Realme 10 launched in India for Rs 13,999_ Specifications, top features and more
Realme 10 Launch : ప్రముఖ చైనా స్మార్ట్‌ఫోన్ దిగ్గజం రియల్‌మి (Realme) భారత మార్కెట్లో రియల్‌మి 10 4G (Realme 10 4G) స్మార్ట్‌ఫోన్ లాంచ్ అయింది. అతిపెద్ద పోటీదారు (Xiaomi) నుంచి Redmi Note 12 5G సిరీస్‌ను లాంచ్ చేసిన కొన్ని రోజుల తర్వాత Realme 10 4G భారత మార్కెట్లో లాంచ్ అయింది.
గత ఏడాది చివరిలో రియల్‌మి 10 (Realme 10 Pro), (Realme 10 Pro Plus) ఫోన్‌తో పాటుగా ఈ మోడల్ రిలీజ్ అయింది. 5G ఫోన్ మాదిరిగా కాకుండా కొత్త Realme 10 4G కనెక్టివిటీని అందిస్తుంది. ఈ ఫోన్‌లో 3 సెన్సార్‌లకు బదులుగా వెనుకవైపు డ్యూయల్ కెమెరాలు ఉన్నాయి. MediaTek G99 చిప్‌సెట్ ద్వారా కూడా పవర్ అందిస్తుంది. రియల్‌మి ఫోన్ 33W ఛార్జింగ్ సపోర్ట్‌తో 5,000mAh బ్యాటరీని కలిగి ఉంది.
భారత్‌లో Realme 10 4G ధర ఎంతంటే? :
భారత మార్కెట్లో Realme 10 4G ధర బేస్ 4GB RAM, 64GB స్టోరేజ్ మోడల్‌కు రూ. 13,999 నుంచి ప్రారంభమవుతుంది. 8GB RAM, 128GB స్టోరేజ్‌తో టాప్-వేరియంట్ ధర రూ.16,999గా ఉంది. Realme బ్యాంక్ ఆఫర్‌లను కూడా అందిస్తోంది. ప్రారంభ కస్టమర్‌లు వరుసగా రూ. 12,999, రూ. 15,999కి స్మార్ట్‌ఫోన్‌ను కొనుగోలు చేయవచ్చు. Flipkart, అధికారిక Realme ఛానెల్‌లలో జనవరి 15 (అర్ధరాత్రి) సేల్ ప్రారంభమవుతుంది.
భారత మార్కెట్లో Realme 10 Pro ధర బేస్ 6GB RAM + 128GB స్టోరేజ్ మోడల్‌కు రూ. 18,999 నుంచి ప్రారంభమవుతుంది. అదే స్టోరేజ్ ఆప్షన్ ధర 10 ప్రో ప్లస్ రూ. 24,999గా ఉంటుంది. భారత మార్కెట్లో Xiaomi Redmi Note 12 5G ధర రూ. 17,999 నుంచి అందుబాటులో ఉంది.
Realme 10 launched in India for Rs 13,999_ Specifications
Realme 10 4G స్పెసిఫికేషన్స్ ఇవే :
డిజైన్ పరంగా.. కొత్త Realme 10 4G రియల్‌మి 10 ప్రోతో సమానంగా కనిపిస్తుంది. అదనపు బ్లూ టోన్‌లో లభించే ప్రో మోడల్‌లా కాకుండా క్లాష్ వైట్, రష్ బ్లాక్ అనే రెండు కలర్ ఆప్షన్లలో స్మార్ట్‌ఫోన్ వస్తుంది. ఒకే స్పీకర్ ఛాంబర్, 3.5mm ఆడియో జాక్, ఛార్జింగ్ టైప్-C పోర్ట్ ఉన్నాయి. వాల్యూమ్ రాకర్స్, SIM కార్డ్ స్లాట్ ఉన్నాయి.
రియల్‌మి 10 4G ఫోన్ 90Hz AMOLED డిస్‌ప్లేతో 360Hz టచ్ రెస్పాన్స్ రేట్, ఫుల్-HD+ రిజల్యూషన్, కార్నింగ్ గొరిల్లా గ్లాస్ 5 ప్రొటెక్షన్‌తో వస్తుంది. డిస్ప్లే 1,000 నిట్‌ల గరిష్ట ప్రకాశాన్ని కూడా అందిస్తుంది. Realme 10 మీడియా టెక్ G99 చిప్‌సెట్‌ను 8GB వరకు LPDDR4X RAM, 128GB UFS 2.2 స్టోరేజ్‌తో వస్తుంది. ఈ ధరల రేంజ్‌లో UFS 2.2 స్పీడ్ అందిస్తుంది.
ఈ ఫోన్‌లో అల్ట్రా-వైడ్ కెమెరా లేనప్పటికీ వెనుకవైపు, Realme రెండు కెమెరా సెన్సార్‌లను అందించింది. Realme 10 4Gలోని డ్యూయల్ కెమెరా సిస్టమ్‌లో 50-మెగాపిక్సెల్ కెమెరా సెన్సార్ మరియు 2-మెగాపిక్సెల్ బ్లాక్ అండ్ వైట్ కెమెరా ఉన్నాయి. ముందు ప్యానెల్ 16-మెగాపిక్సెల్ షూటర్‌తో ఎగువ ఎడమవైపు హోల్-పంచ్ కటౌట్‌తో వస్తుంది. స్మార్ట్‌ఫోన్‌లో 33W ఫాస్ట్ ఛార్జింగ్‌తో 5,000mAh బ్యాటరీ కలిగి ఉంది. Realme 10 4G ఛార్జర్‌తో 28 నిమిషాల్లో 0 నుంచి 50 శాతం వరకు ఛార్జ్ అవుతుందని కంపెనీ పేర్కొంది.
WATCH : 10TV LIVE : “నాన్ స్టాప్ న్యూస్ అప్ డేట్స్ కోసం 10TV చూడండి”..
