బ్రిడ్జీ కింద ఇరుక్కున్న విమానం : అటు పోలేదు ఇటు రాలేదు

  • Published By: veegamteam ,Published On : December 24, 2019 / 10:06 AM IST
బ్రిడ్జీ కింద ఇరుక్కున్న విమానం : అటు పోలేదు ఇటు రాలేదు

Updated On : December 24, 2019 / 10:06 AM IST

పశ్చిమ బెంగాల్‌లోని బర్ధమాన్ జిల్లాలోని దుర్గాపూర్‌లో ట్రక్కుపై తరలిస్తున్న ఎయిర్‌క్రాఫ్ట్‌ బ్రిడ్జి కింద ఇరుక్కుపోయింది. భారత తపాలా శాఖకు చెందిన ఈ ఎయిర్‌క్రాఫ్ట్‌ గత కొంతకాలం నుంచి నిరూపయోగంగా ఉంది. నేషనల్ హైవే-2 బ్రిడ్జి కింద ఎయిర్‌క్రాఫ్ట్‌ ఇరుక్కుపోయిన విషయాన్ని తెలుసుకున్న తపాలా శాఖ అధికారులు దుర్గాపూర్‌కు చేరుకున్నారు.

బ్రిడ్జి కింద చిక్కుకుపోయిన ఎయిర్‌క్రాఫ్ట్‌ను బయటకు తీసేందుకు పోలీసులు, అధికారులు చర్యలు చేపట్టారు. సోమవారం (డిసెంబర్ 23) రాత్రి ఈ ఎయిర్‌క్రాఫ్ట్‌ బ్రిడ్జి కింద ఇరుక్కున్నట్లు అధికారులు వెల్లడించారు.