Thaman: మహేష్ కోసం రాత్రింబవళ్లు కష్టపడుతున్న థమన్!
సూపర్ స్టార్ మహేష్ బాబు తాజా చిత్రం ‘సర్కారు వారి పాట’ మరో వారంలో ప్రేక్షకుల ముందుకు రావడానికి రెడీ అయ్యింది. దర్శకుడు పరశురామ్ పెట్ల తెరకెక్కిస్తున్న...
- Published By: 10TV Digital Team ,Published On : May 6, 2022 / 12:47 PM IST
Thaman Working Hard For Mahesh Babu Sarkaru Vaari Paata
Thaman: సూపర్ స్టార్ మహేష్ బాబు తాజా చిత్రం ‘సర్కారు వారి పాట’ మరో వారంలో ప్రేక్షకుల ముందుకు రావడానికి రెడీ అయ్యింది. దర్శకుడు పరశురామ్ పెట్ల తెరకెక్కిస్తున్న ఈ సినిమాలో మహేష్ సరికొత్త అవతారాన్ని ఎప్పుడెప్పుడు చూద్దామా అని ప్రేక్షకులు ఎంతో ఆసక్తిగా చూస్తున్నారు. ఇక ఈ సినిమా ఇప్పటికే ప్రేక్షకుల్లో అదిరిపోయే అంచనాలు క్రియేట్ చేయడంలో సక్సెస్ అయ్యింది. ఈ సినిమాను మే 12న రిలీజ్‌కు రెడీ చేయడంతో ఈ సినిమాకు సంబంధించిన అన్ని పనులను ముగించేందుకు చిత్ర యూనిట్ తెగ కష్టపడుతోంది.
Sarkaru Vaari Paata : మ.. మ.. మహేశా.. మాస్ సాంగ్‌తో రాబోతున్న సూపర్‌స్టార్..
తాజాగా ఈ సినిమాకు సంబంధించిన మ్యూజిక్‌కు ఫినిషింగ్ టచ్‌ను ఇస్తున్నాడు మ్యూజిక్ డైరెక్టర్ థమన్. దీనికి సంబంధించిన పనులను దగ్గరుండి చూసుకుంటున్నాడు. దీని కోసం రాత్రింబవళ్లు కష్టపడుతున్నాడు థమన్. తెల్లవారుజామున 5 గంటలకు కూడా ఈ సినిమా మ్యూజిక్‌కు సంబంధించిన మిక్సింగ్ పనుల్లో బిజీగా ఉన్నాడు థమన్. అయితే సర్కారు వారి పాట కోసం అద్భుతమైన సంగీతాన్ని అందించాడని.. థమన్ మ్యూజిక్‌ను థియేటర్లలో ప్రతిఒక్కరూ ఆస్వాదిస్తారని చిత్ర యూనిట్ ధీమా వ్యక్తం చేస్తోంది.
Sarkaru Vaari Paata: సర్కారు వారి పాట సెన్సార్ టాక్.. రన్ టైమ్ ఎంతంటే?
ఇక డాల్బీ అట్మోస్‌లో ఈ చిత్ర సంగీతాన్ని మిక్సింగ్ చేస్తుండటంతో థియేటర్లలో సౌండ్ బాక్సులు పగిలిపోవడం ఖాయమని చిత్ర వర్గాలు అంటున్నాయి. థమన్ బీజీఎం ఏ రేంజ్‌లో ఉంటుందో ప్రత్యేకించి చెప్పక్కర్లేదు అని.. మహేష్ పవర్ ప్యాక్డ్ పర్ఫార్మెన్స్‌కు థమన్ సంగీతం తోడైతే ఆ సీన్ ఎలా ఉంటుందో మే 12న థియేటర్లలో చూడాల్సిందే అంటున్నారు చిత్ర యూనిట్. ఇక ఈ సినిమాలో మహేష్ బాబు సరసన అందాల భామ కీర్తి సురేష్ హీరోయిన్‌గా నటిస్తోండగా, సముథ్రఖని, నదియా, వెన్నెల కిషోర్, సుబ్బరాజు, బ్రహ్మాజీ తదితరులు ఇతర ముఖ్య పాత్రల్లో నటిస్తున్నారు.
View this post on Instagram
