BAN vs IND : బంగ్లాదేశ్‌లో టీమ్ఇండియా ప‌ర్య‌ట‌న ఖ‌రారు.. గ‌త ఏడాది వాయిదా ప‌డిన సిరీస్‌ల‌ రీ షెడ్యూల్ డేట్స్ ఇవే..

Team India white ball tour of Bangladesh rescheduled to September 2026

• గ‌తేడాది వాయిదా ప‌డిన బంగ్లాదేశ్‌లో భార‌త ప‌ర్య‌ట‌న ఖ‌రారు
•  ఈ ఏడాది ఆగ‌స్టు-సెప్టెంబ‌ర్‌లో భార‌త జ‌ట్టు బంగ్లాదేశ్‌లో ప‌ర్య‌టించ‌నుంది
• భార‌త్, బంగ్లాదేశ్‌ల మ‌ధ్య మూడు వ‌న్డేలు, మూడు టీ20లు

BAN vs IND : బంగ్లాదేశ్‌లో టీమ్ఇండియా ప‌ర్య‌ట‌న ఖ‌రారైంది. ఈ ఏడాది ఆగ‌స్టు-సెప్టెంబ‌ర్ నెల‌లో టీమ్ఇండియా బంగ్లాదేశ్‌కు వెళ్ల‌నుంది. ఈ ప‌ర్య‌ట‌న‌లో ఆతిథ్య జ‌ట్టు బంగ్లాదేశ్‌తో భార‌త్ మూడు వ‌న్డేలు, మూడు టీ20 మ్యాచ్‌ల సిరీస్‌లు ఆడ‌నుంది.

వాస్త‌వానికి ఈ ప‌ర్య‌ట‌న గ‌త ఏడాది (2025) ఆగ‌స్టులోనే ఉండాల్సి ఉంది. అయితే.. అప్పుడు మాజీ ప్రధాని షేక్ హసీనాకు వ్యతిరేకంగా ఆ దేశంలో అల్ల‌ర్లు చెల‌రేగాయి. ఈ క్ర‌మంలోనే సిరీస్‌ను ఈ ఏడాదికి వాయిదా వేశారు.

Shubman gill : శుభ్‌మ‌న్ గిల్ రీ ఎంట్రీ డేట్ ఫిక్స్‌.. మైదానంలో అడుగుపెట్టేది ఆ రోజే..

నూత‌న సంవ‌త్స‌రాన్ని పుర‌స్క‌రించుకుని బంగ్లాదేశ్ క్రికెట్ బోర్డు (బీసీబీ) ఈ ఏడాది బంగ్లాదేశ్ క్రికెట్ షెడ్యూల్‌ను విడుద‌ల చేసింది. పాకిస్తాన్, న్యూజిలాండ్, భారత్‌, ఆస్ట్రేలియా, వెస్టిండీస్‌తో మూడు ఫార్మాట్లలో ద్వైపాక్షిక సిరీస్‌ల షెడ్యూల్‌ను వెల్ల‌డించింది.

గతేడాది ఆగస్టులో (BAN vs IND) వాయిదా పడిన భార‌త్, బంగ్లాదేశ్ వైట్‌బాల్ సిరీస్‌ల తేదీల‌ను రీ షెడ్యూల్ చేసిన‌ట్లు బీసీబీ క్రికెట్ ఆపరేషన్స్ చీఫ్ షహరీర్ నఫీజ్ తెలిపారు.

Ashes : గెలుపు జోష్‌లో ఐదో టెస్టుకు రెండు రోజుల ముందుగానే ఇంగ్లాండ్‌.. వామ్మో ఏం ప్లానింగ్ గురూ!

వైట్ సిరీస్‌ల కోసం భార‌త జ‌ట్టు ఆగ‌స్టు 28న బంగ్లాదేకు వెళ్ల‌నుంది. తొలుత వ‌న్డే సిరీస్‌, ఆ త‌రువాత టీ20 సిరీస్‌లు జ‌ర‌గ‌నున్నాయి. వ‌న్డే సిరీస్ సెప్టెంబ‌ర్ 1 నుంచి 6 వ‌ర‌కు జ‌ర‌గ‌నుండ‌గా, టీ20 సిరీస్ సెప్టెంబ‌ర్ 9 నుంచి 13 వ‌ర‌కు జ‌ర‌గ‌నుంది.

భార‌త్‌, బంగ్లాదేశ్ వ‌న్డే సిరీస్ షెడ్యూల్ ఇదే..
* తొలి వ‌న్డే మ్యాచ్‌- సెప్టెంబ‌ర్ 1న‌
* రెండో వ‌న్డే మ్యాచ్ – సెప్టెంబ‌ర్ 3న
* మూడో వ‌న్డే మ్యాచ్ – సెప్టెంబ‌ర్ 6న‌

భార‌త్, బంగ్లాదేశ్ టీ20 సిరీస్ షెడ్యూల్ ఇదే..
* తొలి టీ20 మ్యాచ్ – సెప్టెంబ‌ర్ 9న
* రెండో టీ20 మ్యాచ్ – సెప్టెంబ‌ర్ 12న‌
* మూడో టీ20 మ్యాచ్ – సెప్టెంబ‌ర్ 13న