Lavanya Tripathi: మావయ్యను చూసి ఎవరీయన అనుకున్నాను.. చిరుపై లావణ్య ఆసక్తికర కామెంట్స్
మావయ్య చిరంజీవిపై ఆసక్తికర కామెంట్స్ చేసిన వరుణ్ తేజ్ భార్య లావణ్య త్రిపాఠి(Lavanya Tripathi).
- Published By: V Santhosh Kumar , Updated On : May 8, 2026 / 2:11 PM IST
lavanya tripathi interesting comments on megastar chiranjeevi at movie pramotions
- చిరంజీవిపై లావణ్య త్రిపాఠి ఆసక్తికర వ్యాఖ్యలు.
- మెగాస్టార్ డ్యాన్స్కు ఫిదా అయ్యానన్న లావణ్య.
- అభిమాని నుంచి కోడలిగా మారిన వైనం.
Lavanya Tripathi: మెగా కోడలు లావణ్య త్రిపాఠి ప్రధాన పాత్రలో వచ్చిన లేటెస్ట్ మూవీ సతీ లీలావతి. ఈ సినిమా ప్రమోషన్స్ కోసం ఒక ఇంటర్వ్యూలో పాల్గొన్న ఆమె, మెగాస్టార్ చిరంజీవి గురించి పంచుకున్న ఆసక్తికరమైన విషయాలు సోషల్ మీడియాలో వైరల్ అవుతున్నాయి. తను చిన్నతనంలో చిరంజీవి పాటలు చూస్తున్నప్పుడు, ఆయన డ్యాన్స్లోని గ్రేస్కు ఫిదా అయిపోయానని ఆమె గుర్తు చేసుకున్నారు. అప్పట్లో కేవలం ఒక అభిమానిలా ఆయన్ని చూసి ఆశ్చర్యపోయిన లావణ్య, భవిష్యత్తులో అదే మెగా కుటుంబంలోకి కోడలిగా అడుగుపెడతానని అస్సలు ఊహించలేదని చెప్పుకొచ్చారు.
మెగా ప్రిన్స్ వరుణ్ తేజ్ను వివాహం చేసుకున్న తర్వాత లావణ్య (Lavanya Tripathi)కొణిదెల ఇంటి సభ్యురాలిగా మారిపోయారు. చిరంజీవిని ‘మావయ్య’ అని పిలుస్తూ, మెగా ఫ్యామిలీలో జరిగే ప్రతి వేడుకలోనూ ఆమె చురుగ్గా పాల్గొంటున్నారు. చిరంజీవి గారి పట్ల తనకు ఉన్న గౌరవం, ఇప్పుడు ఆయన కుటుంబంలో ఒకరిగా మారిన తర్వాత మరింత పెరిగిందని ఆమె ఆనందం వ్యక్తం చేశారు. ఒక గొప్ప వ్యక్తికి కోడలిగా ఉండటం తనకు గర్వకారణమని ఆమె భావిస్తున్నారు.
ఈ వ్యాఖ్యలు నెట్టింట వైరల్ కావడంతో మెగా అభిమానులు ఖుషీ అవుతున్నారు. “మెగాస్టార్ ఇమేజ్, ఆయన గ్రేస్ అనాదిగా అందరినీ ఆకట్టుకుంటూనే ఉంది” అని అభిమానులు కామెంట్లు పెడుతున్నారు. అటు నటిగా తనకంటూ ప్రత్యేక గుర్తింపు తెచ్చుకున్న లావణ్య, ఇటు మెగా కుటుంబ గౌరవాన్ని కాపాడుతూ అందరి ప్రశంసలు అందుకుంటున్నారు. అభిమాని నుంచి కోడలిగా మారిన ఆమె ప్రయాణం ఇప్పుడు అందరినీ ఆకట్టుకుంటోంది
