Amazon Great Republic Day Sale 2024 Begins on January 13
Amazon Great Republic Day Sale 2024 : ప్రముఖ ఈ-కామర్స్ దిగ్గజం అమెజాన్ గ్రేట్ రిపబ్లిక్ డే సేల్ జనవరి 13న ప్రారంభమవుతుందని కంపెనీ బుధవారం ప్రకటించింది. గణతంత్ర దినోత్సవానికి ముందు జరిగే వార్షిక సేల్ ఈవెంట్ ప్రైమ్ సబ్‌స్క్రైబర్‌లకు అందుబాటులోకి రానుంది.
కొన్ని గంటల పాటు డీల్‌లు, డిస్కౌంట్‌లను యాక్సెస్ చేసేందుకు అనుమతిస్తుంది. వివిధ ప్రొడక్టులపై డిస్కౌంట్‌లతో పాటు, కస్టమర్లు సేల్ సమయంలో అర్హత కలిగిన బ్యాంక్ కార్డ్ లావాదేవీలపై అదనపు ఇన్‌స్టంట్ డిస్కౌంట్ కూడా పొందవచ్చు. మరో ఇ-కామర్స్ పోటీదారు ఫ్లిప్‌కార్ట్ కూడా రిపబ్లిక్ డే సేల్ జనవరి 14న ప్రారంభం కానుంది.
అమెజాన్ ప్రైమ్ మెంబర్లకు అర్ధరాత్రి నుంచే :
ఇ-కామర్స్ వెబ్‌సైట్ వివరాల ప్రకారం.. అమెజాన్ గ్రేట్ రిపబ్లిక్ డే సేల్ జనవరి 13న మధ్యాహ్నం 12 గంటలకు (మధ్యాహ్నం) ప్రారంభమవుతుంది. అయితే, మీరు అమెజాన్ ప్రైమ్ సబ్‌స్క్రిప్షన్‌ను కలిగి ఉంటే.. మీరు 12 గంటల (అర్ధరాత్రి) ముందుగా అదే డీల్‌లను యాక్సెస్ చేయవచ్చు. అమెజాన్ ప్రైమ్ సబ్‌స్క్రిప్షన్, అమెజాన్ మ్యూజిక్, వీడియో స్ట్రీమింగ్ సర్వీసులకు యాక్సెస్‌తో పాటు ప్లాట్‌ఫారమ్‌లోని అనేక ప్రొడక్టులపై ఉచితంగా ఒకరోజు, రెండు-రోజుల షిప్పింగ్‌కు యాక్సెస్‌ను అందిస్తుంది.
Amazon Great Republic Day Sale 2024
అమెజాన్ సేల్ సమయంలో కన్స్యూమర్ ఎలక్ట్రానిక్స్, ఇతర ప్రొడక్టులపై అనేక తగ్గింపులను అందించడానికి రెడీగా ఉంది. ఈ-కామర్స్ ప్లాట్‌ఫారమ్ ప్రకారం.. మీరు సేల్ సమయంలో అదనంగా 10 శాతం ఇన్‌స్టంట్ డిస్కౌంట్ పొందవచ్చు. ఎస్‌బీఐ బ్యాంక్ క్రెడిట్ కార్డ్ లేదా ఈఎంఐ లావాదేవీలపై మాత్రమే ఈ డిస్కౌంట్ పొందవచ్చు.
పలు ప్రొడక్టుల కొనుగోలుపై ఆకర్షణీయమైన డిస్కౌంట్లు :
రాబోయే అమెజాన్ గ్రేట్ రిపబ్లిక్ డే సేల్.. ల్యాండింగ్ పేజీలో స్మార్ట్‌ఫోన్‌లు, అప్లియన్సెస్ 40 శాతం వరకు తగ్గింపుతో విక్రయించే అవకాశం ఉందని వెల్లడించింది. అదే సమయంలో, అమెజాన్ ప్రకారం.. ల్యాప్‌టాప్‌లు, టాబ్లెట్‌లు, స్మార్ట్‌వాచ్‌లు, ఇతర అప్లియన్సెస్ కొనుగోలు చేయాలనుకునే కస్టమర్లు 75 శాతం వరకు తగ్గింపుతో ఈ ప్రొడక్టులను సొంతం చేసుకోవచ్చు.
అదేవిధంగా, స్మార్ట్ టీవీలు, వాషింగ్ మెషీన్లు, రిఫ్రిజిరేటర్లు, ఎయిర్ కండీషనర్లు వంటి గృహోపకరణాలను కూడా సేల్ సమయంలో 65 శాతం వరకు తగ్గింపుతో కొనుగోలు చేయవచ్చు. ఈ సేల్ సమయంలో కస్టమర్లు ఈ ప్రొడక్టుల ధరను మరింత తగ్గించడానికి అర్హత కలిగిన పాత డివైజ్‌లు, అప్లియన్సెస్ ఎక్స్ఛేంజ్ చేసుకోవచ్చని కూడా అమెజాన్ పేర్కొంది.
