Tamilisai Soundararajan: ‘రాజీనామా.. లోక్‌సభ ఎన్నికల్లో పోటీ’ ప్రచారంపై గవర్నర్ తమిళిసై స్పందన
తమ అధిష్ఠానం ఏ బాధ్యత అప్పగించినా తాను అంగీకరిస్తానని తమిళిసై తెలిపారు. ఎంపీగా పోటీ చేస్తానని తాను ఎటువంటి..
- Published By: 10TV Digital Team ,Published On : December 30, 2023 / 02:57 PM IST
Tamilisai Soundararajan
తెలంగాణ గవర్నర్ తమిళిసై సౌందరరాజన్ రాజీనామా చేస్తారని, వచ్చే లోక్‌సభ ఎన్నికల్లో పోటీ చేస్తారని ప్రచారం జరుగుతోంది. దీనిపై తమిళిసై సౌందరరాజన్ స్వయంగా స్పందిస్తూ ఈ ప్రచారాన్ని కొట్టిపారేశారు.
అయోధ్య రామాలయ నిర్మాణంలో భాగస్వామ్యమైన హైదరాబాద్, బోయిన్ పల్లిలోని అనురాధ టింబర్ డిపోను తమిళిసై సందర్శించారు. రామ మందిర తలుపులను తయారు చేసిన అనురాధ టింబర్ డిపో ప్రతినిధిలతో మాట్లాడారు. ఈ సందర్భంగా మీడియాతోనూ ఆమె మాట్లాడుతూ… తన రాజీనామాపై వస్తున్న వార్తలు అన్నీ ఊహాగానాలు మాత్రమేనని చెప్పారు.
తమ అధిష్ఠానం ఏ బాధ్యత అప్పగించినా తాను అంగీకరిస్తానని తమిళిసై తెలిపారు. ఎంపీగా పోటీ చేస్తానని తాను ఎటువంటి విజ్ఞప్తి చెయ్యలేదని చెప్పారు. తాను ఎప్పుడూ ప్రజలతోనే ఉంటానని తెలిపారు. వైద్యురాలిగా, రాజకీయ నాయకురాలిగా, గవర్నర్‌గా.. ఏ పదవిలో ఉన్నా 24 గంటలు ప్రజలకు అందుబాటులో ఉంటానని స్పష్టం చేసింది.
అయోధ్య రామ్ మందిర్‌లో అనురాధ టింబర్స్ ఒక పాలుపంచుకోవడం ఎంతో గర్వకారణమని తమిళిసై తెలిపారు. ఈ విషయాన్ని మీడియా ద్వారా తెలుసుకుని స్వయంగా ఇక్కడకు వచ్చానని చెప్పారు.
MLC Kavitha : 22 కార్లు విజయవాడలో దాచారన్న సీఎం రేవంత్ వ్యాఖ్యలపై కవిత రియాక్షన్..
