WhatsApp Android Phones : వాట్సాప్ యూజర్లకు బిగ్ అలర్ట్.. ఈ పాత ఆండ్రాయిడ్ ఫోన్లలో వాట్సాప్ పనిచేయదు.. మీ ఫోన్ ఉందేమో చెక్ చేసుకోండి..!
WhatsApp Android Phones : వాట్సాప్ ఆండ్రాయిడ్ యూజర్లకు షాకింగ్ న్యూస్.. మీరు ఈ పాత ఆండ్రాయిడ్ ఫోన్ల (Old Android Phones)ను వాడుతున్నారా? అక్టోబర్ నుంచి ఈ ఫోన్లలో వాట్సాప్ సపోర్టు నిలిచిపోనుంది.
- Published By: 10TV Digital Team ,Published On : September 25, 2023 / 03:55 PM IST
WhatsApp to Stop Working on Older Android Phones
WhatsApp Android Phones : వాట్సాప్ ఆండ్రాయిడ్ యూజర్లకు అలర్ట్.. యూజర్ ఎక్స్‌పీరియన్స్, ప్రైవసీ, భద్రతను మెరుగుపరచడానికి (WhatsApp) ప్లాట్‌ఫారమ్‌లను కొత్త ఫీచర్లు, భద్రతా పరిష్కారాలతో క్రమం తప్పకుండా అప్‌డేట్ చేస్తుంది. (Android, iOS, Whatsapp Web) సహా అన్ని వాట్సాప్ వెర్షన్‌లు, కొత్త ఆపరేటింగ్ సిస్టమ్‌లకు అనుగుణంగా ప్రతి నెలా కొత్త సిస్టమ్ అప్‌డేట్‌లను అందిస్తోంది. కానీ, కొత్త ఆపరేటింగ్ సిస్టమ్ ద్వారా కొత్త అప్‌డేట్‌లను అందిస్తూనే.. వాట్సాప్ పాత ఆపరేటింగ్ సిస్టమ్‌లకు సపోర్టును కూడా నిలిపివేస్తోంది.
తద్వారా కొత్త టెక్నాలజీలను అభివృద్ధి చేయడంపై వాట్సాప్ దృష్టి పెడుతోంది. ఇటీవలి ప్రకటనలో, వాట్సాప్ అక్టోబర్ 24 తర్వాత ఆండ్రాయిడ్ OS వెర్షన్ 4.1, అంతకంటే పాత వాటిపై నడుస్తున్న స్మార్ట్‌ఫోన్‌లకు సపోర్టు నిలిపివేయనున్నట్టు ప్రకటించింది. ఏయే డివైజ్‌లకు కొత్త సెక్యూరిటీ అప్‌డేట్స్ నిలిపివేయనుందో వాట్సాప్ ఆయా ఆండ్రాయిడ్ ఫోన్ల జాబితాను అందిస్తోంది.
వాట్సాప్ సపోర్టు నిలిచిపోయే ఆండ్రాయిడ్ ఫోన్ల జాబితా :
Android OS వెర్షన్ 4.1, అంతకంటే పాత వాటిపై నడుస్తున్న కొన్ని స్మార్ట్‌ఫోన్‌ల జాబితాను ఓసారి పరిశీలిద్దాం..
* Nexus 7 (upgradable to Android 4.2)
* Samsung Galaxy Note 2
* HTC One
* Sony Xperia Z
* LG Optimus G Pro
* Samsung Galaxy S2
* Samsung Galaxy Nexus
* HTC Sensation
* Motorola Droid Razr
* Sony Xperia S2
* Motorola Xoom
* Samsung Galaxy Tab 10.1
* Asus Eee Pad Transformer
* Acer Iconia Tab A5003
* Samsung Galaxy S
* HTC Desire HD
* LG Optimus 2X
* Sony Ericsson Xperia Arc3
ఈ లిస్ట్‌లోని చాలా ఫోన్‌లు పాత మోడళ్లే ఉన్నాయి. ప్రస్తుత రోజుల్లో చాలా మంది ఈ ఫోన్లను ఉపయోగించరు. అయినప్పటికీ, మీరు ఇప్పటికీ ఈ ఫోన్లలో ఒకదానిని వాడుతుంటే.. మీరు కొత్త డివైజ్‌కు తప్పనిసరిగా అప్‌గ్రేడ్ చేసుకోవాలి. ఎందుకంటే వాట్సాప్ మాత్రమే కాదు.. అనేక ఇతర యాప్‌లు కూడా కాలం చెల్లిన ఆపరేటింగ్ సిస్టమ్‌లకు తమ సపోర్టును నిలిపివేస్తాయి.
WhatsApp Older Android Phones
అదనంగా, కొత్త సెక్యూరిటీ అప్‌డేట్స్ లేకుండా వాడితే మీ ఫోన్ సైబర్ మోసగాళ్లకు చిక్కే ప్రమాదం ఉంది. అదే సమయంలో, మీ స్మార్ట్‌ఫోన్ (Android OS) వెర్షన్ 4.1, అంతకంటే పాత వెర్షన్‌లో నడుస్తుందో లేదో మీకు కచ్చితంగా తెలియకుంటే, మీ డివైజ్ సెట్టింగ్‌ల మెనుని చెక్ చేయవచ్చు. Settings > About phone > Software information వెళ్లండి. మీ Android వెర్షన్ కేటగిరీ కింద లిస్టు కనిపిస్తుంది.
WhatsApp సపోర్టు నిలిచిపోతే ఏమౌతుంది? :
వాట్సాప్‌లోని వినియోగదారులకు ముందుగానే తెలియజేస్తుంది. అప్‌గ్రేడ్ చేసుకోవాలని కొన్ని సార్లు వారికి రిమైండర్ చేస్తుందని వాట్సాప్ పేర్కొంది. మీ డివైజ్ అప్‌డేట్ చేయకపోతే వాట్సాప్ ఆ డివైజ్‌లో ఇకపై పని చేయదు. అంటే.. వినియోగదారులు ఎలాంటి మెసేజ్‌లను పంపలేరు లేదా స్వీకరించలేరు. వాట్సాప్ కాల్స్ కూడా చేయలేరు లేదా స్వీకరించలేరు. ఏవైనా ఇతర వాట్సాప్ ఫీచర్‌లను ఉపయోగించలేరు.
వాట్సాప్ సపోర్టు ఇచ్చే డివైజ్‌ల జాబితా :
అక్టోబర్ 24 తర్వాత వాట్సాప్‌కు సపోర్ట్ చేసే డివైజ్‌ల జాబితా ఇదిగో..
* Android OS వెర్షన్ 5.0, కొత్త వెర్షన్ ఉండాలి.
* iOS 12, కొత్తది రన్ అయ్యే iPhone ఫోన్
* JioPhone, JioPhone 2తో సహా KaiOS 2.5.0, కొత్త వెర్షన్
అదనంగా, వాట్సాప్ యూజర్లు తమ అకౌంట్ వెరిఫై చేయడానికి SMS లేదా కాల్‌లను స్వీకరించగల ఫోన్ నంబర్‌ను కలిగి ఉండాలి. Wi-Fi యాక్సెస్ మాత్రమే ఉన్న డివైజ్‌లలో కొత్త అకౌంట్లను క్రియేట్ చేయడానికి ప్లాట్‌ఫారమ్ యూజర్లను అనుమతించదని పేర్కొంది.
