Ahmedabad cleric: ఎన్నికల్లో పోటీ చేసేందుకు ముస్లిం మహిళలకు టికెట్లు ఇవ్వడం ఇస్లాంకు వ్యతిరేకం: జామా మసీదు షాహీ ఇమామ్

Ahmedabad cleric: ఎన్నికల్లో పోటీ చేసేందుకు ముస్లిం మహిళలకు టికెట్లు ఇవ్వడం ఇస్లాంకు వ్యతిరేకమని గుజరాత్ లోని అహ్మదాబాద్ లోని జామా మసీదు షాహీ ఇమామ్ షబ్బిర్ అహ్మద్ సిద్ధిఖీ చెప్పారు. గుజరాత్ లో రేపు రెండో దశ ఎన్నికలు జరుగుతున్నాయి. ఈ నేపథ్యంలో షబ్బిర్ అహ్మద్ ఎన్నికల గురించి స్పందిస్తూ… ముస్లిం మహిళలకు ఎన్నికల్లో పోటీ చేయడానికి టికెట్లు ఇస్తే మతాన్ని బలహీనపర్చినట్లే అవుతుందని చెప్పారు. ఎన్నికల్లో పోటీ చేయడానికి పురుషులే లేరా? అని ప్రశ్నించారు.

మహిళలకు ఇస్లాంలో ఓ ప్రత్యేక స్థానం ఉందని, వారు నమాజు కూడా చేయకూడదని చెప్పారు. అందుకే వారు మసీదులకు రాకుండా అడ్డుకుంటామని అన్నారు. ఇస్లాంలో మహిళలకు అందుకు అనుమతి ఇస్తే వారిని ఎవరూ అడ్డుకోబోరని చెప్పారు. నమాజుకు ఇస్లాంలో చాలా ప్రాముఖ్యత ఉందని తెలిపారు.

#GujaratElections: వివాహం జరగగానే పెళ్లి పందిరి నుంచి నేరుగా పోలింగ్ కేంద్రానికి జంట

నమాజు కన్నా ఏదీ ముఖ్యమైనది కాదని తెలిపారు. మహిళలను ఎమ్మెల్యేలను, కౌన్సిలర్లను చేస్తే హిజాబ్ ను కాపాడుకోలేమని అన్నారు. కాగా, ఈ నెల 1న గుజరాత్ లో మొదటి దశ పోలింగ్ జరిగింది. రేపు రెండో దశ ఓటింగ్ జరగనుంది. ఓట్లు వేయడానికి అహ్మదాబాద్ కు ప్రధాని మోదీ, కేంద్ర మంత్రి అమిత్ షా కూడా వెళ్తున్నారు.

10 TV live: “నాన్ స్టాప్ న్యూస్ అప్ డేట్స్ కోసం 10TV చూడండి”..