iPhone 16 can be effectively bought under Rs 55K on Flipkart
iPhone 16 Discount : కొత్త ఐఫోన్ కొంటున్నారా? అయితే, ఇదే సరైన సమయం. ప్రపంచ ఐటీ దిగ్గజం ఆపిల్ సొంత బ్రాండ్ ఐఫోన్ కొత్త మోడల్ ఐఫోన్ 16 ఇప్పుడు అధికారికంగా భారత మార్కెట్లో కొనుగోలుకు వివిధ ప్లాట్‌ఫారమ్‌ల ద్వారా అందుబాటులో ఉంది. ఆపిల్ సొంత స్టోర్‌లతో పాటు ఫ్లిప్‌కార్ట్, అమెజాన్ వంటి ప్రముఖ ఇ-కామర్స్ సైట్‌లు కూడా ఐఫోన్ 16పై డిస్కౌంట్లతో ఆఫర్ చేస్తున్నాయి.
Read Also : Google Passkeys Login : ఇకపై పాస్‌వర్డులతో పనిలేదు.. గూగుల్ పాస్‌కీలతో అకౌంట్లలో ఈజీగా లాగిన్ చేయొచ్చు?
అదనంగా, బిగ్ బాస్కెట్, జెప్టో, బ్లింకిట్ వంటి ఇతర ఈ-కామర్స్ ప్లాట్‌ఫారమ్‌లు కొత్త ఐఫోన్‌ను 10 నిమిషాల్లో డెలివరీని అందిస్తున్నాయి. ప్రత్యేకించి ఐఫోన్ 12 లేదా ఐఫోన్ 13 వంటి పాత ఐఫోన్ మోడల్‌ల నుంచి ఆపిల్ లేటెస్ట్ ఐఫోన్లకు అప్‌గ్రేడ్ చేయాలనుకుంటే ఈ డీల్ బెస్ట్ అని చెప్పవచ్చు.
ఈ ఐఫోన్ డీల్ ఎలా పనిచేస్తుందంటే? :
మీరు ఐఫోన్ 13 నుంచి ఐఫోన్ 16కి అప్‌గ్రేడ్ చేయాలనుకుంటే.. ఫ్లిప్‌కార్ట్ అద్భుతమైన ఆఫర్ అందిస్తోంది. కేవలం రూ. 28,500 ఎక్స్చేంజ్ వాల్యూను పొందవచ్చు. ఇందులో అదనంగా రూ. 3వేలు ఎక్స్ఛేంజ్ బోనస్ కూడా ఉంది. అయితే, ఈ వాల్యూ మీ ఐఫోన్ 13 వర్కింగ్ కండిషన్‌పై ఆధారపడి ఉంటుంది. ఈ ట్రేడింగ్‌తో ఐఫోన్ 16 ధర రూ. 51వేలకి తగ్గుతుంది.
సరికొత్త ఐఫోన్ మోడల్‌కు ఆకర్షణీయమైన డీల్ అని చెప్పవచ్చు. ఐఫోన్ 12 యూజర్లకు ఎక్స్చేంజ్ వాల్యూ ధర రూ. 20వేలతో పోల్చితే.. ఆపిల్ అధికారిక స్టోర్ ఐఫోన్ 13 ధర రూ. 25వేలకు అందిస్తుంది. ఫ్లిప్‌కార్ట్ ఆఫర్ మీ పాత ఫోన్‌కి మెరుగైన వాల్యూను అందిస్తుంది.
ఐఫోన్ 16 స్పెసిఫికేషన్‌లు :
ఐఫోన్ పర్ఫార్మెన్స్, కెమెరా సామర్థ్యాలు యూజర్ ఎక్స్‌పీరియన్స్ కోసం రూపొందించిన అనేక ఫీచర్లతో ఐఫోన్ 16 వస్తుంది. కొత్త ఎ18 చిప్ ద్వారా ఆధారితంగా పనిచేస్తుంది. వేగవంతమైన పర్ఫార్మెన్స్ మెరుగైన పవర్ సామర్థ్యాన్ని అందిస్తుంది. గేమింగ్ వంటి భారీ పనులకు బెస్ట్ ఆప్షన్ కూడా. ఐఫోన్ 16 గత మోడల్‌లతో పోలిస్తే మెరుగైన బ్యాటరీ లైఫ్ కూడా ఉంది. కీలకమైన అప్‌గ్రేడ్‌లలో 48ఎంపీ ఫ్యూజన్ కెమెరా ఒకటి. ఈ కెమెరా సిస్టమ్ 2ఎక్స్ టెలిఫోటో ఆప్షన్ కలిగి ఉంది.
వినియోగదారులను స్పష్టమైన ఫొటోలను జూమ్ చేసేందుకు అనుమతిస్తుంది. అదనంగా, అల్ట్రా వైడ్ కెమెరా క్లోజ్-అప్ మాక్రో ఫోటోగ్రఫీని అనుమతిస్తుంది. ఐఫోన్ 16 కెమెరా కంట్రోల్‌ని కూడా తీసుకొస్తుంది. మీ వేలికొనలతో వివిధ కంట్రోలింగ్ ఫీచర్ల సాయంతో ఫొటోలు, వీడియోలను క్యాప్చర్ చేయొచ్చు. 6.1-అంగుళాల సూపర్ రెటినా ఎక్స్‌డీఆర్ ఓఎల్ఈడీ డిస్‌ప్లే స్పష్టంగా కనిపిస్తుంది. అయితే, డైనమిక్ ఐలాండ్ ఫీచర్ ఆకర్షణీయమైన వ్యూ ఎక్స్‌పీరియన్స్ అందిస్తుంది.
ఐఫోన్ 16 మెరుగైన మన్నికతో పాటు నీరు, దుమ్ము-నిరోధక డిజైన్‌తో వస్తుంది. ఈ ఐఫోన్ మొత్తం బ్లాక్, వైట్, గులాబీ, టీల్, అల్ట్రామెరైన్ అనే 5 కలర్ ఆప్షన్లలో వస్తుంది. ఐఫోన్ 16 ఫీచర్ యాక్షన్ బటన్.. కెమెరా, ఫ్లాష్‌లైట్ మరిన్నింటి ఫంక్షన్‌లకు వేగంగా యాక్సస్ అందిస్తుంది. అదనంగా, ఆపిల్ ఇంటెలిజెన్స్ యాప్‌లలో రైటింగ్, సెర్చింగ్, రోజువారీ పనులను వేగంగా పూర్తి చేయొచ్చు. మొత్తంమీద, ఐఫోన్ 16 పవర్, మెరుగైన కెమెరా ఆప్షన్లు, అద్భుతమైన డిజైన్‌ను అందిస్తుంది. స్మార్ట్‌ఫోన్ ఎక్స్‌పీరియన్స్ అప్‌గ్రేడ్ చేయాలనుకునే కస్టమర్లకు ఇది బెస్ట్ ఆప్షన్ అని చెప్పవచ్చు.
