Chandoo Sai : అబ్బాయిలందరికి నా జీవితం గుణపాఠం కావాలి.. సహజీవనం నుంచి జాగ్రత్త..

గత ఏడాది లైంగిక దాడి ఆరోపణలు ఎదుర్కొని జైలుకి వెళ్లిన తెలుగు యూట్యూబర్ చందుసాయి.. తాజా ఇంటర్వ్యూలో ఆసక్తికర వ్యాఖ్యలు చేసాడు.

Telugu Youtuber Chandoo Sai comments about his arrest

Chandoo Sai : తెలుగు యూట్యూబర్ చందుసాయి గత ఏడాది లైంగిక దాడి ఆరోపణలు ఎదుర్కొని జైలుకి వెళ్లిన సంగతి తెలిసిందే. ఓ యువ‌తిని చందు సాయి తన పుట్టిన రోజు వేడుక‌కు ఆహ్వానించి ఆమె పై లైంగిక దాడికి పాల్ప‌డిన‌ట్లు కేసు నమోదు చేశారు. ఈ కేసుతో జైలుకి వెళ్లిన చందు సాయి.. దాదాపు నెల రోజులు పాటు జైలులో ఉండి, రీసెంట్ గా బెయిల్ పై బ‌య‌ట‌కు వ‌చ్చాడు.

ప్రస్తుతం ఈ కేసు కోర్టులో కొనసాగుతుంది. ఇక బెయిల్ పై వచ్చిన చందు.. మళ్ళీ తన లైఫ్ ని రీ స్టార్ట్ చేస్తూ ముందుకు సాగుతున్నాడు. ఈక్రమంలోనే రీసెంట్ గా ఓ యూట్యూబ్ ఛానల్ కి ఇంటర్వ్యూ ఇచ్చాడు. ఈ ఇంటర్వ్యూలో చందు చేసిన కామెంట్స్ నెట్టింట వైరల్ గా మారాయి. తాను అసలు ఏ తప్పు చేయలేదని, తనని తప్పు వ్యక్తిగా చూడదని పేర్కొన్నారు.

Also read : Vyooham – Shapadham : మళ్ళీ వాయిదా పడ్డ ఆర్జీవీ ‘వ్యూహం’.. ఈసారి నారా లోకేశ్ వల్ల కాదు..

“అత్యాచారాలు నేను ఎందుకు చేస్తాను. ఆ అమ్మాయి నేను కలిసి సహజీవనం చేసాము. ఆ రిలేషన్ ని కాపాడుకోవాలనే అనుకున్నాను. కానీ వర్క్ అవుట్ అవ్వలేదు, విడిపోయాము. అయితే నేను అనుకోని విధంగా వాళ్ళు నా పై కేసు పెట్టారు. అసలు ఏం జరుగుతుందో తెలిసేలోపే అంతా జరిగిపోయింది. నాతో పాటు నా కుటుంబసభ్యుల పై కూడా కేసులు పెట్టారు.

ఒకరి పై కోపాన్ని మరి ఇంతలా తీర్చుకుంటారా అని బాధ వేసింది. జైలుకి వెళ్లిన మూడు రోజులు బాగా ఏడ్చాను. కానీ నిజం ఏంటో నాతో ఉన్నవారికి తెలుసని ధైర్యం తెచ్చుకున్నాను. నా ఫ్యామిలీ నాకు అండగా నిలిచింది. ప్రస్తుతం కేసు కోర్టులో నడుస్తుంది. త్వరలో నిజానిజాలు అందరికి తెలుస్తాయి. ఇక నా జీవితం అబ్బాయిలందరికి గుణపాఠం కావాలి. అబ్బాయిలు చాలా జాగ్రత్తగా ఉండండి. సహజీవనం లాంటివి పెట్టుకోకండి. ఎందుకంటే తప్పు జరిగితే దెబ్బ అబ్బాయిలకే పడుతుంది” అంటూ చందు ఆ ఇంటర్వ్యూలో చెప్పుకొచ్చాడు.