Ramarao On Duty: రామారావు ట్రైలర్ వచ్చేది ఎప్పుడంటే..?

మాస్ రాజా రవితేజ నటిస్తున్న లేటెస్ట్ యాక్షన్ ఎంటర్‌టైనర్ మూవీ ‘రామారావు ఆన్ డ్యూటీ’ ఇప్పటికే షూటింగ్ పనులు ముగించుకుని రిలీజ్‌కు.....

Ramarao On Duty: రామారావు ట్రైలర్ వచ్చేది ఎప్పుడంటే..?

Ramarao On Duty Trailer To Release On July 16

Updated On : July 12, 2022 / 6:59 PM IST

Ramarao On Duty: మాస్ రాజా రవితేజ నటిస్తున్న లేటెస్ట్ యాక్షన్ ఎంటర్‌టైనర్ మూవీ ‘రామారావు ఆన్ డ్యూటీ’ ఇప్పటికే షూటింగ్ పనులు ముగించుకుని రిలీజ్‌కు రెడీ అయ్యింది. ఈ సినిమాను దర్శకుడు శరత్ మండవ తెరకెక్కిస్తుండగా, ఈ సినిమాలో రవితేజ ఓ పవర్‌ఫుల్ ప్రభుత్వ ఉద్యోగి పాత్రలో నటిస్తున్నారు. ఇక ఈ సినిమాకు సంబంధించి ఎప్పుడు ఎలాంటి అప్‌డేట్ వచ్చినా ప్రేక్షకలు తప్పకుండా ఫాలో అవుతున్నారు.

Ramarao On Duty: రామారావు మాస్ ట్రైలర్ లోడింగ్…!

ఎప్పుడెప్పుడా అని అభిమానులు, ప్రేక్షకులు ఎదురుచూస్తున్న ‘రామారావు ఆన్ డ్యూటీ’ థియేట్రికల్ ట్రైలర్‌ను ఎట్టకేలకు రిలీజ్ చేసేందుకు చిత్ర యూనిట్ ముహూర్తం ఫిక్స్ చేసింది. ఈ సినిమా థియేట్రికల్ ట్రైలర్‌ను జూలై 16న రిలీజ్ చేస్తున్నట్లు చిత్ర యూనిట్ తాజాగా ఓ కొత్త పోస్టర్ ద్వారా వెల్లడించింది. ఈ సినిమాలో రవితేజ పర్ఫార్మెన్స్ మాస్ ఆడియెన్స్‌కు ఫుల్ ట్రీట్ ఇచ్చే విధంగా ఉండబోతుందని చిత్ర యూనిట్ ధీమా వ్యక్తం చేస్తోంది. ఇక ఈ సినిమాలో వేణు తొట్టెంపూడి కొంత గ్యాప్ తరువాత రీఎంట్రీ ఇస్తుండటంతో ఈ సినిమాలో ఆయన పాత్ర ఎలా ఉండబోతుందా అని అందరూ ఆసక్తిగా చూస్తున్నారు.

Ramarao On Duty: నా పేరు సీసా.. స్వర్గానికి వీసా.. అదిరిపోయిన మాస్ ట్రీట్!

ఈ సినిమాలో రవితేజ సరసన అందాల భామలు దివ్యాంశ కౌశిక్, రాజీషా విజయన్‌లు హీరోయిన్లుగా నటిస్తున్నారు. ఈ సినిమాకు సామ్ సీఎస్ అద్భుతమైన సంగీతాన్ని అందిస్తుండగా, ఈ చిత్రాన్ని సుధాకర్ చెరుకూరి భారీ బడ్జెట్‌తో ప్రొడ్యూస్ చేస్తున్నారు. మరి ఈ సినిమా ట్రైలర్ మాస్ ఆడియెన్స్‌కు ఎలాంటి పూనకాలు తెప్పిస్తుందో తెలియాలంటూ జూలై 16 వరకు వెయిట్ చేయాల్సిందే. కాగా, ఈ సినిమాను జూలై 29న ప్రపంచవ్యాప్తంగా రిలీజ్ చేసేందుకు చిత్ర యూనిట్ రెడీ అవుతోంది.