Spirit: ప్రభాస్ ‘స్పిరిట్’ సెట్లో అగ్ని ప్రమాదం.. షూటింగ్ సామాగ్రి దగ్ధం
పాన్ ఇండియా స్టార్ ప్రభాస్, సందీప్ రెడ్డి వంగా కాంబినేషన్లో రూపుదిద్దుకుంటున్న ‘స్పిరిట్(Spirit)’ చిత్ర సెట్లో అగ్ని ప్రమాదం సంభవించింది.
- Published By: V Santhosh Kumar ,Published On : April 9, 2026 / 08:51 PM IST
Fire Accident on the Sets of Prabhas Spirit movie
Spirit: పాన్ ఇండియా స్టార్ ప్రభాస్, సందీప్ రెడ్డి వంగా కాంబినేషన్లో రూపుదిద్దుకుంటున్న ‘స్పిరిట్(Spirit)’ చిత్ర సెట్లో అగ్ని ప్రమాదం సంభవించింది. చిత్రీకరణ కోసం ఏర్పాటు చేసిన సెట్లో అకస్మాత్తుగా మంటలు చెలరేగడంతో టెంట్లు, షూటింగ్ సామగ్రి పాక్షికంగా దెబ్బతిన్నాయి. ఈ ఘటనలో చిత్ర యూనిట్కు చెందిన ఒకరికి స్వల్ప గాయాలైనట్లు సమాచారం. అయితే ప్రమాదం జరిగిన సమయంలో ప్రభాస్ సెట్లో లేకపోవడంతో పెను ప్రమాదం తప్పింది.
Priya Prakash: స్లీవ్లెస్ టీషర్ట్లో పరువాల విందు.. ప్రియా ప్రకాష్ వారియర్ హాట్ ఫొటోషూట్.. ఫొటోలు
ఆయన క్షేమంగా ఉన్నారని తెలియడంతో అభిమానులు ఊపిరి పీల్చుకున్నారు. ఈ ప్రమాదం వల్ల షూటింగ్కు స్వల్ప ఆటంకం కలిగినప్పటికీ, త్వరలోనే పనులను చక్కదిద్ది మళ్లీ చిత్రీకరణ ప్రారంభించేందుకు నిర్మాతలు సన్నాహాలు చేస్తున్నారు. పవర్ఫుల్ పోలీస్ ఆఫీసర్గా ప్రభాస్ కనిపిస్తున్న ఈ చిత్రంపై భారీ అంచనాలు నెలకొన్నాయి. టీ-సిరీస్, భద్రకాళి పిక్చర్స్ బ్యానర్లపై అత్యంత భారీ బడ్జెట్తో ఈ సినిమాను నిర్మిస్తున్నారు. త్వరలోనే ఈ ఘటనపై అధికారిక ప్రకటన వచ్చే అవకాశం ఉంది.
