Realme 13 5G Series : రియల్‌మి 13 5జీ సిరీస్ చూశారా? ధర ఎంతో తెలిస్తే కొనకుండా ఉండలేరు..!
Realme 13 5G Series Launch : రియల్‌మి 13 5జీ సిరీస్ ప్రారంభ ధర రూ 17,999 వద్ద ప్రారంభమవుతుంది. వెనిలా వేరియంట్, రియల్‌మి 13 5జీ ఫోన్ 8జీబీ+128జీబీ వేరియంట్ ధర రూ. 17,999, 8జీబీ+256జీబీ వేరియంట్ ధర రూ.19,999కు పొందవచ్చు.
- Published By: 10TV Digital Team ,Published On : August 29, 2024 / 07:29 PM IST
Realme 13 5G Series launched in India, price starting at Rs 17,999
Realme 13 5G Series Launch : కొత్త ఫోన్ కొనేందుకు ప్లాన్ చేస్తున్నారా? భారత మార్కెట్లోకి ఎట్టకేలకు రియల్‌మి 13 5జీ సిరీస్ వచ్చేసింది. ఈ సిరీస్ మొత్తం 2 వేరియంట్‌లలో అందుబాటులో ఉంటుంది. రియల్‌మి 135జీ, రియల్‌మి 13 ప్లస్ రెండు వేరియంట్‌లు ఒకే డిజైన్‌ను కలిగి ఉంటాయి. హుడ్ కింద ఫోన్లు విభిన్న చిప్‌సెట్‌ను కలిగి ఉంటాయి.
బేస్ వేరియంట్ మీడియాటెక్ డైమన్షిటీ 6300 ఎస్ఓసీ, రియల్‌మి 13 ప్లస్ వేరియంట్ స్పోర్ట్స్ మీడియాటెక్ డైమన్షిటీ 7300 చిప్ ద్వారా అందిస్తుంది. అయితే, చిప్‌సెట్ కాకుండా, డివైజ్‌లు ఒకేలా ఉంటాయి. తేడాలను పరిశీలిస్తే.. ధర వ్యత్యాసం అంతగా లేదు. ఈ రెండు ఫోన్ల స్పెషిఫికేషన్లు, ఫీచర్ల గురించి పూర్తి వివరాలను ఇప్పుడు తెలుసుకుందాం.
రియల్‌మి 13 5జీ సిరీస్ ధర ఎంతంటే? :
రియల్‌మి 13 5జీ సిరీస్ ప్రారంభ ధర రూ 17,999 వద్ద ప్రారంభమవుతుంది. వెనిలా వేరియంట్, రియల్‌మి 13 5జీ ఫోన్ 8జీబీ+128జీబీ వేరియంట్ ధర రూ. 17,999, 8జీబీ+256జీబీ వేరియంట్ ధర రూ.19,999కు పొందవచ్చు. రియల్‌మి 13 ప్లస్ 5జీ 8జీబీ+128జీబీ వేరియంట్ ధర రూ.22,999, 8జీబీ+256జీబీ వేరియంట్‌కు రూ.24,999, 12జీబీ+256జీబీ వేరియంట్ ధర రూ.26,999కు పొందవచ్చు.
సెప్టెంబర్ 6 నుంచి ఫ్లిప్‌కార్ట్, రియల్‌మి అధికారిక ఆన్‌లైన్ స్టోర్, అన్ని ఇతర ఆఫ్‌లైన్ రిటైల్ స్టోర్లలో ఈ సేల్ అందుబాటులో ఉండనుంది. వీటితో పాటు, కంపెనీ ఫోన్లపై బ్యాంక్ ఆఫర్‌ల ద్వారా మరిన్ని తగ్గింపులను కూడా అందిస్తోంది. కంపెనీ ప్రీ-బుకింగ్ డిస్కౌంట్, రూ.1,500 క్యాష్‌బ్యాక్ ఆఫర్‌ను అందిస్తోంది.
