Trivikram – Bandla Ganesh : వివాదం ముగిసినట్టేనా? ఆ ఇద్దరి కలయిక.. పవన్ ఫ్యాన్స్ హ్యాపీ..

ఒకరు పవన్ కళ్యాణ్ కి భక్తుడు. ఇంకొకరు పవన్ కళ్యాణ్ కి ఆప్త మిత్రుడు. పవన్ ఫ్యాన్స్ కి ఈ ఇద్దరూ కావాల్సినవాళ్ళే. (Trivikram - Bandla Ganesh)

Trivikram Bandla Ganesh

Trivikram – Bandla Ganesh : ఒకరు పవన్ కళ్యాణ్ కి భక్తుడు. ఇంకొకరు పవన్ కళ్యాణ్ కి ఆప్త మిత్రుడు. పవన్ ఫ్యాన్స్ కి ఈ ఇద్దరూ కావాల్సినవాళ్ళే. కానీ కొన్నాళ్ల క్రితం ఈ ఇద్దరి మధ్య ఏం జరిగిందో తెలీదు కానీ ఓ వివాదం అయితే నెలకొంది. ఇంతకీ ఆ ఇద్దరు ఎవరు అంటే ఒకరు దర్శకుడు త్రివిక్రమ్ శ్రీనివాస్, మరొకరు నిర్మాత, నటుడు బండ్ల గణేష్. పవన్ కళ్యాణ్ – త్రివిక్రమ్ ఎంత క్లోజ్ అనేది అందరికి తెలిసిందే. ఇక బండ్ల గణేష్ పవన్ కళ్యాణ్ స్పీచ్ లతో, ఆయన నా దేవుడు అంటూ వైరల్ అయ్యారు.

కొన్నాళ్ల క్రితం ఓ పవన్ కళ్యాణ్ సినిమా ఈవెంట్ కు బండ్ల గణేష్ ని ఆహ్వానించకపోవడంతో ఫ్యాన్స్ తో ఫోన్ లో మాట్లాడుతూ.. త్రివిక్రమ్ వల్లే అంటూ తిట్టారు. త్రివిక్రమ్ ని బండ్ల గణేష్ తిట్టిన ఆడియో క్లిప్ అప్పట్లో తెగ వైరల్ అయింది. సోషల్ మీడియాలో కూడా బండ్ల గణేష్ త్రివిక్రమ్ కి కౌంటర్ గా గతంలో కొన్ని ట్వీట్స్ వేశారు. దాంతో బండ్లన్న – త్రివిక్రమ్ మధ్య గ్యాప్ ఏర్పడింది.

Also See : Bellamkonda Sreenivas : భార్య బర్త్ డే.. పార్టీ నుంచి స్పెషల్ ఫొటోలు షేర్ చేసిన బెల్లంకొండ శ్రీనివాస్..

కొన్ని రోజుల క్రితం బండ్ల గణేష్ ఈ వివాదంపై స్పందిస్తూ.. ఒకే ఇండస్ట్రీలో ఉన్నాం, కోపతాపాలు ఉండవా. ఒక మాట అనుకుంటాం. మళ్లీ కలిసిపోతాం అని అన్నారు. అయితే ఇప్పుడు పూర్తిగా కలిసిపోయారు అని తెలుస్తుంది. బండ్ల గణేష్ కూతురు జనని వివాహం ఆగస్టు 16న హైదరాబాద్ లో ఘనంగా జరిగింది. ఈ వేడుకకు రెండు తెలుగు రాష్ట్రాల రాజకీయ నాయకులు, సినీ సెలబ్రిటీలు హాజరయ్యారు. దర్శకుడు త్రివిక్రమ్ శ్రీనివాస్ కూడా హాజరయ్యారు.

త్రివిక్రమ్ పెద్ద పుష్పగుచ్చం తీసుకొని జనని పెళ్లి కి వెళ్లగా బండ్ల గణేష్ కుమారులు ఆయన్ని స్టేజ్ వద్దకు తీసుకెళ్లారు. బండ్ల గణేష్ త్రివిక్రమ్ కి షేక్ హ్యాండ్ ఇచ్చి ఆప్యాయంగా పలకరించారు. ఈ ఇద్దరూ కాసేపు మాట్లాడుకున్నారు. త్రివిక్రమ్ బండ్ల గణేష్ కూతురు – అల్లుడిని ఆశీర్వదించారు. బండ్ల గణేష్ భార్యని కూడా పలకరించారు. మొత్తానికి బండ్లన్న కూతురు పెళ్ళిలో త్రివిక్రమ్ సందడి చేయడంతో వీరి వివాదం పూర్తిగా ముగిసినట్టే, ఇద్దరూ కలిసిపోయినట్టే అని చర్చ మొదలయింది. వీరిద్దరూ కలిసినందుకు పవన్ ఫ్యాన్స్ మాత్రం సంతోషం వ్యక్తం చేస్తున్నారు.

Also See : Manjula Paritala : హ్యాపీ బర్త్ డే మొగుడా.. స్పెషల్ ఫొటోలు షేర్ చేసిన డాక్టర్ బాబు భార్య..