ఐసీసీ ర్యాంకుల్లో టీమిండియా హవా.. మూడు ఫార్మాట్లలోనూ మనమే నెం.1
ఇంగ్లండ్‌ను చిత్తుగా ఓడించింది టీమిండియా ఐసీసీ ర్యాంకుల్లోనూ ఆధిపత్యం చాటింది. మూడు ఫార్మాట్లలోనూ నంబర్‌వ‌న్‌గా నిలిచింది.
- Published By: 10TV Digital Team ,Published On : March 10, 2024 / 02:10 PM IST
Team India attains number one position in all three formats
Team India No.1 Rank: అంతర్జాతీయ పురుషుల క్రికెట్‌లో భారత్ ఆధిపత్యం కొనసాగుతోంది. తాజాగా స్వదేశంలో జరిగిన టెస్టు సిరీస్‌లో ఇంగ్లండ్‌ను చిత్తుగా ఓడించింది టీమిండియా. 5 మ్యాచ్‌ల సిరీస్‌ను 4-1 తేడాతో గెలిచి సత్తా చాటింది. రోహిత్ శర్మ నాయకత్వంలోని టీమిండియా అన్ని విభాగాల్లో రాణించి ఘన విజయాన్ని అందుకుంది. మొదటి మ్యాచ్‌లో ఓడినా.. తర్వాత అనూహ్యంగా పుంజుకుని ప్రత్యర్థిని చిత్తు చేసింది. టెస్టుల్లోనే కాదు వన్డే, టీ20 ఫార్మాట్ లోనూ టీమిండియా హవా కొనసాగుతోంది.
ఐసీసీ పురుషుల క్రికెట్‌ ర్యాంకుల్లో మూడు విభాగాల్లోనూ టీమిండియా టాప్‌లో నిలిచింది. టెస్ట్, వన్డే, టీ20ల్లో టాప్ టీమ్‌గా ఇండియా కొనసాగుతోంది. అంతేకాదు ప్ర‌పంచ టెస్టు ఛాంపియ‌న్ షిప్‌లోనూ భారత్ అగ్ర‌స్థానంలో ఉంది. టెస్ట్ ర్యాంకుల్లో ఇండియా 122 రేటింగ్ పాయింట్లతో నంబర్‌వ‌న్‌గా నిలవగా, ఆస్ట్రేలియా 117 రేటింగ్ పాయింట్లతో రెండో స్థానంలో ఉంది. 111 పాయింట్లతో ఇంగ్లండ్ 3వ ర్యాంక్‌లో కొనసాగుతుంది. న్యూజిలాండ్, సౌతాఫ్రికా.. వరుసగా నాలుగైదు స్థానాల్లో ఉన్నాయి. పాకిస్థాన్ 6వ ర్యాంక్‌లో ఉంది.
కాగా, టీమిండియా ఇంతకుముందు కూడా మూడు ఫార్మాట్లలో ఐసీసీ ర్యాంకుల్లో టాప్‌లో నిలిచింది. సెప్టెంబర్ 2023 నుంచి జనవరి 2024 వరకు అన్ని ఫార్మాట్లలో నంబర్‌వ‌న్‌గా కొనసాగింది. అయితే, దక్షిణాఫ్రికాతో టెస్ట్ సిరీస్ 1-1 డ్రా కావడంతో టెస్టుల్లో సెకండ్ ర్యాంక్‌కు పడిపోయింది. తాజాగా నంబర్‌వ‌న్‌ ర్యాంక్ దక్కించుకోవడంతో మూడు ఫార్మాట్లలోనూ టాప్‌లో నిలిచింది.
రోహిట్ శర్మ..
ఒకప్పుడు టెస్టులకు పనికిరాడని ముద్ర వేసిన రోహిత్ శర్మ లాంగ్ ఫార్మాట్‌లోనూ దుమ్ము రేపుతున్నాడు. కెప్టెన్, ప్లేయర్ గానూ రాణిస్తూ జట్టుకు వరుస విజయాలు అందిస్తున్నాడు. ఇప్పటివరకు 16 టెస్టుల్లో కెప్టెన్‌గా వ్యవహరించిన హిట్ మాన్ 10 విజయాలు తన ఖాతాలో వేసుకున్నాడు. ఈ లిస్టులో విరాట్ కోహ్లి అందరి కంటే ముందున్నాడు.
టెస్ట్ క్రికెట్‌లో అత్యధిక విజయాలు అందించిన కెప్టెన్లు(బ్రాకెట్‌లో మ్యాచ్‌లు)
విరాట్ కోహ్లీ – 40 (68)
MS ధోని – 27 (60)
సౌరవ్ గంగూలీ – 21 (49)
ఎం అజారుద్దీన్ – 14 (47)
రోహిత్ శర్మ – 10* (16)
Also Read: ఏమ‌య్యా బ‌షీర్‌.. క్లీన్‌బౌల్డ్‌కు రివ్య్వూనా? చూడు అంద‌రూ ఎలా న‌వ్వుతున్నారో.. వీడియో
