Khadi India: ఖాదీ బ్రాండ్ అమ్మకాల అనుమతి కోసం క్యూలో 43 దేశాలు

ఖద్దరు పై పేటెంట్ హక్కులు భారత దేశానికి మాత్రమే ఉన్నాయి. దీంతో ఇతర దేశాలు తమ దేశాల్లో ఖాధీ బ్రాండ్ ఉత్పత్తుల విక్రయాల అనుమతికోసం భారత్ వద్దకు క్యూ కడుతున్నాయి.

Khadi Brand

Khadi India: ఖద్దరు పై పేటెంట్ హక్కులు భారత దేశానికి మాత్రమే ఉన్నాయి. దీంతో ఇతర దేశాలు తమ దేశాల్లో ఖాధీ బ్రాండ్ ఉత్పత్తుల విక్రయాల అనుమతికోసం భారత్ వద్దకు క్యూ కడుతున్నాయి. విదేశాలలో ఖాదీ ఉత్పత్తులు విక్రయించుకోవాలంటే అందుకు రిజిస్ట్రేషన్ తప్పనిసరి.. దీంతో అనేక దేశాలు ప్రస్తుతం ఖాదీ బ్రాండ్ విక్రయాలకు రిజిస్ట్రేషన్ కోసం కేంద్ర ఖాదీ అండ్ విలేజ్ ఇండస్ట్రీస్ కమిషన్ ధరఖాస్తు చేసుకున్నాయి.

ఇప్పటి వరకు ఖాదీ ఇండస్ట్రీస్ కమిషన్ జర్మనీ, యూకే, రష్యా, చైనా, అస్ట్రేలియా, ఈయూ దేశాలకు అనుమతులు మంజూరు చేసింది. అయితే తాజాగా మెక్సికో, భూటాన్, యూఏఈ దేశాలు ఖాధీ ట్రేడ్ మార్క్ రిజిస్ట్రేషన్ పూర్తై అనుమతులు పొందాయి. అదే క్రమంలో అగ్రరాజ్యంమైన అమెరికాతోపాటు మరో 43 దేశాల రిజిస్ట్రేషన్ల అనుమతులకు సంబంధించిన అప్లికేషన్లు పరిశీలనలో ఉన్నాయి.

ట్రేడ్ మార్క్ అనుమతి ఉంటేనే ఆయా దేశాలు తమ దేశాల్లో ఖాదీ ఉత్పత్తుల అమ్మకాలు సాగించేందుకు వీలుంటుంది. ఖాదీకి సంబంధించిన పేటెంట్ హక్కులన్నీ మనదేశం వద్ద ఉండటంతో అన్నిదేశాలు భారత ఖాదీ అండ్ విలేజ్ ఇండస్ట్రీస్ కమిషన్ వద్ద రిజిస్ట్రేషన్ చేసుకుని అనుమతి తీసుకోవాల్సి ఉంటుంది. అనుమతి పొందిన దేశాలు ఖాదీ ఫ్యాబ్రిక్, ఖాదీ సబ్బులు, సౌందర్య ఉత్పత్తులు, అగరవత్తులతోపాటు, ఇతర ఖాధీ ఉత్పత్తులను విక్రయించుకునేందుకు వీలుంటుంది.

ప్రపంచ వ్యాప్తంగా ఖాధీ ఉత్పత్తులకు రోజు రోజుకు డిమాండ్ పెరుగుతుండటంతో అనేక కంపెనీలు ఖాధీ ఉత్పత్తుల తయారీ, అమ్మకాల వైపు మొగ్గు చూపుతున్నాయి. ఈ క్రమంలో చాలా దేశాలు ఖాదీ బ్రాండ్ అనుమతుల కోసం భారత్ వద్దకు క్యూకడుతున్నాయి.