Nayanthara: సౌత్ రిచెస్ట్ హీరోయిన్ నయనతార.. ఆమె ఆస్తుల విలువ ఎంతో తెలిస్తే షాక్ అవ్వాల్సిందే!

Nayanthara is the richest heroine in South film industry.

• నయనతార ఆస్తులపై ఆసక్తికర చర్చ
• సినిమాలోనే కాదు వివిధ రంగాలలో పెట్టుబడులు
• స్టార్ హీరోలకు పోటీ ఇస్తున్న నయన్ సంపాదన

Nayanthara: సాధారణంగా సినిమా ఇండస్ట్రీలో స్టార్ హీరోల పారితోషికాలు, వారి విలాసవంతమైన జీవనశైలి, తిరిగే కార్ల గురించే చర్చలు ఎక్కువగా జరుగుతుంటాయి. కానీ, సౌత్ ఇండస్ట్రీలో తనకంటూ ఒక ప్రత్యేక స్టార్డమ్ క్రియేట్ చేసుకున్న ‘లేడీ సూపర్ స్టార్’ నయనతార(Nayanthara) ఆస్తుల వివరాలు ఇప్పుడు సోషల్ మీడియాలో వైరల్ అవుతున్నాయి. అవి చూసిన నెటిజన్స్ అవాక్కవుతున్నారు.

కేవలం గ్లామర్ పాత్రలకే పరిమితం కాకుండా, లేడీ ఓరియెంటెడ్ సినిమాలతో బాక్సాఫీస్ వద్ద దుమ్ములేపుతోంది ఈ అమ్మడు. వసూళ్ల విషయంలో స్టార్ హీరోలతో పోటీ పడుతోంది అనడంలో ఎలాంటి సందేహం లేదు. అలా, వరుసగా సినిమాలు చేస్తూ ప్రస్తుతం సౌత్ ఇండియాలోనే అత్యంత సంపన్న హీరోయిన్‌గా వార్తల్లో నిలిచారు నయనతార. ఆమె వ్యక్తిగత ఆస్తుల విలువ సుమారు రూ.300 కోట్ల రూపాయలకు పైగానే ఉంటుందని అంచనా వేస్తున్నారు.

Aishwarya Lakshmi: పెళ్లి వద్దు సహజీవనం ముద్దు.. సంచలన కామెంట్స్ చేసిన ఐశ్వర్య లక్ష్మి

నయనతార కేవలం నటిగానే కాకుండా, వ్యాపారవేత్తగానూ తన ముద్ర వేస్తున్నారు. ప్రస్తుతం ఒక్కో సినిమాకు 10 కోట్ల రూపాయలకు పైగా పారితోషికం తీసుకుంటున్న ఈమె, తన సొంత ప్రొడక్షన్ హౌస్ ద్వారా సినిమాలను నిర్మిస్తూ భారీ లాభాలను ఆర్జిస్తున్నారు. కేవలం సినిమా రంగమే కాకుండా రియల్ ఎస్టేట్ రంగంలోనూ ఆమెకు భారీగా పెట్టుబడులు ఉన్నాయి. చెన్నై, హైదరాబాద్, ముంబయి వంటి ప్రధాన నగరాల్లో ఆమెకు ఖరీదైన భవంతులు, ఆస్తులు ఉన్నట్లు తెలుస్తోంది.

వీటన్నింటికీ మించి, ఆమెకు సుమారు రూ.50 కోట్ల రూపాయల విలువ చేసే సొంత ప్రైవేట్ జెట్ విమానం కూడా ఉందని సమాచారం. అయితే, సినిమాల పట్ల నయనతార క్రమశిక్షణ, తన కెరీర్‌ను ప్లాన్ చేసుకునే విధానం ఆమెను ఈ స్థాయికి చేర్చాయని విశ్లేషకులు భావిస్తున్నారు. దశాబ్ద కాలానికి పైగా తన సూపర్ స్టార్ డమ్‌ను కంటిన్యూ చేస్తూ.. అటు గ్లామర్ ఇటు పర్ఫార్మెన్స్ ఓరియంటెడ్ పాత్రలతో ప్రేక్షకులను అలరిస్తోంది ఈ అమ్మడు. ఒక హీరోయిన్ పారితోషికం పరంగానే కాకుండా, ఆస్తుల పరంగా కూడా ఇంతటి స్థాయిలో ఉండటం అనేది అరుదైన విషయమని చెప్పాలి. అందుకే ఆమెను కేవలం నటిగానే కాకుండా ఒక బ్రాండ్‌గా అభిమానులు చూస్తున్నారు.