Vivo T3 Lite 5G to Launch in India Soon With a Sony AI Camera, Dual 5G Capabilities ( Image Source : Google )
Vivo T3 Lite 5G Launch : ప్రముఖ చైనా స్మార్ట్‌ఫోన్ దిగ్గజం వివో టీ3 లైట్ 5జీ లాంచ్ త్వరలో జరగనుందని కంపెనీ ప్రకటించింది. మార్చిలో టీ3 లాంచ్ తర్వాత వివో టీ3 లైనప్‌లో మూడో స్మార్ట్‌ఫోన్ అవుతుంది. ఆ తర్వాత ఏప్రిల్‌లో వివో T3x లాంచ్ కానుంది. ఫ్లిప్‌కార్ట్‌లో ఈ హ్యాండ్‌సెట్ వివరాలను మైక్రోసైట్ కూడా అందిస్తుంది. వివో టీ3 లైట్ 5జీ సోనీ ఏఐ కెమెరా సిస్టమ్, డిజైన్ వివరాలను కూడా సూచిస్తుంది.
వివో టీ3 లైట్ 5జీ భారత్ లాంచ్ :
ఫ్లిప్‌కార్ట్ మైక్రోసైట్ ప్రకారం.. వివో టీ3 లైట్ 5జీ ఫోన్ లైటనింగ్ ప్రాసెసర్ ద్వారా పవర్ పొందుతుంది. భారత్ అత్యంత సరసమైన డ్యూయల్ 5జీ స్మార్ట్‌ఫోన్ అని కంపెనీ పేర్కొంది. ఈ స్మార్ట్‌ఫోన్‌లో సోనీ ఏఐ కెమెరా కూడా ఉంటుంది. ఈ టీజర్ ఇమేజ్ ఎల్ఈడీ ఫ్లాష్‌తో పాటు డ్యూయల్ కెమెరా సిస్టమ్ కావచ్చునని సూచిస్తుంది. ఈ హ్యాండ్‌సెట్ వివో టీ3 5జీ మాదిరిగానే ఫ్లాట్ డిజైన్‌ను కలిగి ఉండవచ్చు. వాటర్‌డ్రాప్ నాచ్‌ని పొందవచ్చు.
బడ్జెట్ ఆఫర్‌లలో సాధారణంగా కనిపించే డిజైన్ ఎలిమెంట్. రెండు కలర్ ఆప్షన్లలో అందించవచ్చు. ఈ స్మార్ట్‌ఫోన్ డ్యూయల్ 5జీ ఫీచర్లను కూడా అందించవచ్చు. వివో ఇప్పటికే ఈ ఫీచర్లను రివీల్ చేసింది. జూన్ 24న చిప్‌సెట్ వివరాలు వెల్లడవుతాయని మైక్రోసైట్ లిస్టింగ్ చెబుతుండగా, కెమెరా స్పెసిఫికేషన్లు ఒక రోజు తర్వాత (జూన్ 25న) అధికారికంగా ప్రకటించనుంది. వివో టీ3 లైట్ 5జీ స్పెసిఫికేషన్లు, ధర ఈ వారం ప్రారంభంలో లీక్ అయ్యాయి.
వివో T3 లైట్ 5జీ స్పెసిఫికేషన్లు (అంచనా) :
నివేదిక ప్రకారం.. వివో T3 లైట్ 5జీ ఫోన్ మీడియాటెక్ డైమెన్సిటీ 6300 ఎస్ఓసీ ద్వారా పవర్ పొందుతుంది. ఈ చిప్‌సెట్ బడ్జెట్ సెగ్మెంట్‌లోని రియల్‌మి నార్జో ఎన్65, రియల్‌మి సి65 5జీ వంటి ఇతర స్మార్ట్‌ఫోన్‌లకు కూడా పవర్ అందిస్తుంది. 50ఎంపీ సోనీ ఏఐ కెమెరాను కలిగి ఉన్నట్లు నివేదించింది. సెకండరీ సెన్సార్‌తో వస్తుంది.
ఈ స్మార్ట్‌ఫోన్ భారత మార్కెట్లో వివో అత్యంత సరసమైన 5జీ ఆఫర్ కావచ్చు. ఈ ఫోన్ ధర రూ. 12వేల లోపు ఉండవచ్చు. జూన్ చివరి నాటికి భారత్‌లో లాంచ్ అయ్యే అవకాశం ఉంది. రానున్న రోజుల్లో ఈ 5జీ ఫోన్ గురించి మరిన్ని విషయాలు కంపెనీ రివీల్ చేయనుంది.
