KKR vs GT : మేం స‌రిగ్గా ఆడ‌కున్నా గెలిచాం.. కంట్రోల్ చేసుకోలేక‌పోయా.. గిల్

ఐపీఎల్ 2025 సీజ‌న్‌లో గుజ‌రాత్ టైటాన్స్ అద‌ర‌గొడుతోంది. వ‌రుస విజ‌యాల‌తో పాయింట్ల ప‌ట్టిక‌లో అగ్ర‌స్థానానికి చేరుకుంది. సోమ‌వారం ఈడెన్ గార్డెన్స్ వేదిక‌గా కోల్‌క‌తా నైట్‌రైడ‌ర్స్‌తో జ‌రిగిన మ్యాచ్‌లో 39 ప‌రుగుల తేడాతో విజ‌యాన్ని సాధించింది. ఈ సీజ‌న్‌లో గుజరాత్‌కు ఇది ఆరో విజ‌యం కావ‌డం విశేషం.

ఈ మ్యాచ్‌లో విజ‌యం సాధించిన అనంత‌రం గుజ‌రాత్ టైటాన్స్ కెప్టెన్ శుభ్‌మ‌న్ గిల్ ఆస‌క్తిక‌ర వ్యాఖ్య‌లు చేశాడు. పొట్టి ఫార్మాట్‌లో ప‌ర్‌ఫెక్ట్ గేమ్ ఆడ‌డం చాలా క‌ష్ట‌మ‌న్నాడు. మ్యాచ్‌ల్లో త‌ప్పులు జ‌ర‌గ‌డం స‌హ‌జం అని చెప్పుకొచ్చాడు. త‌ప్పులు చేసినా విజ‌యాలు సాధించాల‌ని, ఆ విష‌యంలో తాము ఎంతో మెరుగ్గా ఉన్నామ‌న్నాడు. కేకేఆర్ ఆట‌గాడు వెంక‌టేష్ అయ్య‌ర్ ఔటైన‌ప్పుడు భావోద్వేగాల‌ను అదుపుచేసుకోలేక‌పోయిన‌ట్లుగా తెలిపాడు.

KKR vs GT : అందుకే మేము ఓడిపోతున్నాం.. గుజరాత్ పై ఓట‌మి త‌రువాత ర‌హానే కీల‌క వ్యాఖ్య‌లు..

వ‌రుస‌గా రెండు మ్యాచ్‌లు గెల‌వ‌డం ఎంతో సంతోషాన్ని ఇచ్చింద‌న్నాడు. ఈ రెండు మ్యాచ్‌లే పాయింట్ల ప‌ట్టిక‌లో త‌మ స్థానాన్ని శాసిస్తాయ‌ని మ్యాచ్‌ల‌కు ముందే అనుకున్న‌ట్లుగా చెప్పుకొచ్చాడు. ఇక ముందు కూడా ఇలాంటి ప్ర‌ద‌ర్శ‌న‌నే కొన‌సాగించాల‌ని కోరుకుంటున్న‌ట్లు తెలిపాడు. చివ‌రి వ‌ర‌కు ఓ బ్యాట‌ర్ క్రీజులో ఉండాల‌నే విష‌యాన్ని తాము మాట్లాడుకోలేద‌న్నాడు. కేవ‌లం ఇలాంటి ప‌రిస్థితుల్లో ప‌రుగులు ఎలా చేయాల‌న్న దానిపైనే మాత్ర‌మే చ‌ర్చించుకున్న‌ట్లుగా తెలిపాడు.

మ్యాచ్‌లో పై చేయి సాధించ‌డం ఓ ఎత్తు అయితే.. మ్యాచ్‌ను ఘ‌నంగా ముగించ‌డం మ‌రో ఎత్తు అని గిల్ అన్నాడు. టీ20లో ప‌ర్‌ఫెక్ట్ గేమ్ ఆడ‌డం క‌ష్ట‌మ‌ని, ఈ మ్యాచ్‌లోనూ 10 ప‌రుగులు త‌క్కువ‌గా చేశామ‌న్నాడు. తాను క్రీజులో ఉండి ఉంటే ఆ రన్స్ వ‌చ్చేవ‌న్నాడు. ‘బౌలింగ్‌లోనూ కొన్ని త‌ప్పిదాలు జ‌రిగాయి. అయితే.. ఇక్క‌డ ఓ విష‌యం గుర్తుంచుకోవాలి. మీరు ప‌ర్‌ఫెక్ట్ గేమ్ ఆడ‌క‌పోయినా.. గెల‌వ‌డానికి మార్గాన్ని క‌నుగొనాలి. ఆ విష‌యంలో మేం చాలా మెరుగ్గా ఉన్నాం.’ అని గిల్ అన్నాడు.

SRH : ఇలాంటి ఆట‌గాడిని ఎవరైనా వదులుకుంటారా? షమీకి బదులు అతడిని తీసుకుని ఉండే స‌న్‌రైజ‌ర్స్ ప‌రిస్థితి ఇంకోలా..

ఈ మ్యాచ్‌లో మొద‌ట‌ బ్యాటింగ్ చేసిన గుజ‌రాత్ టైటాన్స్‌ నిర్ణీత 20 ఓవ‌ర్ల‌లో 3 వికెట్ల న‌ష్టానికి 198 ప‌రుగులు చేసింది. శుభ్‌మ‌న్ గిల్ (90; 55 బంతుల్లో 10 ఫోర్లు, 3 సిక్స‌ర్లు) తృటిలో సెంచ‌రీ చేజార్చుకున్నాడు. సాయి సుద‌ర్శ‌న్ (52; 36 బంతుల్లో 6 ఫోర్లు, 1 సిక్స‌ర్‌) హాఫ్ సెంచ‌రీల‌తో చెల‌రేగ‌గా.. జోస్‌ బట్ల‌ర్ (41 నాటౌట్; 23 బంతుల్లో 8 ఫోర్లు) మెరుపులు మెరిపించారు.

అనంత‌రం అజింక్యా ర‌హానే (50; 36 బంతుల్లో 5 ఫోర్లు, 1 సిక్స్‌) హాఫ్ సెంచ‌రీతో రాణించినా మిగిలిన వారు విఫ‌లం కావ‌డంతో కేకేఆర్‌ 20 ఓవ‌ర్ల‌లో 8 వికెట్ల న‌ష్టానికి 159 ప‌రుగులకే ప‌రిమిత‌మైంది.