RC 16 : ఆర్‌సీ16 నుంచి జాన్వీక‌పూర్ ఫ‌స్ట్‌లుక్‌ రిలీజ్‌.. జాన్వీ రోల్ పై ఇంట్రెస్టింగ్ పోస్ట్ చేసిన ద‌ర్శ‌కుడు..

జాన్వీక‌పూర్ బ‌ర్త్ డే సంద‌ర్భంగా ఆర్‌సీ16 చిత్ర బృందం విషెస్ తెలియ‌జేసింది.

RC 16 : ఆర్‌సీ16 నుంచి జాన్వీక‌పూర్ ఫ‌స్ట్‌లుక్‌ రిలీజ్‌.. జాన్వీ రోల్ పై ఇంట్రెస్టింగ్ పోస్ట్ చేసిన ద‌ర్శ‌కుడు..

RC16 movie birthday wishes to Janhvi Kapoor

Updated On : March 6, 2025 / 10:21 AM IST

అతిలోక సుంద‌రి శ్రీదేవి కూతురిగా సినీ ప‌రిశ్ర‌మ‌లో అడుగుపెట్టింది జాన్వీ కపూర్. 2018లో ‘ధ‌డ‌క్’ మూవీతో బాలీవుడ్‌లో అడుగుపెట్టిన ఈ చిన్న‌ది చాలా త‌క్కువ స‌మ‌యంలో త‌న కంటూ ఓ ప్ర‌త్యేక గుర్తింపు తెచ్చుకుంది. గ‌త ఏడాది ఎన్టీఆర్ ‘దేవర’ సినిమాతో టాలీవుడ్‌లోనూ అడుగు పెట్టింది. త‌న అందం, అభిన‌యంతో తెలుగు ప్రేక్ష‌కుల హృద‌యాల‌ను కొల్ల‌గొట్టింది. ప్ర‌స్తుతం రామ్‌చ‌ర‌ణ్ హీరోగా న‌టిస్తున్న ఆర్‌సీ16లోనూ ఛాన్స్ ద‌క్కించుకుంది. కాగా.. నేడు ఈ ముద్దుగుమ్మ పుట్టిన రోజు (మార్చి 6) నేడు. అమ్మ‌డు నేడు 28వ వ‌సంతంలోకి అడుగుపెడుతోంది.

ఈ సంద‌ర్భంగా జాన్వీక‌పూర్‌కు పుట్టిన రోజు శుభాకాంక్ష‌ల‌ను తెలియ‌జేసింది ఆర్‌సీ 16 చిత్ర బృందం. మూవీలోని ఓ పోస్ట‌ర్‌ను విడుద‌ల చేసింది. ఇందులో జాన్వీక‌పూర్ కుడి చేత్తో మేక‌పిల్ల‌ను ఎత్తుకోగా, ఎడ‌మ చేత్తో గ‌డ్డి మొక్క‌ను ప‌ట్టుకుని చిరున‌వ్వులు చిందిస్తోంది. ప్ర‌స్తుతం ఈ పిక్ సోష‌ల్ మీడియాలో వైర‌ల్ అవుతోంది.

Madraskaaran : ‘మద్రాస్ కారన్’ మూవీ రివ్యూ.. నిహారిక తమిళ సినిమా ఎలా ఉందంటే..

బుచ్చిబాబు సాన దర్శకత్వంలో RC16 వ‌ర్కింగ్ టైటిల్‌తో ఈ మూవీ తెరకెక్కుతోంది. ఈ చిత్రం స్పోర్ట్స్ బ్యాక్‌డ్రాప్‌తో వ‌స్తున్న‌ట్లుగా తెలుస్తోంది. జాన్వీక‌పూర్ క‌థానాయిక‌గా న‌టిస్తోన్న ఈ చిత్రంలో జ‌గ‌ప‌తి బాబు ఓ కీల‌క పాత్ర‌ను పోషిస్తున్నారు. ఆస్కార్ అవార్డు గ్ర‌హీత ఏఆర్ రెహ‌మాన్ సంగీతాన్ని అందిస్తున్నారు.

Venkatesh : 300 కోట్ల హిట్ తర్వాత.. వామ్మో ఇప్పటికే 25 కథలను రిజెక్ట్ చేసిన వెంకీమామ..

మైత్రీ మూవీ మేక‌ర్స్‌, వృద్ధి సినిమాస్‌, సుకుమార్ రైటింగ్స్ సంస్థ‌లు క‌లిసి సంయుక్తంగా ఈ చిత్రాన్ని నిర్మిస్తున్నాయి. భారీ బ‌డ్జెట్‌తో ఈ చిత్రం తెర‌కెక్కుతోంది. శ‌ర‌వేగంగా ఈ చిత్ర షూటింగ్ జ‌రుగుతోంది. ఎట్టి ప‌రిస్థితుల్లోనూ ఈ చిత్రాన్ని ద‌స‌రా కానుక‌గా ప్రేక్ష‌కుల ముందుకు తీసుకురావాల‌ని చిత్ర నిర్మాత‌లు భావిస్తున్నారు.