VVS Laxman: పిల్లి పిల్లల సంరక్షణ బాధ్యతలు తీసుకున్న కుక్క.. ఆసక్తికర వీడియోను ట్వీటర్‌లో షేర్ చేసిన వీవీఎస్ లక్ష్మణ్

dog taking care cat babies

VVS Laxman: భారత మాజీ క్రికెటర్, జాతీయ క్రికెట్ అకాడమీ (ఎన్‌సీఏ) చీఫ్ వీవీఎస్ లక్ష్మణ్ తన ట్విటర్ ఖాతాలో ఆసక్తికర వీడియోను షేర్ చేశారు. భావోద్వేగానికి గురిచేసే ఈ వీడియోలో అనాథలుగా మారిన పిల్లి పిల్లలను కుక్క హక్కున చేర్చుకుంది. ప్రస్తుతం ఈ వీడియో సోషల్ మీడియాలో వైరల్ గా మారింది. వీడియో షేర్ చేసిన కొన్ని గంటల్లోనే 50వేల మందికిపైగా నెటిజన్లు వీక్షించారు.

Vehicle Theft: దేశంలో ఎక్కువ వాహన దొంగతనాలు ఎక్కడ జరుగుతున్నాయో తెలుసా..? సేఫ్‌‌ప్లేస్‌లో హైదరాబాద్‌

తల్లి పిల్లి మరణించడంతో దాని రెండు పిల్లులు అనాథలుగా మారాయి. దీంతో కుక్క వాటిని హక్కున చేర్చుకుంది. రోడ్డు పక్కన దిక్కుతోచని స్థితిలో తిరుగుతున్న రెండు చిన్న పిల్లులను ఆ కుక్క నోటకర్చుకొని ఓ దగ్గరికి చేర్చింది. వాటిని తన దగ్గరే ఉంచుకొని ఆలనాపాలనా చూస్తుంది. ఈ వీడియో నెటిజన్లను ఎంతగానో ఆకట్టుకుంటుంది. ఈ వీడియోను చూసిన నెటిజన్లు తల్లిప్రేమ అద్భుతం అంటూ భావోద్వేగపూరితమైన రీట్వీట్లు చేస్తున్నారు. ఓ నెటిజన్ స్పందిస్తూ.. వీటి నుండి మనం నేర్చుకోవాలి. మానవత్వానికి పాఠం అంటూ పేర్కొన్నారు. మరో నెటిజన్.. మదర్లీ మూమెంట్స్ అంటూ రాశారు.

ఈ వీడియోను ట్విటర్‌లో షేర్ చేసిన వీవీఎస్ లక్ష్మణ్.. ‘పిల్లి తల్లి మరణించిన తర్వాత పిల్లి పిల్లలను చూసుకుంటున్న కుక్క తల్లి.. అన్ని జీవుల తల్లులందరికీ కృతజ్ఞతలు’ అంటూ పేర్కొన్నాడు.