Krithi Shetty: పాపం కృతి శెట్టి బ్యాడ్ లక్.. ‘lik’ ఎఫెక్ట్ అనిల్ రావిపూడి సినిమాపై పడుతుందా?
కృతి శెట్టి(Krithi Shetty) lik సినిమా రిజల్ట్ వల్ల అనిల్ రావిపూడి సినిమాపై ఎఫెక్ట్ పడుతుందా?
- Published By: V Santhosh Kumar ,Published On : April 12, 2026 / 03:50 PM IST
Krithi Shetty Lik movie failure effect on Anil Ravipudi film
- పాపం కృతి శెట్టి
- lik మూవీ కూడా ప్లాప్ లిస్టులోకే
- మరి అనిల్ రావిపూడి ఛాన్స్ ఇస్తున్నాడు
Krithi Shetty: టాలీవుడ్లో హిట్ మెషీన్ అనిల్ రావిపూడి, విక్టరీ వెంకటేష్, నందమూరి కల్యాణ్ రామ్ కాంబినేషన్లో ఒక భారీ మల్టీస్టారర్ వస్తున్న విషయం తెలిసిందే. ఈ ప్రాజెక్టులో హీరోయిన్ ఎవరనే సస్పెన్స్కు తాజాగా అనిల్ క్లారిటీ ఇచ్చాడు. ‘లవ్ ఇన్సూరెన్స్ కంపెనీ’ ప్రమోషన్స్లో భాగంగా అనిల్ రావిపూడి మాట్లాడుతూ, కృతి శెట్టి తన సినిమాలో నటిస్తున్నట్లు వస్తున్న వార్తలు నిజమేనని పరోక్షంగా స్పష్టం చేశారు. “నువ్వు నా సినిమాలో చేస్తున్నావని ఇప్పటికే లీక్ అయిపోయింది, త్వరలో సెట్స్లో కలుద్దాం” అంటూ అధికారికంగా కన్ఫర్మ్ చేశారు. ఈ సినిమాలో కల్యాణ్ రామ్ సరసన కృతి జోడీ కట్టనుండగా, వెంకటేష్ పక్కన కీర్తి సురేష్ పేరును పరిశీలిస్తున్నారు.
నిజానికి, గత రెండేళ్లుగా కృతి శెట్టి(Krithi Shetty)కి సరైన హిట్ లేదు, పైగా ఆమె రీసెంట్ మూవీ ‘లవ్ ఇన్సూరెన్స్ కంపెనీ’ కూడా ప్లాప్ లిస్టులోకి వెళ్ళింది. వరుస ఫ్లాపుల వల్ల ఆమెపై ‘ఐరన్ లెగ్’ అనే ముద్ర పడుతున్న తరుణంలో, అనిల్ రావిపూడి ఆమెను తన సినిమాలో తీసుకోవడం ఇండస్ట్రీలో హాట్ టాపిక్ గా మారింది. సాధారణంగా ఫ్లాపుల్లో ఉన్న హీరోయిన్ల పట్ల మేకర్స్ ఆసక్తి చూపరు, కానీ అనిల్ మాత్రం కృతిపై నమ్మకంతో ముందడుగు వేశారు. కాబట్టి, ఈ అవకాశం రావడం ఆమెకు దక్కిన అరుదైన గౌరవం అని చెప్పవచ్చు.
వరుస పరాజయాలతో సతమతమవుతున్న కృతి శెట్టికి ఈ మెగా మల్టీస్టారర్ ప్రాజెక్ట్ ఖచ్చితంగా ఒక పెద్ద ‘బూస్ట్’ ఇవ్వనుంది. అనిల్ రావిపూడి తన మార్క్ కామెడీ, కమర్షియల్ ఎలిమెంట్స్తో కృతికి ఒక భారీ సక్సెస్ను అందిస్తారని అభిమానులు ఆశిస్తున్నారు. ఒకప్పుడు ‘ఉప్పెన’తో కుర్రకారును ఉర్రూతలూగించిన ఈ బ్యూటీ, ఈ కొత్త సినిమాతో మళ్ళీ ఫామ్లోకి వచ్చి తన సత్తా చాటుకోవాలని చూస్తోంది. మరి ఈ ‘హిట్ మెషీన్’ సినిమా కృతి కెరీర్ను మళ్ళీ ఎలా మలుపు తిప్పుతుందో వేచి చూడాలి.
