Vishwak Sen injured in the sets of gangs of godavari movie
Vishwak Sen : టాలీవుడ్ మాస్ కా దాస్ విశ్వక్‌సేన్ ‘గ్యాంగ్స్ అఫ్ గోదావరి’ అనే కొత్త సినిమాలో నటిస్తున్న సంగతి తెలిసిందే. కృష్ణచైతన్య ద‌ర్శ‌క‌త్వం వహిస్తున్న ఈ మూవీ గోదావరి ప్రాంతంలో పీరియాడిక్ బ్యాక్‌డ్రాప్ తో తెరకెక్కుతుంది. అంజలి, నేహశెట్టి ఈ సినిమాలో హీరోయిన్స్ గా నటిస్తున్నారు. ప్రస్తుతం ఈ సినిమా చిత్రీకరణ దశలో ఉంది. తాజాగా ఈ మూవీ షూటింగ్ సెట్ లో విశ్వక్ సేన్ ప్రమాదానికి గురయ్యినట్లు సమాచారం.
మూవీలోని ఒక యాక్షన్ సన్నివేశం తెరకెక్కిస్తున్న సమయంలో విశ్వక్ ఈ ప్రమాదం జరిగినట్లు తెలుస్తుంది. ఫైట్ సీక్వెన్స్ లో భాగంగా లారీ మీద ఉన్న విశ్వక్ కిందకి దూకుతుండగా ప్రమాదానికి గురయ్యాడు. ఈ ప్రమాదంలో విశ్వక్ ఎమైనా గాయాలు జరిగాయా..? అనేది తెలియాల్సి ఉంది. ఈ విషయం తెలియడంతో అభిమానులు ఆందోళన చెందుతున్నారు. ప్రస్తుతం అందుకు సంబంధించిన వీడియో నెట్టింట వైరల్ గా మారింది.
Also read : Chiranjeevi : చిరంజీవి సినిమా డైరెక్ట్ చేయను అంటున్న డైరెక్టర్.. ఎందుకో తెలుసా..?
Shooting for @VishwakSen A near miss#viswaksen #vishwaksen #viralshorts #tollywoodnewshttps://t.co/dv2oNN4E5Y
— Amma Prasanth (@BobbiliBobbili) November 15, 2023
కాగా ‘గ్యాంగ్స్ అఫ్ గోదావరి’ మూవీని డిసెంబర్ 8న రిలీజ్ చేస్తామంటూ మేకర్స్ ఆల్రెడీ ప్రకటించారు. కానీ ఈ చిత్రం ఇంకా షూటింగ్ జరుపుకుంటూనే ఉంది. ఆ మధ్య ఈ సినిమా పోస్టుపోన్ అవ్వబోతుంది అంటూ కూడా వార్తలు వచ్చాయి. విశ్వక్ సేన్ కూడా ఈ వాయిదా గురించి ఇన్‌డైరెక్ట్‌ గా మాట్లాడుతూ ఒక పోస్టు కూడా వేశారు.
“ఆవేశానికో, ఈగోకో తీసుకున్న డెసిషన్ కాదు ఇది. తగ్గేకొద్దీ మింగుతారని అర్థమైంది. డిసెంబర్ 8 శివాలెత్తిపోద్ది. గంగమ్మ తల్లికి నా ఒట్టు. మహాకాళి నాతో ఉంది. డిసెంబర్ లో సినిమా రిలీజవ్వకపోతే నేను ఇక ప్రమోషన్స్ లో కనబడును” అంటూ పోస్ట్ వైరల్ పోస్ట్ చేశారు. ఈ విషయం పై నిర్మాత నాగవంశీని ప్రశ్నించగా.. “విశ్వక్ ఎందుకు అలా పోస్టు చేసాడో అతనే అడగాలి” అంటూ బదులిచ్చారు. మరి ఈ సినిమా డిసెంబర్ లో రిలీజ్ అవుతుందా లేదా చూడాలి. సితార ఎంటర్టైన్మెంట్స్, శ్రీకర స్టూడియోస్, ఫార్చ్యూన్ ఫోర్ సినిమాస్ సంయుక్తంగా ఈ సినిమాని నిర్మిస్తున్నారు.
