Custody Movie: యంగ్ హీరో అక్కినేని నాగచైతన్య ప్రస్తుతం ‘కస్టడీ’ మూవీతో ప్రేక్షకులను ఆకట్టుకునేందుకు రెడీ అయ్యాడు. ఈ చిత్రాన్ని తమిళ దర్శకుడు వెంకట్ ప్రభు డైరెక్ట్ చేస్తుండగా ఇప్పటికే రిలీజ్ అయిన పోస్టర్స్, టీజర్, ట్రైలర్స్ ఈ సినిమాపై అంచనాలను అమాంతం పెంచేశాయి. ఇక ఈ సినిమాలో చైతూ పోలీస్ కానిస్టేబుల్ పాత్రలో అదిరిపోయే పర్ఫార్మెన్స్ ఇచ్చినట్లుగా చిత్ర యూనిట్ చెబుతోంది.
Custody Movie: కస్టడీ నుండి ‘టైమ్‌లెస్ లవ్’ అంటూ వింటేజ్ సాంగ్ పట్టుకొస్తున్న చైతూ
కాగా, ఈ సినిమా నేపథ్యం 90ల కాలం నాటిది కావడంతో ఈ మూవీ విజయంపై ఓ టాపిక్ ఇండస్ట్రీ వర్గాల్లో బలంగా వినిపిస్తోంది. ఇటీవల టాలీవుడ్‌లో వస్తున్న సినిమాలన్నీ కూడా 90ల కాలం నాటికి చెందినవిగా తెరకెక్కిస్తున్నారు. ‘రంగస్థలం’ మొదలుకొని రీసెంట్‌గా వచ్చిన ‘దసరా’ మూవీ వరకు పీరియాడిక్ నేపథ్యం సినిమాకు బాగా కలిసొచ్చింది. ఈ సినిమాలే కాకుండా విరూపాక్ష, విడుదల 1, పుష్ప, RRR, పలాస వంటి సినిమాలు కూడా 80-90 దశకంల బ్యాక్‌డ్రాప్‌తో వచ్చాయి. ఈ సినిమాలన్నీ కూడా ప్రేక్షకులకు బాగా కనెక్ట్ అయ్యాయి.
Custody Movie: ‘కస్టడీ’ టీజర్‌కు అదిరిపోయిన రెస్పాన్స్.. ఏకంగా 15 మిలియన్ వ్యూస్!
దీంతో ఇప్పుడు 90ల నేపథ్యంలో వస్తున్న కస్టడీ మూవీకి కూడా ఈ పీరియాడిక్ అంశం బాగా కలిసొస్తుందని అభిమానులు ధీమా వ్యక్తం చేస్తున్నారు. ఈ సినిమాలో అందాల భామ కృతి శెట్టి హీరోయిన్‌గా నటిస్తోండగా, విలక్షణ యాక్టర్ అరవింద్ స్వామి ఈ మూవీలో విలన్ పాత్రలో నటిస్తున్నాడు. ఇళయరాజా, యువన్ శంకర్ రాజాలు సంగీతం అందిస్తున్న కస్టడీ మూవీని శ్రీనివాస్ చిట్టూరి ప్రొడ్యూస్ చేస్తున్నారు. మే 12న రిలీజ్ అవుతున్న కస్టడీ మూవీకి ప్రేక్షకుల నుండి ఎలాంటి రెస్పాన్స్ వస్తుందో చూడాలి.