Samajavaragamana Trailer : శ్రీవిష్ణు కొత్త సినిమా ట్రైలర్ రిలీజ్ చేసిన చిరు.. ఫ్యామిలీ సామజవరగమన మాములుగా లేదు!
చిరంజీవి చేతులు మీదుగా శ్రీవిష్ణు కొత్త సినిమా ట్రైలర్ రిలీజ్ అయ్యింది. ఫ్యామిలీ సామజవరగమనతో ఈసారి బాగా నవ్వించబోతున్నాడని ట్రైలర్ చూస్తుంటే అర్ధమవుతుంది.
- Published By: 10TV Digital Team ,Published On : June 25, 2023 / 05:14 PM IST
Sree Vishnu Samajavaragamana Trailer released by Chiranjeevi
Samajavaragamana Trailer : టాలీవుడ్ యంగ్ హీరో శ్రీవిష్ణు (Sree Vishnu).. ఒక పక్క వైవిధ్యమైన సినిమాలు చేస్తూనే, మరోపక్క ఫ్యామిలీ కామెడీ ఎంటర్టైనర్స్ లో కూడా నటిస్తూ మంచి గుర్తింపుని సందించుకున్నాడు. తాజాగా ఈ హీరో నటిస్తున్న కొత్త సినిమా ‘సామజవరగమన’. ఫ్యామిలీ అండ్ కామెడీ ఎంటర్టైనర్ గా వస్తున్న ఈ మూవీ నుంచి ఇప్పటికే సాంగ్స్ రిలీజ్ అయ్యి మంచి ఆదరణ పొందాయి. తాజాగా మేకర్స్ థియేట్రికల్ ట్రైలర్ ని రిలీజ్ చేశారు. ఈ ట్రైలర్ ని మెగాస్టార్ చిరంజీవి (Chiranjeevi) రిలీజ్ చేశారు.
ట్రైలర్ మొత్తం చాలా ఎంటర్టైనర్ గా సాగింది. కథ ఏంటనేది చెప్పనప్పటికీ కామెడీ చూపించి సినిమా పై మంచి ఆసక్తిని కలగజేశారు. ఈ సినిమాలో శ్రీవిష్ణుకి జోడిగా రెబా మోనికా జాన్ (Reba Monica John) నటిస్తుంది. హీరోకి తండ్రి పాత్రలో నరేష్ నటిస్తున్నాడు. ఇక వీరి ముగ్గురు మధ్య వచ్చే సన్నివేశాలు ప్రేక్షకులను బాగా అలరించబోతున్నాయని ట్రైలర్ చూస్తుంటే అర్ధమవుతుంది. రామ్ అబ్బరాజు ఈ సినిమాకి దర్శకత్వం వహిస్తున్నాడు. సుదర్శన్, శ్రీకాంత్ అయ్యింగర్, వెన్నెల కిశోర్, రఘుబాబు, రాజీవ్ కనకాల, దేవి ప్రసాద్ వంటి స్టార్ కాస్ట్ నటిస్తున్నారు.
గోపిసుందర్ ఈ సినిమాకి సంగీతం అందిస్తున్నాడు. ఇప్పటి వరకు మూడు సాంగ్స్ రిలీజ్ కాగా మూడు ఆడియన్స్ ని ఆకట్టుకున్నాయి. రాజెశ్ దండా ఈ సినిమాని నిర్మిస్తుండగా ఏకే ఎంటర్టైన్మెంట్స్ అనిల్ సుంకర ఈ మూవీకి ప్రెజెంటర్ గా వ్యవహరిస్తున్నాడు. జూన్ 29న ఈ సినిమా రిలీజ్ కాబోతుంది. మరి ఈ సినిమాతో శ్రీవిష్ణు ఎలాంటి విజయాన్ని అందుకుంటాడో చూడాలి.
Beyond blessed to have you launch our Trailer sir MEGASTAR @KChiruTweets ?
Forever indebted to you for taking out your time for us ??
– https://t.co/6WsNyC9XzT #Samajavaragamana In cinemas from June 29 ✨ pic.twitter.com/VzIO1AwoXE
— Sree Vishnu (@sreevishnuoffl) June 25, 2023
