KTR: రూ. 3,800 బొగ్గు వద్దని రూ. 9,000 బొగ్గా? ఇది తుగ్లక్ నిర్ణయం.. జెన్‌కో నిర్ణయంపై కేటీఆర్ ఫైర్

Ktr criticizes congress government over foreign coal import for ts genco 2026

KTR: సింగరేణి సంస్థ నుంచి లభించే చవకైన బొగ్గును పక్కనపెట్టి, భారీ ధరలకు విదేశీ బొగ్గును దిగుమతి చేసుకోవాలనే కాంగ్రెస్ ప్రభుత్వ నిర్ణయంపై బీఆర్‌ఎస్‌ కార్యనిర్వాహక అధ్యక్షుడు కేటీఆర్‌ తీవ్రస్థాయిలో మండిపడ్డారు. సొంత రాష్ట్రంలో పుష్కలంగా బొగ్గు నిల్వలు ఉన్నప్పటికీ, అధిక ధరలకు విదేశీ బొగ్గును కొనుగోలు చేయడం ప్రజలపై అదనపు భారం మోపడమేనని విమర్శించారు. కాంగ్రెస్ సర్కార్ తీసుకున్న ఈ తుగ్లక్ నిర్ణయం వెనుక ఎవరి ప్రయోజనాలు దాగి ఉన్నాయని ప్రశ్నిస్తూ, ‘ఎక్స్’ (ట్విట్టర్) వేదికగా ప్రభుత్వంపై విమర్శల నాణాలు సంధించారు.

Ed Raids On Attica Gold: అట్టికా గోల్డ్‌పై ఈడీ సంచలన దాడులు.. ఏకకాలంలో 16 ప్రాంతాల్లో.. భారీగా బంగారం, విదేశీ కరెన్సీ సీజ్!

టన్ను రూ. 3,800 సింగరేణి బొగ్గు వద్దని.. రూ. 9,000 విదేశీ బొగ్గా?

టన్ను రూ.3,800 కే లభించే నాణ్యమైన సింగరేణి బొగ్గును జెన్‌కో విద్యుత్ కేంద్రాలకు వద్దని తిరస్కరించి, టన్ను ఏకంగా రూ.9,000 పలుకుతున్న విదేశీ బొగ్గు దిగుమతికి అంగీకరించడం వెనుక అసలు మర్మమేంటని కేటీఆర్ (KTR)ప్రశ్నించారు. ఈ నిర్ణయం వల్ల రాష్ట్ర ఖజానాపై పడే వేల కోట్ల రూపాయల భారాన్ని చివరకు ప్రజలే మోయాల్సి వస్తుందని ఆయన ఆవేదన వ్యక్తం చేశారు. ప్రభుత్వ పెద్దల స్వార్థ ప్రయోజనాల కోసమే ఇటువంటి అపసవ్య విధానాలను అమలు చేస్తున్నారని ఆరోపించారు.

దక్షిణ భారతదేశంలోనే అతిపెద్ద బొగ్గు నిల్వలు – కేసీఆర్ పాలనను గుర్తుచేసిన కేటీఆర్:

దక్షిణ భారతదేశంలోనే అత్యంత భారీ బొగ్గు నిల్వలు ఉన్న ఏకైక రాష్ట్రం తెలంగాణ అని కేటీఆర్ గుర్తుచేశారు. ఆంధ్రప్రదేశ్, తమిళనాడు, మహారాష్ట్ర వంటి పొరుగు రాష్ట్రాలకు కూడా బొగ్గును సరఫరా చేసే ఘనత మన సింగరేణి సంస్థదని తెలిపారు. గతంలో కేసీఆర్ ప్రభుత్వ హయాంలో స్వదేశీ సింగరేణి బొగ్గును సమర్థవంతంగా వినియోగించుకుంటూ టీఎస్ జెన్‌కో ద్వారా రాష్ట్రవ్యాప్తంగా 24 గంటల నిరంతర విద్యుత్‌ను అందించామని, కానీ ప్రస్తుత ప్రభుత్వం రాష్ట్ర వనరులను నిర్వీర్యం చేస్తోందని కేటీఆర్ ధ్వజమెత్తారు.