ప్రవేశపెట్టిన ఏడాది వ్యవధిలోనే 5000 సూపర్ ఆటోలను డెలివర్ చేసిన మోంట్రా ఎలక్ట్రిక్
మోంట్రా ఎలక్ట్రిక్ సూపర్ ఆటో.. డిజైన్, వైశాల్యం, ఆకర్షణీయమైన 203 కి.మీ. రేంజీ (ఏఆర్ఏఐ సర్టిఫైడ్), పార్క్ అసిస్ట్ మోడ్తో ఆకట్టుకుంటోంది.
![ప్రవేశపెట్టిన ఏడాది వ్యవధిలోనే 5000 సూపర్ ఆటోలను డెలివర్ చేసిన మోంట్రా ఎలక్ట్రిక్ ప్రవేశపెట్టిన ఏడాది వ్యవధిలోనే 5000 సూపర్ ఆటోలను డెలివర్ చేసిన మోంట్రా ఎలక్ట్రిక్](https://10tv.in/wp-content/uploads/2024/08/Montra-Electric-Autos.jpg)
Montra Electric Autos: 123 ఏళ్ల చరిత్ర గల ప్రతిష్టాత్మక మురుగప్ప గ్రూప్లో భాగమైన అధునాతన ఈవీ బ్రాండ్ మోంట్రా ఎలక్ట్రిక్ తమ 5000వ త్రీ వీలర్ ప్యాసింజర్ ఆటో (L5M కేటగిరీ)ని డెలివరీ చేసినట్లు వెల్లడించింది. వాహనాన్ని ప్రవేశపెట్టిన ఏడాది వ్యవధిలోనే ఈ కీలక మైలురాయిని అధిగమించినట్లు వివరించింది. నవకల్పనలు, సస్టెయినబిలిటీ, సాంకేతికత పురోగతితో పాటు దేశవ్యాప్తంగా కస్టమర్లతో పటిష్టమైన సంబంధాలను ఏర్పర్చుకోవడంలో తమకు గల నిబద్ధతకు ఈ ఘనత నిదర్శనమని తెలిపింది.
కేవలం ఏడాది వ్యవధిలోనే మార్కెట్లో మోంట్రా ఎలక్ట్రిక్ తన స్థానాన్ని పటిష్టం చేసుకుంది. 17 రాష్ట్రాలవ్యాప్తంగా 74 మార్కెట్లలోని కస్టమర్లకు 5000 సూపర్ ఆటోలను డెలివర్ చేసింది. బ్రాండ్ వేగవంతమైన వృద్ధికి, అధునాతన ఎలక్ట్రిక్ త్రీ-వీలర్ల ఆమోదయోగ్యతకు ఈ అసాధారణ ఘనత నిదర్శనంగా నిలవగలదు.
“ప్రవేశపెట్టిన ఏడాది వ్యవధిలోనే గణనీయ స్థాయిలో 5000 సూపర్ ఆటోల డెలివరీ మైలురాయిని సాధించడం మాకెంతో గర్వకారణం. భారత్లో ఎలక్ట్రిక్ మొబిలిటీ విప్లవానికి సారథ్యం వహించడంలో మోంట్రా ఎలక్ట్రిక్నకు గల నిబద్ధతకు ఈ ఘనత ఒక నిదర్శనం. దీన్ని సాకారం చేసిన మా విలువైన కస్టమర్లు, డీలర్ పార్ట్నర్లు, సరఫరాదారులు మరియు మొత్తం మోంట్రా ఎలక్ట్రిక్ టీమ్నకు ధన్యవాదాలు” అని మోంట్రా ఎలక్ట్రిక్ 3Ws బిజినెస్ హెడ్ రాయ్ కురియన్ తెలిపారు.
Also Read: కొత్త బైక్ కొంటున్నారా? బీఎస్ఏ గోల్డ్ స్టార్ 650 బైక్ వచ్చేసిందోచ్..
మోంట్రా ఎలక్ట్రిక్ సూపర్ ఆటోతో లాస్ట్-మైల్ ట్రాన్స్పోర్టేషన్లో మోంట్రా ఎలక్ట్రిక్ విప్లవాత్మకమైన మార్పులు తెస్తోంది. డిజైన్, వైశాల్యం, ఆకర్షణీయమైన 203 కి.మీ. రేంజీ (ఏఆర్ఏఐ సర్టిఫైడ్)పరంగా సూపర్ ఆటో ఈ విభాగంలో తన ప్రత్యేక ముద్ర వేసింది. ఇంధన ఆదాను మెరుగుపర్చేందుకు, సిటీ ట్రాఫిక్లో సులువుగా కదిలేందుకు పార్క్ అసిస్ట్ మోడ్తో పరిశ్రమలోనే తొలిసారి మల్టీ-డ్రైవ్ మోడ్లను ఈ వాహనం పరిచయం చేసింది. ఎలక్ట్రిక్ వాహనాల పరిశ్రమలో దిగ్గజంగా స్థానాన్ని పటిష్టం చేసుకునే క్రమంలో త్రీ-వీలర్ గూడ్స్ సెగ్మెంట్లోకి కూడా ప్రవేశించేందుకు మోంట్రా ఎలక్ట్రిక్ సిద్ధమవుతోంది.
Also Read: ఓలా నుంచి 3 సరికొత్త రోడ్స్టర్ ఎలక్ట్రిక్ బైకులివే.. ఫీచర్లు, ధర ఎంతో తెలుసా?