Bumra
విశాఖపట్నంలో భారత్‌-ఇంగ్లండ్ మధ్య జరుగుతున్న రెండో టెస్టు మ్యాచ్‌లో టీమిండియా ఫాస్ట్ బౌలర్ జస్ప్రీత్ బుమ్రా ఓ రికార్డును బద్దలు కొట్టాడు. భారత బౌలర్లలో బుమ్రా ఆరు వికెట్ల‌తో ఇంగ్లండ్ బ్యాటింగ్ ఆర్డర్ వెన్నువిరిచిన విషయం తెలిసిందే. టెస్టు క్రికెట్‌లో అత్యంత వేగంగా 150 వికెట్లు తీసిన భారత పేస్‌మన్‌గా నిలిచాడు.
మొత్తం 6,781 బంతులు వేసి, 150 వికెట్లు తీశాడు బుమ్రా. అతి తక్కువ బంతుల్లో 150 వికెట్లు తీసిన భారత బౌలర్లలో బుమ్రా తర్వాత వరుసగా ఉమేశ్ యాదవ్ (7661), మహ్మద్‌ షమీ (7755), కపిల్ దేవ్ (8378), రవిచంద్రన్ అశ్విన్ (8380) ఉన్నారు. మ్యాచుల పరంగా చూస్తే.. బుమ్రా 34 టెస్ట్ మ్యాచ్‌లలో 150 వికెట్లు పూర్తి చేశాడు.
అత్యంత వేగంగా 150 టెస్టు వికెట్లు తీసిన భారత బౌలర్లు (మ్యాచుల పరంగా)
