యాన్స్ కి, సినిమా లవర్స్ కి పండగే. ఆ ఫోటోలు వైరల్ అవ్వాల్సిందే. తాజాగా సీనియర్ హీరోలు మెగాస్టార్ చిరంజీవి, విక్టరీ వెంకటేష్ బ్యాక్ టు బ్యాక్ ఒకే ఫ్రేమ్ లో కనిపించారు. ఇటీవల 80s నటీనటుల రీ యూనియన్ పార్టీ చెన్నైలో జరిగిన సంగతి తెలిసిందే. ఆ పార్టీకి తెలుగు నుంచి కూడా చాలా మంది స్టార్స్ హాజరయ్యారు.(Chiranjeevi Venkatesh)
చిరంజీవి, వెంకటేష్ కూడా ఈ పార్టీకి హాజరయ్యారు. ఈ పార్టీకి వెళ్లేముందు చార్టెడ్ ఫ్లైట్ లో ఈ ఇద్దరూ కలిసి దిగిన ఫొటో వైరల్ అయింది. అక్కడికి వెళ్ళాక ఈ ఇద్దరూ మరోసారి స్టైలిష్ లుక్స్ తో దిగిన ఫొటో వైరల్ గా మారింది. ఈ సారి 80s రీ యూనియన్ టైగర్ మోడల్ డ్రెస్ లతో సాగింది. దీంతో పులి చర్మంలా కనిపించే బట్టలు వేసుకున్నారు అంతా. వెంకీమామ, చిరంజీవి కూడా అలాంటి డ్రెస్ లే వేసుకున్నారు.
ఆ డ్రెస్ లో ఈ ఇద్దర్ని చూసి బొబ్బిలి రాజా, కొండవీటి రాజా అని వాళ్ళ సినిమాల పేర్లతో సరదాగా కామెంట్స్ చేస్తున్నారు ఫ్యాన్స్. ఇక ఈ ఇద్దరూ మంచి కథ వస్తే కలిసి సినిమా చేస్తామని ఇప్పటికే పలు మార్లు చెప్పారు. వెంకటేష్ అయితే.. చిరంజీవి పెద్ద డాన్ పాత్రలో నేను ఆయన వెనకాల నిల్చొనే పాత్రలో చేయాలని ఉందన్నారు. మరి ఈ కాంబినేషన్ ఎప్పుడు సెట్ అవుతుందో చూడాలి.
