Ameerpet: అమీర్‌పేటలో ఆన్‌లైన్‌ బెట్టింగ్‌.. నమ్మిన స్నేహితుడినే లక్షల్లో మోసం చేశాడు

Online betting in Ameerpet: మన శ్రేయస్సు కోసం పనికొచ్చే సాంకేతిక పరిజ్ఞానాన్ని యువత ఈజీ మనీ కోసం ఎక్కువగా వాడుకుంటూ ఉంది. హైదరాబాద్ నగరంలో అమీర్‌పేట్ ప్రాంతంలో ఇదే జరిగింది.

ఆన్‌లైన్‌లో బెట్టింగ్‌కు అలవాటుపడిన ఓ యువకుడు తనను నమ్మిన ప్రాణ స్నేహితుడినే మోసం చేశాడు. స్నేహితుడి డబ్బులు తనకే తెలియకుండా తీసుకుని 1.65లక్షల రూపాయలు మోసం చేశాడు.

వివరాల్లోకి వెళ్తే.. హైదరాబాద్ అమీర్‌పేటలో ఉండే బాబు, రాము ఫ్రెండ్స్. బాబుకు తెలియకుండా రాము తన స్నేహితుడి బ్యాంకు వివరాలను తీసుకుని ఆన్‌లైన్‌లో గుర్రపు పందాల్లో బెట్టింగ్ పెట్టాడు. డబ్బులు అకౌంట్‌లో చూసుకోగా లేకపోవడంతో లక్షకు పైగా డబ్బులు మాయమైపోగా.. హైదరాబాద్ సైబర్ క్రైమ్ పోలీసులకు పిర్యాదు చేశాడు బాబు.

కంప్లైంట్ తీసుకుని వెంటనే రంగంలోకి దిగిన పోలీసులు వివరాలను రాబట్టారు. కేసు నమోదు చేసుకొని దర్యాప్తు చేశారు పోలీసులు. స్నేహితుడు రామూనే బాబు అకౌంట్‌లో నుంచి 1.65 రూపాయలు కాజేసినట్లు గుర్తించారు.

స్నేహితుడిని మోసం చేసిన రాముని అరెస్ట్ చేసి రిమాండ్‌కు తరలించారు పోలీసులు. రాముపై పలు సెక్షన్ల కింద కేసు నమోదు చేశారు పోలీసులు.