Trimukha Teaser: సన్నీ లియోన్ ప్రధాన పాత్రలో ‘త్రిముఖ’.. టీజర్ నెక్స్ట్ లెవల్లో ఉంది..
సన్నీ లియోన్ ప్రధాన పాత్రలో వస్తున్న చిత్రం ‘త్రిముఖ’. దర్శకుడు రాజేష్ నాయుడు తెరకెక్కిస్తున్న (Trimukha Teaser)ఈ సినిమాను అఖిరా డ్రీమ్ క్రియేషన్స్ బ్యానర్ పై శ్రీదేవి మద్దాలి, రమేష్ మద్దాలి నిర్మిస్తున్నారు.
- Published By: 10TV Digital Team ,Published On : October 19, 2025 / 01:59 PM IST
Sunny Leone's Trimukha teaser released
Trimukha Teaser: సన్నీ లియోన్ ప్రధాన పాత్రలో వస్తున్న చిత్రం ‘త్రిముఖ’. దర్శకుడు రాజేష్ నాయుడు తెరకెక్కిస్తున్న ఈ సినిమాను అఖిరా డ్రీమ్ క్రియేషన్స్ బ్యానర్ పై శ్రీదేవి మద్దాలి, రమేష్ మద్దాలి నిర్మిస్తున్నారు. భారీ బడ్జెట్ తో పాన్ ఇండియా తెరకెక్కుతున్న ఈ సినిమా (Trimukha Teaser)టీజర్ ను అక్టోబర్ 18న రిలీజ్ చేశారు మేకర్స్. “ఓటమి ఎరుగని శివంగి.. కానీ ఎదురుగా యుద్దం.. తాను ఎప్పుడైనా సిద్దం.. ఇప్పుడు ఎదురైంది ఛేదించలేని పద్మవ్యూహం.. తన చుట్టూ అలుముకుంది సందిగ్ధం.. కనుసైగతో సమస్యను గ్రహించే విషయపరిజ్ఞాని.. సమస్తమూ చదివిన జ్ఞాని.. అహంకారాన్ని అదుపు చేసుకోలేని అజ్ఞాని” అనే పవర్ ఫుల్ డైలాగ్స్ వచ్చిన ఈ టీజర్ నెక్స్ట్ లెవల్లో ఉంది.
Samantha: సమంత బోల్డ్ కామెంట్స్.. డైరెక్టర్స్ ఆ ఛాన్స్ ఇవ్వలేదు.. నన్ను అలా చూసుకోలేదు..
యాక్షన్ సీక్వెన్స్, విజువల్స్, బీజీఎం హైలెట్‌గా ఉన్నాయి. దీంతో ఈ టీజర్ ఇప్పుడు నెట్టింట వైరల్ అవడమే కాదు.. ఆడియన్స్ లో సినిమాపై ఆసక్తిని పెంచింది. ఇక క్రైమ్, థ్రిల్లర్‌ కాన్సెప్ట్ తో రానున్న ఈ సినిమాలో సన్నీ లియోన్‌ని పవర్ ఫుల్ పోలీస్ ఆఫీసర్‌గా కనిపించబోతోంది. ఈ సినిమా గురించి నిర్మాత డాక్టర్ శ్రీదేవి మద్దాలి మాట్లాడుతూ .. “మా “త్రిముఖ” సినిమా టీజర్‌ను ఐదు భాషల్లో విడుదల చేయడం ఆనందంగా ఉంది. దానికి కారణం కథపై మాకున్న నమ్మకం. డిసెంబర్‌లో ఈ సినిమా విడుదల చేయబోతున్నాం” అని చెప్పుకొచ్చారు.
అనంతరం దర్శకుడు రాజేష్ నాయుడు మాట్లాడుతూ .. ‘‘త్రిముఖ సినిమాతో మేము భారతీయ సినిమా సరిహద్దులను దాటబోతోన్నాం. ఇన్నేళ్లు శ్రమించి మేము సృష్టించిన ఈ కొత్త ప్రపంచం గురించి ఈ టీజర్ ద్వారా ప్రేక్షకులకు పరిచయం చేయాలని అనుకున్నాం. థియేటర్లలో ఓ విజువల్ వండర్, మంచి సినిమాటిక్ ఎక్స్‌పీరియెన్స్‌ను ఈ సినిమా ఇస్తుంది”అని అన్నారు. ఇక ‘త్రిముఖ’ సినిమాలో సన్నీ లియోన్‌తో పాటు యోగేష్ కల్లె, అకృతి అగర్వాల్, CID ఆదిత్య శ్రీవాస్తవ, మొట్టా రాజేంద్రన్, ఆశు రెడ్డి, ప్రవీణ్, షకలక శంకర్, సుమన్, రవి ప్రకాష్, జీవా, సమ్మెట గాంధీ, జెమినీ సురేశ్ తదితరులు నటించారు.
