Niharika Konidela: రెండో పెళ్లిపై స్పందించిన నిహారిక.. ట్రోలర్స్ కి గట్టి కౌంటర్ ఇచ్చిన మెగా డాటర్
రెండో పెళ్లి గురించి ఆసక్తికర కామెంట్స్ చేసిన మెగా డాటర్ నిహారిక(Niharika Konidela).
- Published By: V Santhosh Kumar ,Published On : March 23, 2026 / 08:53 AM IST
Niharika Konidela gives clarity on second marriage
- రెండో పెళ్లిపై స్పందించిన నిహారిక
- ప్రస్తుతానికి ఆ ఆలోచన లేదని స్పష్టం
- కాలమే అన్ని నిర్ణయిస్తుందంటూ కామెంట్స్
Niharika Konidela: మెగా డాటర్ కొణిదెల నిహారిక వ్యక్తిగత, కెరీర్ విశేషాలు ఎప్పుడూ సోషల్ మీడియాలో హాట్ టాపిక్గానే ఉంటాయి. చైతన్య జొన్నలగడ్డతో వివాహ బంధం ముగిసిన తర్వాత, ఆమె తన పూర్తి దృష్టిని కెరీర్పై మళ్లించి నిర్మాతగా సత్తా చాటుతోంది. ఇటీవల ‘కమిటీ కుర్రోళ్లు’ చిత్రంతో నిర్మాతగా మంచి విజయాన్ని అందుకున్న నిహారిక, ఇప్పుడు ‘రాకాస’ అనే మరో ఆసక్తికర సినిమాతో ప్రేక్షకుల ముందుకు వచ్చేందుకు సిద్ధమవుతోంది.
మానస శర్మ దర్శకత్వం వహిస్తున్న ఈ సినిమాలో సంగీత్ శోభన్, నయన్ సరిగా జంటగా నటిస్తున్నారు. హారర్ అండ్ కామెడీ ఎంటర్టైనర్ గా రానున్న ఈ సినిమా ఏప్రిల్ 3న విడుదల కానుంది. ఈ చిత్ర ప్రమోషన్లలో భాగంగా నిహారిక(Niharika Konidela) పంచుకున్న పలు ఆసక్తికర విషయాలు ఇప్పుడు నెట్టింట వైరల్ అవుతున్నాయి. ముఖ్యంగా తన రెండో పెళ్లి గురించి వస్తున్న వార్తలపై నిహారిక ఆసక్తికరమైన కామెంట్స్ చేశారు.
ఈ విషయం గురించి ఆమె మాట్లాడుతూ.. ‘ప్రస్తుతానికి ఆ ఆలోచన లేదని స్పష్టం చేసింది. అయితే భవిష్యత్తులో మళ్లీ పెళ్లి చేసుకునే అవకాశం లేకపోలేదని, అన్నీ కాలమే నిర్ణయిస్తుందని ఆసక్తికర వ్యాఖ్యలు చేశారు. తన అన్నయ్య వరుణ్ తేజ్, వదిన లావణ్య త్రిపాఠిల ప్రేమ కథ గురించి కూడా ఆమె కొన్ని రహస్యాలను బయటపెట్టింది. వారిద్దరూ ప్రేమలో ఉన్నారన్న విషయం తనకు నాలుగేళ్ల తర్వాతే తెలిసిందని, అప్పటివరకు వారు ఆ విషయాన్ని చాలా సీక్రెట్ గా ఉంచారని తెలిపింది. వరుణ్ తేజ్ బయటకు ఇంట్రోవర్ట్లా కనిపించినా, చాలా సరదాగా ఉంటాడని, తనను ఎప్పుడూ ఆటపట్టిస్తూనే ఉంటాడని నిహారిక చెప్పుకొచ్చింది.
ఇక సోషల్ మీడియాలో తనపై వచ్చే ట్రోల్స్ కూడా నిహారిక ఘాటుగానే స్పందించింది. సెలబ్రిటీలను ట్రోల్ చేయడం కొంతమంది తమ హక్కుగా భావిస్తున్నారని, ఇలాంటి వారిపై కఠిన చర్యలు తీసుకుంటేనే మార్పు వస్తుందని ఆమె అభిప్రాయపడింది. తన వ్యక్తిగత జీవితం గురించి ఎన్ని విమర్శలు వచ్చినా, నిర్మాతగా వరుస ప్రాజెక్టులతో ముందుకు సాగుతూ ఉంటానని’ చెప్పింది. ప్రస్తుతం, ఆమె చేసిన ఈ కామెంట్స్ ఇప్పుడు నెట్టింట వైరల్ అవుతున్నాయి.
