Samsung Galaxy Z Fold 6 : అద్భుతమైన డీల్ భయ్యా.. ఈ శాంసంగ్ ఫోల్డబుల్ ఫోన్ మీ బడ్జెట్ ధరలోనే.. ఇంత తక్కువకు మళ్లీ దొరకదు..
Samsung Galaxy Z Fold 6 : కొత్త శాంసంగ్ ఫోన్ కోసం చూస్తున్నారా? ఈ ఫోల్డబుల్ ఫోన్ అతి తక్కువ ధరకే లభిస్తోంది. ఈ అద్భుతమైన డీల్ ఎలా పొందాలంటే?
- Published By: 10TV Digital Team ,Published On : December 24, 2025 / 01:21 PM IST
Samsung Galaxy Z Fold 6
Samsung Galaxy Z Fold 6 : శాంసంగ్ ఫ్యాన్స్ మీకోసమే.. ఫోల్డబుల్ ఫోన్ కొనాలనుకుంటే ఇప్పుడే కేసుకోండి. ఇంత తక్కువ ధరలో మళ్లీ దొరకపోవచ్చు. మీరు ఫోల్డబుల్ స్మార్ట్ఫోన్ కొనాలని చూస్తుంటే ఇదే బెస్ట్ టైమ్.. ప్రస్తుతం ఫ్లిప్కార్ట్లో శాంసంగ్ గెలాక్సీ Z ఫోల్డ్ 6 రూ.62,000 కన్నా ఎక్కువ భారీ తగ్గింపుతో లభ్యమవుతుంది.
భారత మార్కెట్లో రూ.1,64,999 ప్రారంభ ధరకు లాంచ్ అయిన ఈ ఫోన్లో డ్యూయల్ అమోల్డ్ డిస్ప్లేలు, ట్రిపుల్-కెమెరా సిస్టమ్, ప్రీమియం బిల్డ్ ఉన్నాయి. ఇలాంటి ఆఫర్లు ఎక్కువ రోజులు ఉండవు. ఆసక్తిగల కొనుగోలుదారులు త్వరగా కొనేసుకోవడం బెటర్. అన్ని కీలక ఫీచర్లు ఎలా ఉన్నాయో ఇప్పుడు వివరంగా తెలుసుకుందాం..
శాంసంగ్ గెలాక్సీ Z ఫోల్డ్ 6 ధర తగ్గింపు :
భారత మార్కెట్లో శాంసంగ్ గెలాక్సీ Z ఫోల్డ్ 6 ప్రారంభ ధర రూ.1,64,999కు లాంచ్ అయింది. ఫ్లిప్కార్ట్లో ఈ ఫోల్డబుల్ ఫోన్ ప్రస్తుతం రూ.1,06,990కి లిస్ట్ అయింది. రూ.58,009 నేరుగా ధర తగ్గింపు పొందవచ్చు.
ఫ్లిప్కార్ట్ యాక్సస్ బ్యాంకు, ఎస్బీఐ క్రెడిట్ కార్డ్ ఉపయోగించి పేమెంట్ చేసేటప్పుడు మీరు రూ.4వేల అదనపు డిస్కౌంట్ పొందవచ్చు. ఈ డివైజ్ మోడల్ కండిషన్ ఆధారంగా మీ పాత స్మార్ట్ఫోన్ ఎక్స్చేంజ్ చేసుకుని రూ.68,050 వరకు సేవ్ చేసుకోవచ్చు.
శాంసంగ్ గెలాక్సీ Z ఫోల్డ్ 6 స్పెసిఫికేషన్లు, ఫీచర్లు :
శాంసంగ్ గెలాక్సీ Z ఫోల్డ్ 6 స్నాప్డ్రాగన్ 8 జెన్ 3 ప్రాసెసర్తో రన్ అవుతుంది. ఇంకా, ప్రీమియం ఫోల్డబుల్ ఫోన్ 25W ఛార్జింగ్ సపోర్ట్తో 4400mAh డ్యూయల్ బ్యాటరీతో సపోర్టు ఇస్తుంది.
ఈ హ్యాండ్సెట్ 7.6-అంగుళాల లోపలి డిస్ప్లేతో వస్తుంది. 6.3-అంగుళాల ఎక్స్ట్రనల్ డిస్ప్లే కలిగి ఉంటుంది. ఈ 2 డిస్ప్లేలు 120Hz రిఫ్రెష్ రేట్తో డైనమిక్ అమోల్డ్ 2X ప్యానెల్లు కలిగి ఉంది.
ఆప్టిక్స్ పరంగా శాంసంగ్ గెలాక్సీ Z ఫోల్డ్ 6 లో ట్రిపుల్ రియర్ కెమెరా సెటప్ ఉంది. ఇందులో OISతో 50MP ప్రైమరీ కెమెరా, 12MP అల్ట్రావైడ్ లెన్స్ 10MP టెలిఫోటో షూటర్ ఉన్నాయి. సెల్ఫీలు, వీడియో కాల్స్ కోసం శాంసంగ్ ఫోన్ 10MP ఫ్రంట్ ఫేసింగ్ కెమెరాను కలిగి ఉంది.
