ట్రాఫిక్ పోలీస్ ఓవరాక్షన్ : బైక్‌ను లాఠీతో పగలకొట్టాడు

చెన్నై: నాన్ పార్కింగ్ ఏరియాలో వెహికల్‌ను పార్క్ చేస్తే ట్రాఫిక్ పోలీసులు ఏం చేస్తారు.. ఫైన్ వేస్తారు.. లేదంటే.. బండిని సీజ్ చేస్తారు. మహా అయితే స్టేషన్‌కి లాక్కెళ్లి పోతారు. కానీ..

చెన్నై: నాన్ పార్కింగ్ ఏరియాలో వెహికల్‌ను పార్క్ చేస్తే ట్రాఫిక్ పోలీసులు ఏం చేస్తారు.. ఫైన్ వేస్తారు.. లేదంటే.. బండిని సీజ్ చేస్తారు. మహా అయితే స్టేషన్‌కి లాక్కెళ్లి పోతారు. కానీ..

చెన్నై: నాన్ పార్కింగ్ ఏరియాలో వెహికల్‌ను పార్క్ చేస్తే ట్రాఫిక్ పోలీసులు ఏం చేస్తారు.. ఫైన్ వేస్తారు.. లేదంటే.. బండిని సీజ్ చేస్తారు. మహా అయితే స్టేషన్‌కి లాక్కెళ్లి పోతారు. కానీ.. చెన్నైలో ఓ ట్రాఫిక్ పోలీస్ ఓవరాక్షన్ చేశాడు. బైక్ ని రోడ్డు మీద పార్క్ చేశాడని కోపంతో ఊగిపోయాడు. చేతిలో ఉన్న లాఠీతో బైక్ ను పగలకొట్టాడు. మామూలుగా కొట్టలేదు. బైక్ గ్లాస్ పగలగొట్టాడు, బ్రేక్ లు విరగొట్టాడు. బైక్ ముందు భాగం మొత్తం ధ్వంసం చేశాడు. ట్రాఫిక్ కానిస్టేబుల్ నిర్వాకం మొబైల్ కెమెరాలో రికార్డ్ అయ్యింది. ఇప్పుడీ వీడియో వైరల్ అయ్యింది.
Read Also : షాకింగ్ : జాన్సన్ బేబీ షాంపూలు కూడా ప్రమాదమే‌

చెన్నై మెరీనా బీచ్ లో ఈ ఘటన జరిగింది. ఆ బైక్ ఓ కాలేజీ విద్యార్థిది. వీఐపీ కాన్వాయ్ వస్తోందనే సమాచారంతో ట్రాఫిక్ పోలీసులు ట్రాఫిక్ ని క్లియర్ చేస్తున్నారు. అదే సమయంలో రోడ్డుపై అడ్డంగా బైక్ కనిపించింది. దీంతో ట్రాఫిక్ పోలీస్ కి చిర్రెత్తుకొచ్చింది. అంతే.. బైక్ పై తన ప్రతాపం చూపించాడు. కానిస్టేబుల్.. బైక్ ను లాఠీతో కొడుతున్న దృశ్యాలను అటుగా వెళ్తున్న ఓ వ్యక్తి మొబైల్ లో షూట్ చేశాడు.

ఓవరాక్షన్ చేసిన ఆ ట్రాఫిక్ పోలీస్ ని మోహన్ గా గుర్తించారు. అతడు హోంగార్డు. బైక్ ఓనర్ వచ్చినా అతడు ఆగలేదు. లాఠీతో బండిని కొడుతూనే ఉన్నాడు. ఆ విద్యార్థి ఏమీ అనకుండా బైక్ ని తీసుకుని అక్కడి నుంచి వెళ్లిపోయాడు. ఈ వీడియో సోషల్ మీడియాలో వైరల్ అయ్యింది. ట్రాఫిక్ పోలీస్ తీరుపై తీవ్ర విమర్శలు వచ్చాయి. నెటిజన్లు మండిపడ్డారు. రూ.500 లేదా వెయ్యి రూపాయల ఫైన్ తో పోయే దానికి బైక్ ను డ్యామేజ్ చెయ్యడం ఏంటని మండిపడుతున్నారు. ఇప్పుడా బండిని రిపేర్ చేసుకోవాలంటే వేల రూపాయలు ఖర్చు అవుతుందని, ఆ డబ్బు ఎవరు ఇస్తారు? అని నిలదీస్తున్నారు. ఈ వ్యవహారంపై పోలీసు ఉన్నతాధికారులు స్పందించారు. దీనిపై విచారణ చేపట్టారు. సదురు ట్రాఫిక్ పోలీస్ పై చర్యలు తీసుకుంటామని హామీ ఇచ్చారు. రిపోర్టు రాగానే అతడిని విధుల నుంచి సస్పెండ్ చేస్తామన్నారు.
Read Also : కారు కేసీఆర్ దే…స్టీరింగ్ మజ్లీస్ చేతిలో‌