Fahadh Faasil: అక్షరాలా రూ.15 కోట్లు.. బావమరిది పాత్రకి భారీ డిమాండ్.. హీరో, డైరెక్టర్ ఎవరో తెలుసా!
తెలుగు సినిమా కోసం భారీ రెమ్యునరేషన్ తీసుకుంటున్న మలయాళ స్టార్(Fahadh Faasil).
- Published By: V Santhosh Kumar ,Published On : February 17, 2026 / 05:08 PM IST
Fahadh Faasil playing key role in Venkatesh and Anil Ravipudi film
Fahadh Faasil: పుష్ప సినిమాతో తెలుగులో కూడా మంచి ఫాలోయింగ్ తెచ్చుకున్నాడు మలయాళ స్టార్ ఫహద్ ఫాజిల్. తన అద్భుతమైన నటనతో ఆడియన్స్ ను ఒక రేంజ్ లో మెప్పించడం ఈ నటుడికి వెన్నతో పెట్టిన విద్య. అందుకే, పాత్ర ఏదైనా అందులోకి పరకాయ ప్రవేశం చేస్తూ ఉంటారు. పుష్ప తరువాత మరో తెలుగు సినిమా చేయని ఈ నటుడు చాలా కాలం తరువాత తెలుగు సినిమా చేసేందుకు ఇంట్రెస్ట్ చుపిస్తున్నాడట.
ఆ మూవీ మరేదో కాదు.. విక్టరీ వెంకటేష్, అనిల్ రావిపూడి కాంబోలో రాబోతున్న కొత్త సినిమా. అవును, మన శంకర వరప్రసాద్ గారు బ్లాక్ బస్టర్ తరువాత దర్శకుడు అనిల్ రావిపూడి మరోసారి విక్టరీ వెంకటేష్ సినిమా చేసేందుకు సిద్ధం అవుతున్నాడు. ఇప్పటికే ఈ ఇద్దరి కాంబోలో F2, F3, సంక్రాంతికి వస్తున్నాం అనే సినిమాలు వచ్చిన విషయం తెలిసిందే.
MMM: మళ్ళీ తమిళ హీరోతో.. మైత్రి కొత్త సినిమా.. దర్శకుడు ఎవరో తెలిస్తే షాక్ అవుతారు?
ఈ మూడు కూడా బ్లాక్ బస్టర్ హిట్స్ కావడం విశేషం. అదే హిట్ మ్యానియాని కంటిన్యూ చేస్తూ మరోసారి ఈ ఇద్దరు ప్రేక్షకుల ముందుకు రాబోతున్నారు. త్వరలో షూటింగ్ మొదలుకానున్న ఈ సినిమా 2027 సంక్రాంతికి విడుదల కానుందని సమాచారం. అయితే, కథ ప్రకారం ఈ సినిమాలో వెంకటేష్ బావమరిది పాత్ర చాలా ప్రాముఖ్యత ఉందట. అందుకే, ఆ పాత్ర కోసం ఫహద్(Fahadh Faasil) ను తీసుకుంటున్నారట మేకర్స్. తెలుగు నటుడిని తీసుకుంటే పాత్రలో ఫీల్ పోతుందని అందుకే ఫహద్ ను ఒకే చేశారని తెలుస్తోంది.
ఇక ఈ పాత్ర కోసం ఫహద్ కి ఏకంగా రూ.15 కోట్ల భారీ రెమ్యునరేషన్ ఇస్తున్నారట మేకర్స్. ఫహద్ కెరీర్ లో ఇదే హైయ్యెస్ట్ రెమ్యునరేషన్ కావడం విశేషం. ప్రస్తుతం ఈ న్యూస్ ఇండస్ట్రీ వర్గాల్లో హాట్ టాపిక్ అయ్యింది. మరి తెలుగులో విలన్ గా మెప్పించిన ఫహద్ ఫాజిల్ వెంకటేష్ కి బావమరిదిగా ఏమేరకు మెప్పిస్తాడు అనేది చూడాలి.
