Champions Trophy : అరెరె ఈ విష‌యాన్ని గ‌మ‌నించారా? భార‌త ఆట‌గాళ్లు వైట్ జాకెట్స్ ఎందుకు ధ‌రించారు? దాని వెనుక ఉన్న క‌థేంటి ?

Why Team India wear white jackets aftter winning champions troph

ఛాంపియ‌న్స్ ట్రోఫీ 2025 విజేత‌గా భార‌త్ నిలిచింది. ఫైన‌ల్‌లో న్యూజిలాండ్‌ను ఓడించి 12 ఏళ్ల త‌రువాత ఛాంపియ‌న్స్ ట్రోఫీని స‌గ‌ర్వంగా ముద్దాడింది. భార‌త జ‌ట్టు మూడోసారి ఛాంపియ‌న్స్ ట్రోఫీని కైవ‌సం చేసుకోవ‌డం గ‌మ‌నార్హం. దీంతో కోట్లాది మంది అభిమానులు ఆనంద‌లో మునిగిపోయారు. అయితే.. ఛాంపియ‌న్స్ ట్రోఫీని అందుకునేట‌ప్పుడు భార‌త ఆట‌గాళ్లు అంద‌రూ వైట్ జాకెట్స్‌ను ధ‌రించి ఉన్నారు.

అస‌లు వైట్ జాకెట్స్ వేసుకుని ఆట‌గాళ్లు అంద‌రూ ఎందుకు ఛాంపియ‌న్స్ ట్రోఫీని అందుకున్నారు? దీని వెనుక ఏం ఉంది అన్న‌ది ఓ సారి చూద్దాం..

Champions Trophy : ఛాంపియ‌న్స్ ట్రోఫీ విజేత‌గా భార‌త్.. జ‌స్‌ప్రీత్ బుమ్రా కామెంట్స్ వైర‌ల్‌.. ఏమ‌న్నాడో తెలుసా?

ఈ వైట్ జాకెట్స్ ను ఐసీసీ అంద‌జేస్తుంది. వీటిని ధ‌రించే ఆట‌గాళ్లు క‌ప్పును అందుకోవాల్సి ఉంటుంది. జెంటిమ‌న్ క్రికెట్‌లో ద‌ర్పానికి, గౌర‌వానికి ప్ర‌తీక‌గా ఐసీసీ ట్రోఫీతో పాటు జాకెట్ల‌ను అంద‌జేస్తోంది. కేవ‌లం వీటిని ఛాంపియ‌న్స్ ట్రోఫీ విజేత‌ల‌కు మాత్ర‌మే ఇస్తారు. మిగిలిన ఐసీసీ ఈవెంట్ల‌లో ఇవ్వ‌రు.

1998 నుంచి ఛాంపియ‌న్స్ ట్రోఫీకి శ్రీకారం చుట్టిన‌ప్ప‌టికి వైట్ జాకెట్స్ ఇచ్చే సంప్ర‌దాయాన్ని ఐసీసీ 2009లో ప్ర‌వేశ‌పెట్టింది. అయితే.. ఇది సాధార‌ణ వైట్ జాకెట్స్ మాత్రం కాదండోయ్‌. దీనిని అత్యంత ఖ‌రీదైన ఇటాలియ‌న్ నూలుతో త‌యారు చేస్తారు.

Virat Kohli : ఛాంపియ‌న్స్ ట్రోఫీ విజేత‌గా భార‌త్‌.. అత‌డిని అలా చూడ‌డం ఎంతో బాధ‌గా ఉంద‌న్న కోహ్లీ.. కుర్రాళ్ల చేతిలో మ‌రో 10 ఏళ్లు..

వినూత్నమైన టెక్చ్స‌ర్‌, స్ట్రిప్‌లు, బంగారు వ‌ర్ణ ఎంబ్రాయిడింగ్ వ‌ర్క్‌తో పాటు ఛాంపియ‌న్స్ ట్రోఫీ లోగోతో ఆ జాకెట్లు ఉంటాయి. ఈ జాకెట్ల‌ను ముంబైకి చెందిన స్టైలిస్ట్ బబిత రూపొందించారు.

బీసీసీఐ అధ్య‌క్షుడు రోజ‌ర్ బిన్నీ ఈ వైట్ జాకెట్స్  ను ఆట‌గాళ్ల‌కు ప్ర‌ధానం చేశారు. మిస్ట‌రీ స్పిన్న‌ర్ వ‌రుణ్ చ‌క్ర‌వ‌ర్తి మొద‌ట‌గా ఈ వైట్ జాకెట్స్‌ను తీసుకున్నారు. కాగా.. ఆట‌గాళ్లు అంద‌రికి బిన్ని స్వ‌యంగా ఈ జాకెట్స్‌ను తొడ‌గ‌డం విశేషం.

Champions Trophy 2025 Prize Money : ల‌క్కంటే టీమ్ఇండియాదే.. భార‌త్‌ పై కోట్ల వ‌ర్షం.. ఏ జ‌ట్టుకు ఎంత ప్రైజ్‌మ‌నీ అంటే?

2013లో ధోని నాయ‌క‌త్వంలో భార‌త్ ఛాంపియ‌న్స ట్రోఫీ విజేత‌గా నిలిచింది. అప్పుడు ధోనితో మిగిలిన ఆట‌గాళ్లు అంద‌రూ కూడా వైట్ జాకెట్స్ ధ‌రించే ట్రోఫీని అందుకున్నారు.