ఇంటర్‌ విద్యార్థులకు అలర్ట్‌.. 3 పరీక్షల తేదీల్లో మార్పు.. రివైజ్డ్ షెడ్యూల్ ఇదే..

ఇంటర్‌ ద్వితీయ సంవత్సరంలో కేవలం ఈ ఒక్క రోజు మాత్రమే పరీక్ష తేదీ మారింది. 

TG Inter Exams: తెలంగాణలో ఇంటర్ పరీక్షల తేదీల్లో స్వల్ప మార్పులు చోటుచేసుకున్నాయి. ఇంటర్ ద్వితీయ సంవత్సర మ్యాథ్స్ ఏ, బాటనీ, పొలిటికల్ సైన్స్ (సివిక్స్) ఎగ్జామ్స్‌ తేదీ మారింది. మార్చి 3న ఈ మూడు ఎగ్జామ్స్‌ జరగాల్సి ఉండగా.. వాటిని మార్చి 4వ తేదీకి వాయిదా వేశారు.

ఈ మేరకు ఇంటర్మీడియట్ బోర్డు సెక్రటరీ కృష్ణ ఆదిత్య వివరాలు తెలిపారు. హోలీ పండుగ సెలవు ఉండడంతో ఈ నిర్ణయం తీసుకున్నామని చెప్పారు. మిగతా పరీక్షలు ముందుగా ప్రకటించినట్లే యథాతథంగా నిర్వహించనున్నట్లు ఇంటర్ బోర్డు వెల్లడించింది.

ఇంటర్‌ ప్రథమ సంవత్సర పరీక్షల్లో ఎలాంటి మార్పు లేదు. ఇంటర్‌ ద్వితీయ సంవత్సరంలోనూ కేవలం ఈ ఒక్క రోజు మాత్రమే పరీక్ష తేదీ మారింది. ఇంటర్ బోర్డు పరీక్షలకు సంబంధించి షెడ్యూల్‌ను కొన్ని నెలల క్రితమే విడుదల చేసిన విషయం తెలిసిందే.