Dear Uma : తెలుగమ్మాయి సుమయ రెడ్డి హీరోయిన్‌గా, నిర్మాతగా, రచయితగా తెరకెక్కిస్తున్న సినిమా ‘డియర్ ఉమ’. సుమ చిత్ర ఆర్ట్స్ బ్యానర్ పై సుమయ రెడ్డి నిర్మాణంలో సాయి రాజేష్ మహాదేవ్ దర్శకత్వంలో పృథ్వీ అంబర్, సుమయ జంటగా ఈ డియర్ ఉమ సినిమాని తెరకెక్కిస్తున్నారు. ఈ సినిమా ఏప్రిల్ 18న రిలీజ్ కాబోతుంది.
ఇప్పటికే డియర్ ఉమ సినిమా నుంచి పోస్టర్లు, గ్లింప్స్, పాటలు రిలీజ్ అవ్వగా తాజాగా టీజర్ రిలీజ్ చేసారు. డైరెక్టర్ శివ నిర్వాణ చేతుల మీదుగా ఈ సినిమా టీజర్‌ను రిలీజ్ చేశారు. మీరు కూడా డియర్ ఉమ టీజర్ చూసేయండి..
ఈ టీజర్.. ‘గుడిలో దేవుడి వద్ద చేసే ప్రార్థనల కన్నా.. హాస్పిటల్‌లో నాలుగు గోడల మధ్య చేసే ప్రార్థనేలా ఎక్కువ అంటూ ప్రారంభమై ఓ లవ్ స్టోరీతో పాటు ఓ మెసేజ్ కూడా ఉండనున్నట్టు తెలుస్తుంది. చివర్లో.. పేషెంట్స్‌కి, డాక్టర్లకు మధ్య మీలాంటి కమిషన్స్ ఏజెన్సీ, బ్రోకర్లు ఉండకూడదు సర్.. దీని కోసం నేను ఎంత దూరమైనా వెళ్తాను అంటూ హీరోయిన్ డైలాగ్ చెప్పడంతో పేషేంట్స్ కోసం పోరాడే ఓ డాక్టర్ గురించి ఈ సినిమా ఉండొచ్చు అని తెలుస్తుంది.
లవ్, ఫ్యామిలీ, యాక్షన్ డ్రామాతో తెరకెక్కుతున్న డియర్ ఉమ సినిమాలో కమల్ కామరాజు, సప్తగిరి, అజయ్ ఘోష్, ఆమని, రాజీవ్ కనకాల, పృథ్వీరాజ్, రూపలక్ష్మీ.. పలువురు కీలక పాత్రల్లో నటించారు.