Tilak Varma creates history becomes youngest batter to score T20 century vs SA
SA vs IND : టీమ్ ఇండియా యువ ఆట‌గాడు, తెలుగు తేజం తిలక్ వర్మ అరుదైన ఘ‌న‌త సాధించాడు. అంత‌ర్జాతీయ టీ20ల్లో ద‌క్షిణాఫ్రికా పై సెంచరీ చేసిన అతి పిన్న వ‌య‌స్కుడిగా చ‌రిత్ర సృష్టించాడు. సెంచూరియన్ వేదికగా సౌతాఫ్రికాతో జ‌రిగిన మూడో టీ20 మ్యాచ్లో అత‌డు ఈ రికార్డును అందుకున్నాడు. ఈ మ్యాచ్లో 56 బంతులు ఎదుర్కొన్న తిలక్ వర్మ 8 ఫోర్లు, 7 సిక్స‌ర్లు బాది 107 ప‌రుగుల‌తో అజేయంగా నిలిచాడు.
తిలక్ వర్మ 22 ఏళ్ల 4 రోజుల వ‌య‌సులో ద‌క్షిణాఫ్రికాపై శ‌త‌కం బాదాడు. ఈ జాబితాలో సురేశ్ రైనా (23 ఏళ్ల 156 రోజులు), మార్టిన్ గుప్టిల్ (26 ఏళ్ల 84 రోజులు) వ‌రుస‌గా రెండు మూడు స్థానాల్లో ఉన్నారు.
SA vs IND : ఎవ‌డ్రా వీడు..? కెరీర్‌ ఫ‌స్ట్ బాల్‌కే సిక్స్ కొట్టాడు.. వీడియో
ద‌క్షిణాఫ్రికా పై పిన్న వ‌య‌సులో శ‌త‌కం బాదిన ఆటగాళ్లు వీరే..
* తిలక్ వర్మ(భారత్) – 22 ఏళ్ల 4 రోజులు – సెంచూరియన్ వేదికగా (2024లో)
* సురేశ్ రైనా(భారత్) – 23 ఏళ్ల 156 రోజులు – గ్రాస్ ఐస్‌లెట్‌ వేదికగా (2010లో)
* మార్టిన్ గఫ్టిల్‌(న్యూజిలాండ్) – 26 ఏళ్ల 84 రోజులు – లండన్ వేదికగా (2012లో)
* బాబర్ ఆజాం(పాకిస్తాన్‌) – 26 ఏళ్ల 181 రోజులు – సెంచూరియన్ వేదికగా (2021లో)
* క్రిస్‌ గేల్‌(వెస్టిండీస్‌) – 27 ఏళ్ల 355 రోజులు – జొహన్నస్‌బర్గ్ (2007లో)
ఇక భారత్ త‌రుపున టీ20ల్లో పిన్న వ‌య‌సులో సెంచరీ చేసిన ఆట‌గాళ్ల జాబితాలో తిలక్ వర్మ రెండో స్థానంలో నిలిచాడు. ఈ జాబితాలో యశస్వి జైస్వాల్ తొలి స్థానంలో ఉన్నాడు. ఆ త‌రువాత వ‌రుస‌గా గిల్, రైనాలు ఉన్నారు.
Tilak Varma : సెంచరీ త‌రువాత తిలక్ వర్మ కామెంట్స్‌.. అంత ఈజీ ఏం కాదు..
భారత్ తరఫున పిన్న వ‌య‌సులో టీ20ల్లో సెంచరీ సాధించిన ఆటగాళ్లు..
* యశస్వి జైస్వాల్ – 21 ఏళ్ల 279 రోజులు – నేపాల్ పై (2023లో)
* తిలక్ వర్మ- 22 ఏళ్ల 4 రోజులు – ద‌క్షిణాఫ్రికా పై (2024లో)
* శుభ్‌మ‌న్ గిల్ – 23 ఏళ్ల 146 రోజులు – న్యూజిలాండ్ పై (2023లో)
* సురేశ్ రైనా – 23 ఏళ్ల 156 రోజులు – ద‌క్షిణాఫ్రికా పై (2010లో)
Thunderstruck ❌
Tilak-struck 💯A superb maiden century for the stylish #TeamIndia southpaw! 🙌
Catch LIVE action from the 3rd #SAvIND T20I on #JioCinema, #Sports18, and #ColorsCineplex! 👈#JioCinemaSports #TilakVarma pic.twitter.com/L7MEfEPyY8
— JioCinema (@JioCinema) November 13, 2024