రియల్‌మి 13 5G సిరీస్ స్పెషిఫికేషన్లు, ఫీచర్లు :
రియల్‌మి 13 5జీ బేస్ వేరియంట్ హై-ఎండ్ వేరియంట్ కన్నా కొంచెం పొడవుగా ఉంది. రియల్‌మి 13 5జీ 120Hz రిఫ్రెష్ రేట్‌తో 6.72-అంగుళాల ఎల్‌సీడీ డిస్‌ప్లేను కలిగి ఉంది. ఈ స్మార్ట్‌ఫోన్ బ్యాక్ ప్యానెల్‌లో సర్కిల్ మాడ్యూల్‌ను కలిగి ఉంటుంది. ట్రిపుల్ కెమెరా సెటప్, ఫ్లాష్‌లైట్‌ను హోస్ట్ చేస్తుంది. కెమెరా సిస్టమ్‌లో 50ఎంపీ కెమెరా, 2ఎంపీ మోనో కెమెరా ఉన్నాయి. సెల్ఫీలకు స్మార్ట్‌ఫోన్ డిస్‌ప్లే టాప్-నాచ్‌లో 16ఎంపీ కెమెరా లెన్స్‌ను కలిగి ఉంది.
45డబ్ల్యూ ఛార్జింగ్ సపోర్ట్‌తో 5,000mAh బ్యాటరీని అందిస్తుంది. ఈ ఫోన్ మీడియాటెక్ డైమెన్సిటీ 6300 చిప్‌సెట్‌తో ఆధారితంగా పనిచేస్తుంది. ఆండ్రాయిడ్ 14 ఆధారంగా రియల్‌మి యూఐపై రన్ అవుతుంది. ఈ డార్క్ పర్పుల్, స్పీడ్ గ్రీన్ అనే 2 కలర్ ఆప్షన్లలో వస్తుంది. ఈ స్మార్ట్‌ఫోన్ 18జీబీ ర్యామ్, 256జీబీ స్టోరేజీతో కలిగి ఉంది. రియల్‌మి 13 ప్లస్ 5జీ స్మార్ట్‌ఫోన్ 120Hz రిఫ్రెష్ రేట్‌తో 6.67-అంగుళాల అమోల్డ్ డిస్‌ప్లేను కలిగి ఉంది. రియల్‌మి 13+ 5జీ బేస్ వేరియంట్ మాదిరిగా ఉంటుంది. బ్యాక్ ప్యానెల్‌లో సర్కిల్ కెమెరా మాడ్యూల్ దిగువ భాగంలో పాలరాయి ఆకృతితో ఉంటుంది.
ఈ ఫోన్ ముదురు ఊదా, స్పీడ్ గ్రీన్, విక్టరీ గోల్డ్ అనే 3 కలర్ ఆప్షన్లలో వస్తుంది. కెమెరా సిస్టమ్ బేస్ వేరియంట్‌ని మళ్లీ తీసుకొస్తుంది. 50ఎంపీ ప్రైమరీ కెమెరా, 2ఎంపీ మోనో కెమెరాను కలిగి ఉంది. 16ఎంపీ ఫ్రంట్ కెమెరా పంచ్-హోల్ డిస్‌ప్లే టాప్-నాచ్‌లో వస్తుంది. ఆసక్తికరమైన విషయం ఏమిటంటే.. ఈ వేరియంట్ భారీ 26జీబీ ర్యామ్ 256జీబీ స్టోరేజీని కలిగి ఉంది. ఈ స్మార్ట్‌ఫోన్ మీడియాటెక్ డైమెన్సిటీ 7300 చిప్‌తో ఆధారితమైనది. ఆండ్రాయిడ్ 14పై ఆధారపడిన రియల్‌మి యూఐ 5.0పై రన్ అవుతుంది. 80డబ్ల్యూ ఛార్జింగ్ సపోర్ట్‌తో 5,000mAh బ్యాటరీని కూడా అందిస్తుంది.
