Natural star Nani Dasara movie look draw on big size with colors by a Maharashtra fan
Nani : ఇటీవల మన తెలుగు సినిమా దేశమంతటా విస్తరించి అన్ని చోట్లా భారీ విజయాలు సాధిస్తుంది. ఈ నేపథ్యంలో వేరే భాషల్లో కూడా మన హీరోలకు అభిమానులు ఏర్పడుతున్నారు. మన తెలుగు సినిమాలు చూస్తున్నారు, తెలుగు హీరోలని అభిమానిస్తున్నారు. తాజాగా ఓ అభిమాని మన న్యాచురల్ స్టార్ నానిపై తనకున్న అభిమానం వెరైటీగా చూపించాడు.
మహారాష్ట్రకు చెందిన విపుల్ మిరాజ్‌కార్ అనే ఓ ఆర్టిస్ట్ రకరకాల బొమ్మలు, పెయింట్స్ వేస్తూ ఉంటాడు. రంగులతో బొమ్మలని గీస్తూ ఉంటాడు. నాని దసరా సినిమా మార్చ్ 30న రిలీజ్ ఉండటంతో నాని పై అభిమానంతో విపుల్ మిరాజ్‌కార్ ఓ డాబాపై 25 * 30 అడుగులతో నాని దసరా లుక్ ని గీసి న్యాచురల్ కలర్స్ తో ఆ బొమ్మని నింపి అచ్చం కలర్ ప్రింట్ తీసినట్టు గీశాడు. విపుల్ మిరాజ్‌కార్ తో పాటు అతని స్నేహితులు ఇందులో పాలుపంచుకున్నారు.
Kajal Aggarwal : కాజల్ కంబ్యాక్ గట్టిగానే ప్లాన్ చేస్తోంది.. చేతిలో అరడజను ప్రాజెక్టులు..
ఈ బొమ్మ వేస్తున్న వీడియో తీసి, వేసిన తర్వాత డ్రోన్ తో బొమ్మ మొత్తం కనపడేలా పైనుంచి వీడియో తీసి ఈ వీడియోని తన సోషల్ మీడియాలో పోస్ట్ చేయగా ఇప్పుడు ఇది వైరల్ గా మారింది. ఈ వీడియోని చూసిన వారంతా రంగులతో నాని బొమ్మ భలే గీశాడు అంటూ అభినందిస్తున్నారు. ఇక నాని అభిమానులు అయితే ఈ వీడియోని తెగ షేర్ చేస్తున్నారు.
