అమెరికాలో మనోళ్లు..బుద్ధి మంతులే కాదు..విద్యావంతులు, ధనవంతులు

వివిధ దేశాల నుంచి వచ్చి అమెరికాలో స్థిరపడుతున్న వారిలో భారతీయుల సగటు ఆదాయం అందరికంటే అధికంగా ఉంది. అంతేగాదు..వివిధ రంగాల్లో మనోళ్లు ప్రతిభాపాటవాలు ప్రదర్శిస్తున్నారు. ఇతర దేశాలకు చెందిన వారం కంటే..భారతీయులు సంపాదనలో ముందే నిలుస్తున్నారు. స్థిరపడ్డ ఇండియన్‌ అమెరికన్ల ఆదాయం ఏటా అందరికంటే 1,00,500 డాలర్లుగా నమోదైంది.



పొరుగు దేశాలైన శ్రీలంక.. నాలుగు, చైనా.. ఏడు, పాకిస్తాన్‌ .. ఎనిమిదో స్థానంలో నిలిచాయి. మొత్తం మీద టాప్‌ 10 దేశాల్లో తొమ్మిది ఆసియా దేశాలే కాగా.. స్థానికులు ఏకంగా 9వ స్థానంలో నిలవడం విశేషం. ప్రతి సంవత్సరం అక్కడి ప్రభుత్వం అమెరికన్‌ కమ్యూనిటీ సర్వే నిర్వహిస్తుంది. అమెరికా సంయుక్త రాష్ట్రాల్లో నివసిస్తున్న స్థానికులు, విదేశీయుల మధ్యస్థ కుటుంబాల ఆదాయ వివరాలు నమోదు చేస్తుంది.

• ఇండియన్‌ 1,00,500
• ఫిలిప్పో 83,300
• తైవానీస్‌ 82,500
• శ్రీలంక‌ 74,600
• జపనీస్‌ 72,300
• మలేసియన్‌ 70,300
• చైనీస్‌ 69,100
• పాకిస్తాన్‌ 66,200





• వైట్‌–అమెరికన్లు 59,900
• కొరియన్‌ 59,200
• ఇండోనేసియన్‌ 57,500
• స్థానిక–అమెరికన్లు 56,200
• థాయ్‌లాండ్‌ 55,000
• బంగ్లాదేశీ 50,000
• నేపాలీ 43,500





• లాటినో 43,000
• ఆఫ్రికన్‌ –అమెరికన్లు 35,000

అమెరికాలో స్థిరపడుతున్న విదేశీయుల్లో బ్యాచ్‌లర్‌ డిగ్రీ ఉన్న వారిలోనూ ఇండియన్లే నంబర్‌వన్. ఈ విషయంలో అమెరికన్లు 28 శాతంతో ఆఖరిస్థానంలో నిలవడం గమనార్హం.



విదేశీయుల్లో బ్యాచ్‌లర్‌ డిగ్రీ ఉన్న వారు : ఇండియన్‌ – అమెరికన్లు 70 %. కొరియన్‌ – అమెరికన్లు 53 %. చైనీస్‌ – అమెరికన్లు 51 %. ఫిలిప్పో – అమెరికన్లు 47 %. జపనీస్‌ – అమెరికన్లు 46 %. సగటు అమెరికన్లు 28 %.